Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Feijóo percorreu a comarca da Limia para escoitar as suxestións dos veciños

29 Jul 2016

Santiago de Compostela, 29 de xullo de 2016.- O presidente dos populares galegos, Alberto Núñez Feijóo, compartiu onte faladoiro cos veciños de Baltar, Os Blancos e Porqueira. Polo banco de Feijóo pasaron multitude de veciños e veciñas interesados en falar cara a cara co presidente.

Así, en Baltar puido escoitar, entre outras, as ideas dos máis mozos da zona, cuxo interese se centraba nas posibilidades educativas da zona e na dinamización da oferta cultural.

Bolígrafo en mano para tomar boa nota das suxestións dos veciños de cada concello, Feijóo seguiu o seu camiño nos Blancos. Alí puido escoitar ao antropólogo local, que deu un discurso resumindo algúns dos asuntos que máis preocupaban aos seus conveciños.

Por último, o presidente do PPdeG rematou a xornada máis aló do solpor en Porqueira, onde puido pasear pola vila e coñecer ao máis veterano dos veciños do concello.

A GALICIA QUE TI QUERES

Estes encontros forman parte da xira ‘A Galicia que ti queres’ deseñada polo Partido Popular de Galicia para fomentar o contacto directo do presidente coas galegas e os galegos e para recibir as súas propostas e achegas de cara á elaboración do vindeiro programa electoral.

Feijóo continuará hoxe en camiño en diferentes concellos da Costa da Morte despois de ter visitado esta semana, ademais da Limia, Cabanas e Pontecesures.

Síguenos nas redes sociais