Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Feijóo asegura que o PPdeG seguirá traballando como ata agora para apoiar aos autónomos e emprendedores

31 Ago 2016

San Cibrao das Viñas, 31 de agosto de 2016.- O presidente do PPdeG, Alberto Núñez Feijóo, avanzou hoxe que o emprendemento seguirá sendo unha das claves da estratexia dos populares. Por este motivo, indicou que o programa electoral do PPdeG volcarase no eido do apoio aos autónomos.

Segundo indicou, serán un obxectivo e un colectivo prioritario ao que queren seguir apoiando, tal como fixeron ata agora e para os que sinalou propostas concretas, “alixerando as cargas sociais, alixerando os compromisos coa Seguridade Social, buscando e investindo na formación dos autónomos e facilitando a constitución dun autónomo como un emprendedor que inicia unha aposta económica”.

 

E é que desde 2009, 31.000 autónomos beneficiáronse das axudas da Comunidade Autónoma por importe de 230 millóns de euros. Ademais, séguese subvencionando durante un ano a afiliación á Seguridade Social dos menores de 30 anos que se establezan como autónomos e esténdese ao segundo e terceiro traballador as axudas para a contratación indefinida.

 

DEDICADOS ÁS EMPRESAS CON DIFICULTADES
Durante a súa participación nun encontro con emprendedores en San Cibrao das Viñas, Ourense; Feijóo puxo en valor que, grazas a unha xestión con rigor, os populares lograron que a Xunta pagase en tempo e forma aos seus provedores, cun tempo medio de pago case un mes máis rápido que a media das comunidades.

 

Ademais, sinalou que se puxo en marcha o maior plan de avais para circulante da historia da autonomía e empresas como Vulcano, Barreras, Copo ou Clesa, tiveron no Goberno galego apoio en forma de avais, préstamos ou inxeccións de capital.

 

AS BASES PARA QUE EMPRENDER SEXA MAÍS DOADO
O dirixente recoñeceu que modificouse o marco legal para poder facer máis doada a decisión de emprender un proxecto empresarial. Por iso, elaborouse a Lei do Emprendemento que, entre outras vantaxes, trouxo consigo a eliminación con carácter xeral da licenza previa e un total de cinco deducións fiscais que abaratasen a actividade económica.

 

Tamén se desenvolveron novas ferramentas de apoio como a Unidade Galicia Emprende, para dar unha resposta en menos de trinta días aos proxectos presentados; e a Oficina “Doing Business”, dirixida a estudar as suxestións dos emprendedores cara a reducir as trabas burocráticas á actividade empresarial.

 

De igual modo, apoiouse ás novas ideas de emprendemento coa Rede Galega de Aceleradoras, con proxectos como Vía Galicia, Galicia Open Future , Bussines Factory Auto ou os Centros coworking en colaboración coa EOI. Así mesmo, a Lei de Economía Social reduciu a 300 euros o capital mínimo para crear unha cooperativa -hoxe hai un 15% máis de cooperativas que en 2009-.



INNOVACIÓN E INTERNACIONALIZACIÓN
No tocante ao eido da innovación e da aposta pola calidade, Feijóo recordou que se levaron a cabo proxectos como o Programa Innterconecta; a Compra Pública Innovadora, na que Galicia é líder en España; e o fortalecemento dos nosos centros de coñecemento.

 

Tamén, desde 2014, apuntou que se está desenvolvendo a Estratexia de Especialización Intelixente (RIS3), co obxectivo de mobilizar máis de 1.600 millóns de euros en Galicia no horizonte de 2020. Nese senso, o dirixente recoñeceu que está orgulloso que Galicia sexa centro de referencia para a innovación no ámbito empresarial en sectores como a automoción, o naval, a aeronáutica, a biotecnoloxía ou o sector das TIC.

 

No eido da internacionalización, Feijóo subliñou que en sete anos, a Xunta concedeu 14 veces máis axudas ás pemes para a súa internacionalización que en toda a historia da autonomía e hoxe hai un 30% máis de empresas exportadoras que no 2009.

 

Síguenos nas redes sociais