Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Feijóo pide o voto para o PP porque está, coñece, quere e valora Galicia fronte a franquicias ás que lles dá igual

13 Abr 2019

13, abril, 2019. O presidente do PPdeG, Alberto Núñez Feijóo, pediu o voto para o Partido Popular, porque está, coñece, quere e valora Galicia, fronte a franquicias ás que lles dá igual: “Pido o voto para o PP, porque é un voto para unha España mellor e é un voto para que Galicia teña a importancia que merece en España”. 

Así, salientou que o Partido Popular, tendo unha idea global de España, ten ideas, propostas e equipos que serven aos seus veciños, que non toca de oído ante os seus problemas e que valora o esforzo da súa xente.

 

Feijóo, que reivindicou que cada veciño, cada galego e cada español é igual de importante que outro, apuntou que, a diferenza do PP, hai partidos que non ven máis aló de Madrid e Barcelona: “Uns queren que toda España sexa como Madrid e outros queren que toda España sexa como a Cataluña independentista, pero iríanos mellor se España se parecese máis a Galicia”, onde hai estabilidade, responsabilidade, respecto, cordialidade, convivencia e sentidiño.

 

UN GOBERNO ÚTIL PARA GALICIA

Feijóo avogou por un Executivo útil para Galicia, que pelexe polos empregos dos galegos e que nunca se dea por satisfeito mentres que non cumpra os seus compromisos coa Comunidade. Por iso, incidiu en que “un Goberno de España para o que Galicia sexa importante só é posible co Partido Popular”.

 

Neste senso, tamén fixo fincapé en que ao PP si lle importa Galicia, porque ten como únicos socios aos galegos e non a Batasuna-Bildu e ERC como o BNG; porque quere a mellora das súas infraestruturas e máis investimento e non presume, como fan o PSdeG e as Mareas de Podemos, duns orzamentos que lle quitan a cada galego tres de cada 10 euros; e porque ten axenda, ideas e equipos para toda Galicia, non como Ciudadanos, que non ten propostas, nin como Vox, inventan problemas que no existen.

 

Nun acto en Teo, posterior á súa visita á praza de Abastos de Santiago, Feijóo recordou que no 2016 os galegos, coa súa unión nas urnas, votaron o que era mellor para Galicia, evitando así que esta fose xestionada coa frivolidade de Pedro Sánchez, que as Mareas de Podemos elaborasen os orzamentos que e que os nacionalistas e independentistas esixiran referendos: “O que non queremos para Galicia non podemos querelo para España”.

 

O PSOE É UN FREO PARA ESPAÑA

Ante a alerta dunha desaceleración, o líder do PPdeG dixo que o PSOE e os seus socios son un freo para España, polo que a única garantía de avance e o único valor seguro xestionando as dificultades é o Partido Popular: “Con un Goberno de Pedro Sánchez, a posible desaceleración volverá ser crise; con un Goberno do PP, seguiremos falando de recuperación”.

 

Feijóo destacou que nestas eleccións todos os votos son necesarios e que teñen que ser útiles: “Todos os votos teñen que converterse en escano e, por iso, temos que unirnos nas urnas no PP”. Deste xeito, remarcou que en España haberá un Goberno que goberne como o de Galicia e co que ao país lle irá mellor, porque, tal e como sinalou, que Pedro Sánchez repita non é bo nin para os galegos nin para o resto dos españois.

Síguenos nas redes sociais