Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Novas Xeracións inicia con DOWN Galicia a súa rolda de reunións con asociacións de ámbito social de Galicia

13 Mar 2018

13 de Marzo de 2018.- O presidente e a coordinadora xeral de Novas Xeracións de Galicia, Adrián Pardo e Eugenia Vizcaíno, reuníronse este mércores co presidente de DOWN Galicia, Delmiro Prieto, e coa xerente da asociación, Sonia Caldas. Trala xuntanza, Pardo salientou o enorme labor que realizan este tipo de organizacións, “sendo un exemplo de compromiso social para outras asociacións”.


O presidente recordou que a inclusión de persoas con síndrome de Down no mercado laboral ten que ser unha prioridade para todas as administración públicas, así como o de ficar na igualdade de oportunidades a través de programas orientados a integración social plena, “o cal mellora sen dúbida algunha a calidade de vida de persoas con síndrome de Down e con discapacidade intelectual”.

 


O obxectivo prioritario de Down Galicia non é outro que o de conseguir que as persoas con este síndrome consigan a máxima capacidade para levar unha vida autónoma, tomando as súas propias decisións e formando parte da sociedade dunha forma plena, visible e inclusiva.

 


Por todo isto, a unha semana do Día Mundial do Síndrome de Down, Novas Xeracións de Galicia mostra o seu compromiso claro con esta asociación.

 


Cómpre sinalar que esta xuntanza enlázase coa rolda de reunións que Novas Xeracións terá con diferentes asociación do ámbito social, cultural, deportivo e empresarial de Galicia.

Síguenos nas redes sociais