Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Daniel Vega sinala á Mariña Lucense como exemplo de xestión ordenada do eucalipto, con gran capacidade para a creación de emprego e riqueza

27 Jun 2017

Santiago, 27 de xuño de 2017.- O deputado do Grupo Popular Daniel Vega asegura hoxe que desde o PPdeG “avogamos por unha xestión ordenada do eucalipto, como se está a facer na Mariña lucense” e salientou a capacidade de creación de emprego e riqueza nesta comarca que ten esta especie arbórea.


No transcurso dunha visita ás instalacións de Madeiras Villapol, Daniel Vega criticou que os grupos de En Marea e BNG “estean a defender no Parlamento a erradicación de todo o eucalipto en Galicia, cando é patente, como se pode ver na Mariña, que non se trata dunha especie invasora e pódese traballar dun xeito ordenado para sacarlle o maior rendemento económico”.


FÓRA DAS ZONAS AGRÍCOLAS


“Nós rexeitamos que o eucalipto invada zonas agrícolas, tal e como xa está recollido na propia Lei de montes de Galicia”, concretou o deputado popular, quen apuntou que a proposta de directrices para a revisión do Plan Forestal de Galicia recolle a necesidade de aumentar a superficie arborada ocupada por coníferas, en particular piñeiro do país, e frondosas caducifolias como o castiñeiro, o carballo, a cerdeira, a nogueira, o freixo ou o bidueiro”.


Vega convidou aos representantes de En Marea-Podemos e do BNG na Mariña a “trasladar aos veciños desta bisbarra as propostas que defenden os seus compañeiros no Parlamento para erradicar todo o eucalipto, unha árbore que ten demostrado nesta zona as súas amplas aplicacións, durabilidade da madeira e innumerables usos”.

Síguenos nas redes sociais