Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Carlos Gómez salienta a partida de 4,2 millóns de euros para os plans de regadío na Limia nos orzamentos da Xunta para 2018

23 Oct 2017

Santiago, 20 de outubro de 2017.- O deputado do Grupo Popular Carlos Gómez Salgado amosou hoxe a súa satisfacción porque a Xunta de Galicia recolla nos seus orzamentos para 2018 unha partida de 4,2 millóns de euros para a posta en marcha dos plans de regadío na comarca da Limia.

 


Gómez Salgado sinala que “este investimento durante o vindeiro ano é a constatación do compromiso da Consellería de Medio Rural para a posta en marcha dos plans de regadío”.

 


COMITÉ DE SEGUIMENTO

 

Así mesmo, o deputado popular lembra que para a consecución deste fin creouse a finais do 2016 o Comité de seguimento dos regadíos da Limia, presidido polo director xeral de Desenvolvemento rural, que xa se ten reunido en máis de media ducia de ocasións. “Este organismo é unha garantía en si mesmo da consecución do obxectivo do plan de rega limiao”, apuntou.

 

A finalidade deste Comité de seguimento é poder controlar en primeira instancia as distintas actuacións a levar a cabo, así como ser vía para chegar a acordos entre todos os interesados: os Concellos afectados de Xinzo de Limia, Porqueira e Trasmiras; as comunidades de regantes; o corpo técnico da Dirección Xeral de Desenvolvemento Rural; e a Asociación de Gandeiros e Agricultores da Limia (ADEGAL).

 


No presente ano 2017 xa foron orzamentados máis de 1.500.000 euros para financiar a tramitación ambiental, análises e estudos previos para os anteproxectos e memorias técnicas, e a redacción definitiva dos proxectos de execución unha vez haxa declaración de impacto e informes e directrices finais da Confederación Hidrográfica Miño-Sil, e de avaliación ambiental.

 


Neste intre están en marcha todas as actuacións previas necesarias para executar as obras de mellora e acondicionamento das comunidades de regantes da Limia.

 


O prazo para comezar as obras dependerá dos tempos de resolución da tramitación ambiental previa, e do resultado final desta coa declaración de impacto ambiental.

Síguenos nas redes sociais