Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Alberto Pazos:"seguiremos velando polos dereitos dos consumidores,avaliando polo miúdo o comportamento das eléctricas" durante os temporais

03 Mar 2017

Santiago, 3 de marzo de 2017.- O deputado do Grupo Popular Alberto Pazos asegurou hoxe que tanto o Goberno galego como o PP “seguiremos velando polos dereitos dos consumidores, avaliando polo miúdo o comportamento das empresas eléctricas” durante os temporais que azoutaron Galicia hai uns días. Ademais, criticou que a oposición desexe que “a Xunta asuma en solitario os danos producidos polos temporais”, sen ter en conta que “a administración competente para asistir técnica e economicamente aos concellos son as deputacións e que existen numerosos danos que deben cubrir as empresas eléctricas ou os propios seguros”.

Pazos explicou que a Xunta “está a traballar desde o primeiro momento en dúas frontes: abrindo un expediente informativo para comprobar que as empresas distribuidoras de electricidade traballaron con dilixencia e de xeito axeitado; e velando polos dereitos dos consumidores a través dos servizos de información e asesoramento dos que dispón o Instituto Galego de Consumo e da Competencia”.

 

“É certo que os temporais que sufriu Galicia nas últimas datas foron dunha intensidade importante, pero non é menos certo que os danos que produciron sobre infraestruturas de titularidade pública foron moi inferiores aos sufridos o pasado ano”, lembrou o deputado popular.

 

RESTABLECEMENTO DA NORMALIDADE

 

Deste xeito, apuntou que “non existiu a concentración de danos na mesma medida que en 2016, e a maioría de administracións, e nomeadamente os concellos, foron que de restablecer a normalidade polos seus propios medios”.

 

Respecto das actuacións levadas a cabo pola Xunta de Galicia, Pazos manifestou que “fixo fronte a todas as incidencias rexistradas en vías de titularidade autonómica, reintegrando a normalidade viaria con notable celeridade; ademais de seguir moi de cerca as actuacións levadas a cabo polo Adif nas vías ferroviarias nas que houbo incidentes por caídas de árbores ou desprendementos de catenarias”.

Síguenos nas redes sociais