Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

O PPdeG salienta que este ano incrementouse un 11% o número de persoas mozas participantes nos campamentos de verán

21 Sep 2017

Santiago, 20 de setembro de 2017.- A portavoz de Xuventude do Grupo Popular, Sandra Vázquez, salientou hoxe no Parlamento que a Xunta de Galicia incrementou este ano un 11 por cento o número de participantes no programa de actividades de verán dirixido á mocidade galega, chegando a máis de 9.500 mozos e mozas.


Sandra Vázquez indicou que durante a pasada campaña estival a Xunta incrementou en máis de 500 as actividades dirixidas á a xuventude galega, para o que destinou un orzamento global próximo aos tres millóns de euros.


“Estes campos de traballo son actividades encamiñadas a favorecer e fomentar a convivencia, a participación, a tolerancia e a solidariedade entre a mocidade e o seu entorno”, sinalou a portavoz popular


Así mesmo, Sandra Vázquez apuntou que a posta en marcha desta campaña de actividades para a xuventude “trae consigo un aspecto moi positivo: a xeración de emprego no sector dos educadores de tempo libre, xa que as necesidades de contratación de monitores e directores de tempo libre achegouse ás 1.000 persoas”.

Síguenos nas redes sociais