Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Feijóo asegura que o PP quere un proxecto para servir aos veciños de Pontevedra e non para defender a causa nacionalista do BNG

27 Oct 2018

27, outubro, 2018.O presidente do PPdeG, Alberto Núñez Feijóo,asegurou que os populares queren un proxecto de cidade para servir aos veciños de Pontevedra e non para defender a causa nacionalista, como fai o BNG cos votos dos cidadáns. “Nós empregamos a confianza dos pontevedreses para facer máis Pontevedra, para facer máis Galicia e para facer máis España”, engadiu durante a presentación do candidato Rafa Domínguez.

 

Nesta liña, explicou que isto é algo que acreditan desde a Xunta, que está impulsando todos os proxectos comprometidos para Pontevedra nas últimas Eleccións Autonómicas. Entre outras iniciativas, citou a ampliación do Gran Montecelo, o aumento de prazas de garderías públicas, anova residencia pública de maiores,o novo edificio xudicial na Parda, a rehabilitación do Benito Corbal, a Variante de Alba, a futura estación intermodal, a mellora do saneamento coas infraestruturas necesarias ou o novo Pavillón de Ximnasia.

 

Así mesmo, puxo en valor as ganas, ilusión, paixón, ideas e propostas dos populares  para cambiar un concello que “desde hai demasiados anos parece estar conxelado no tempo”, caracterizado pola inercia, pola rutina e polo esgotamento de quen o goberna logo de moito tempo sen percibirse ningunha diferenza. 

 

DEMASIADOS ANOS DE PARÁLISE

Feijóo insistiu en que hai demasiados anos que desde o Concello non se escoita aos cidadáns, que se está só pendente de ver se se reciben piropos en lugar de atender ás necesidades; que o emprego é algo secundario para quen ten que ser o primeiro defensor dos seus veciños; que non se atende a todos os barrios e ao rural como se debería; que cando algo se fai en Pontevedra, só se fai desde a Xunta; e que só hai monólogo onde debería haber diálogo cos pontevedreses.

 

Por este motivo, subliñou que esta urbe precisa a actitude de Rafa Domínguez: a de unir, a de escoitar e a de dialogar; a de que se un alcalde vai máis aló das súas competencias sexa para defender o emprego en lugar de referendums de independencia; e a de saber que “é máis importante o Concello que o partido, é máis importante a cidade que o Concello, e son máis importantes os veciños que a propia cidade”.

 

UN PROXECTO PARA TODOS

Ademais, o presidente fixo fincapé en que a súa formación ten un proxecto de cidade para todos os pontevedreses, sen excepción, xa que son un punto de encontro e gobernan para todos os cidadáns, moi distintos aos que o fan declarando non grato a un veciño por ser doutro partido. “Tendo maioría absoluta non facemos o mesmo, recibimos ao alcalde cando nolo pide e volcámonos no servizo á cidade”, dixo evidenciando as diferenzas entre o PP e o BNG.

 

Nese senso, remarcou que os populares saben a quen serven e que teñen que ser como Pontevedra e como Galicia xa que “non se pode ser ingrato co pobo que confían nun”. De igual xeito, afirmou que por este motivo responderán con ideas, con propostas e con proxecto, sentindo o que se fai e tendo ilusión e ganas por seguir facendo.

 

Así mesmo e tras recoñecer que a realidade está na rúa, o líder do PPdeG destacou a importancia de percorrer todos os barrios para achegarse a todos os veciños e para que Pontevedra, despois de anos parada, poida dar un paso adiante e se poña en marcha como tamén o fixo o candidato popular á Alcaldía deste Concello, Rafa Domínguez.

Síguenos nas redes sociais