Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Adrián Pardo destaca o 2018 como un ano de baixada de paro e máis oportunidades para a mocidade galega

30 Dic 2018

30, decembro, 2018. O presidente de Novas Xeracións de Galicia, Adrián Pardo, fixo balance de 2018 destacando a baixada do paro entre os menores de 30 anos. Para Pardo, “despedimos un bo ano para a mocidade galega. Somos a segunda autonomía na que máis baixou o desemprego dos menores de 30 anos no último ano (durante o bipartito había 63.000 parados, fronte aos 25.000 de agora), e ademais tamén medra o número de afiliacións”.

Pardo puxo tamén en valor “a gran aposta da Xunta de Galicia no retorno da mocidade do exterior así como o traballo para a súa inserción laboral, concedendo un centenar de bolsas de 10.000 euros para cursar ciclos superiores de FP en Galicia”.

 

O presidente das mocidades do Partido Popular de Galicia tamén comparou as formas de facer política e de xestión entre o Executivo galego e o Goberno central. Neste senso destacou que “dende Madrid dedícanse exclusivamente a facer política de tuits, porque as principais decisións de goberno fanse dende a mansión de Pablo Iglesias en Galapagar ou dende o cárcere de Lledoners. Mentres, a Xunta de Galicia ten como unha das súas maiores prioridades ofertar máis e mellores oportunidades á mocidade galega, de aí a súa aposta pola formación, por brindar máis posibilidades de empregabilidade e por desenvolver unha estratexia de Xuventude”.

 

Finalmente, as Novas Xeracións de Galicia están convencidas de que o 2019 será un bo ano para a mocidade galega: “Un ano onde seguiremos sendo a autonomía coas taxas universitarias máis baixas do Estado (conxeladas dende o 2009) e onde se rebaixou o prezo dos másteres habilitantes; un ano onde se seguirá ampliando a oferta formativa, continuando o aumento dos matriculados de FP, a implantación de máis centros plurilingües e un ano onde seguiremos sendo punteiros no fortalecemento da educación dixital”.

Síguenos nas redes sociais