Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Tellado recalca a necesidade de gobernos estables para garantir os servizos

29 Jul 2016

O Bolo, 29 de xullo de 2016.- O secretario xeral dos populares galegos, Miguel Tellado, recalcou a pertinencia de contar con gobernos estables que non estean bloqueados e que, por tanto, poidan tomar decisións que repercutan na mellora da calidade de vida da cidadanía.

O secretario xeral do PPdeG incidiu en que os políticos son servidores públicos e como tales non poden facer refén a toda a cidadanía polos seus intereses partidistas, senón tratar de conformar gobernos estables que sexan útiles.

Neste senso, Tellado apuntou que non aportarán estabilidade a un Goberno aqueles partidos que non teñen nin estabilidade no seu seo. Así apuntou que o PSdeG está a punto de saltar polos aires polas súas diferenzas internas, mentres que a Marea non é que non teña candidato, senón que nin sequera saben con quen se vai presentar ou baixo que nome mentres que no BNG hai xa máis escisións que militantes.

O número dous dos populares contrapuxo esta situación á do PPdeG, un partido que ofrece un plus de estabilidade a Galicia co que xa non conta ningunha comunidade autónoma nin o Estado. Ao entender de Tellado este é un ben a protexer, xa que é a estabilidade dos gobernos a que permite tomar decisións para que se manteñan os servizos básicos.

Síguenos nas redes sociais