Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Feijóo di que Ramón Carballo é o cambio que precisa Lugo, ante o proxecto caducado de socialistas e nacionalistas

24 May 2019

24, maio, 2019. “Ramón Carballo é o candidato que lle gustaría ter a todos os partidos que se presentan a estas Eleccións Municipais na cidade de Lugo”, sinalou o presidente do PPdeG, Alberto Núñez Feijóo, quen incidiu que o PP é a garantía do cambio que precisa a cidade.

Neste punto, dixo que o próximo domingo haberá moitas papeletas electorais, pero só dúas posibilidades: ou un goberno dividido entre socialistas, nacionalistas e populistas ou un goberno unido, cun programa concreto e un candidato magnífico. Neste senso, o líder do PPdeG avogou porque, tras 20 anos de PSOE e BNG, se abra un período novo da man do candidato popular: “Despois de vinte anos, todo o que o nacionalismo e o socialismo poidan ofrecer está caducado”.  

 

E é que, tal e como apuntou, ou se escolle aos mesmos partidos -PSOE, Mareas e BNG- que levaron a Lugo a unha situación de parálise ou se escolle a unha persoa como Ramón Carballo, con capacidade para poñer en marcha o concello. Feijóo salientou que a cidade necesite dun alcalde que traballe e que non entorpeza a labor doutras administracións. Así, recalcou que todos os compromisos asumidos polo Goberno galego foron cumpridos, e referiuse aos investimentos no hospital, nos polígonos industriais e nos centros educativos, así como tamén, ao desbloqueo do gran centro sanitario que se vai construír no Barrio da Residencia. “Necesitamos un concello que acompañe á Xunta e desbloquee os temas importantes para a cidade”, subliñou.

 

Por último, Feijóo agradeceu a presencia de Mariano Rajoy, de quen destacou a súa militancia e a súa defensa do partido.

Síguenos nas redes sociais