Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

O GPP pide seriedade á oposición ao falar de emigración e pon en valor as iniciativas en marcha da Xunta

13 Dic 2016

Santiago, 13 de decembro de 2017.- O viceportavoz do Grupo Popular, Miguel Tellado, pediu “seriedade e rigor” á oposición para falar de emigración e lembroulle que moitas das peticións que realizan xa están sendo abordadas polo Goberno galego nos últimos anos.

 

“Vostedes nin escoitan nin queren escoitar o que fai a Xunta”, subliñou Tellado, para poñer enriba da mesa as axudas que ten en funcionamento o Goberno galego desde 2012 tanto para o apoio ao emprendemento dos emigrantes retornados como para a súa volta á Comunidade galega.

 

BOLSAS DE EXCELENCIA

 

Do mesmo xeito, puxo en valor o feito de que o propio presidente Feijóo anunciase no debate de investidura a convocatoria de novas Bolsas de Excelencia para a Mocidade no Exterior para captar talento estudantil e emprendedor

 

.O viceportavoz reprochou o “catastrofismo” dos partidos da oposición nesta materia e apuntou que “Galicia foi en 2015 a Comunidade con menor taxa de emigración e da que saen menos mozos en proporción ao total de xente nova”. Neste sentido, lembrou que desde 2009 ten un saldo migratorio positivo e que foi durante os anos do Goberno bipartito cando máis traballadores saíron de Galicia en toda a serie histórica.

 

Tellado ironizou co feito de que a primeira moción que presenta o BNG no Parlamento esta lexislatura sexa un Plan Retorna, que tachou de “copia” dun da Junta de Andalucía en vigor desde o ano pasado. “É curioso que un nacionalismo dunha comunidade histórica quede reducido a seguir a un rexionalismo socialista”, concluíu.

Síguenos nas redes sociais