Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Aurelio Núñez destaca o compromiso do Sergas e da Fundación Pública de Urxencias para que se cumpra a legalidade nas condicións laborais dos traballadores do 061

28 Feb 2018

Santiago, 28 de febreiro de 2018.- O portavoz de Sanidade do Grupo Popular, Aurelio Núñez Centeno, afirmou hoxe no Parlamento que “existe un compromiso por parte do Sergas e da Fundación Pública de Urxencias Sanitarias de Galicia-061 de estar vixiantes para que se cumpra a legalidade nas condicións laborais dos traballadores do servizo de operación telefónica do 061 e para que se garanta un servizo de calidade para a cidadanía no traslado ás novas instalacións de A Estrada”.

 

 


Aurelio Núñez lembrou que “o Goberno galego ten garantido que a migración ás novas instalacións en A Estrada farase cos correspondentes plans de continxencia, e a entrada en funcionamento da nova Central de Coordinación de Urxencias Sanitarias realizarase nas datas que garantan a calidade na atención á demanda sanitaria urxente”.

 

AVANCE PARA OS CIDADÁNS

 


“Esperamos que a negociación entre empresa e representantes dos traballadores remate cun acordo satisfactorio para todas as partes, e que o traslado ás novas instalacións represente un avance para os cidadáns, que valoran de xeito moi positivo o servizo do 061”, manifestou.

 


Respecto do traslado do servizo do 061 ás novas dependencias de A Estrada, o portavoz popular explicou que “estase pendente da elaboración dun cronograma estrito de traslado, así como do remate das últimas obras e a dotación do equipamento preciso para dar unha atención de calidade”.

Síguenos nas redes sociais