Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Raquel Arias cualifica de "excelente oportunidade" que a Xunta iniciara os trámites para declarar como BIC a Ribeira Sacra

22 Sep 2017

Santiago, 22 de setembro de 2017.- Raquel Arias cualificou de unha “excelente oportunidade” que a Xunta iniciara onte os trámites para declarar a Ribeira Sacra ben de interese cultural (BIC), “paso previo e necesario”, segundo dixo, para converterse en Patrimonio da Humanidade.


A deputada popular salientou a importancia deste feito para a promoción turística da zona, que “é un importante motor económico”. “Ser BIC e aspirar a Patrimonio da Humanidade é un plus diferencial a sumar aos moitos atractivos que xa ten a Ribeira Sacra dende o punto de vista patrimonial, cultural e paisaxístico e que a están a converter nun dos destinos preferidos de Galicia”, engadiu.


VITICULTURA HEROICA


Arias tamén salientou que o recoñecemento como BIC ten que ser totalmente compatible co desenvolvemento da viticultura heroica, “outro motor económico para a zona e un elemento paisaxístico e medioambiental diferenciador que temos que cuidar con mimo”. Considerou ademais que este distintivo debe ser aproveitado tamén como un valor engadido á hora de posicionar os viños desta Denominación de Orixe.


A deputada popular amosouse moi satisfeita do compromiso que a Xunta está a amosar coa Ribeira Sacra. 

Síguenos nas redes sociais