Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Puy afirma que “afrontamos o Debate da Autonomía coa vista posta no futuro e cunha proposta viable, realista e centrada nos problemas de Galicia”

16 Sep 2019

Santiago, 16 de setembro de 2019.- O portavoz do Grupo Popular, Pedro Puy, afirmou hoxe que “afrontamos o Debate sobre o Estado da Autonomía conscientes de que temos un balance que render á sociedade galega e coa vista posta na Galicia do futuro, cunha proposta política viable, realista, e centrada nos problemas que ten Galicia, comprometidos sempre coa estabilidade”.

 

Pedro Puy iniciou a súa comparecencia ante os medios de comunicación amosando a súa “firme condena” do crime machista acontecido esta mañá en Valga. Neste sentido, indicou que “hai que deixarse de tonterías en relación co nome que lle damos a este tipo de sucesos, que non é outra cousa que unha execrable violencia machista”.

 

Deste xeito, manifestou que “toda a sociedade ten que traballar arreo para que as mulleres que poidan ser vítimas desta violencia teñan o apoio, confianza, protección e axuda de todos nós”.

 

BALANCE QUE RENDER

 

Respecto da solicitude do Goberno galego para a celebración do Debate sobre o Estado da Autonomía, o portavoz popular lembrou que “o regulamento marca que ten que ser de carácter anual” e apuntou que “hai un lixeiro adianto ao prever que se celebre no último pleno do mes de setembro en lugar de no primeiro do mes de outubro”.

 

Puy sinalou que o Goberno galego adoptou esta decisión para “centrar o debate en Galicia e alonxalo da inestabilidade e das incertezas que se están a vivir na política nacional”. “Non sabemos se vai haber un novo goberno ou vai haber eleccións, pero en ambos casos o máis razoable é intentar separar estes acontecementos dun debate sobre política xeral de Galicia”, engadiu.

 

Así mesmo, Puy avanzou que “afrontamos este debate conscientes de que temos un balance que render e de que ese balance non é máis que a proba de que seremos capaces de afrontar os retos do futuro”. Neste sentido, apuntou que “hai algúns plans xa a curto prazo, pero, como xa avanzou o Presidente Feijóo no último Pleno, o que nos interesa nestes tempos de curtoplacismo é levantar a vista e comezar a pensar na Galicia da próxima década, nun contexto económico e social que ten variado moito”.

 

“Se o argumento é que se trata de interferir cunha situación de inestabilidade e incerteza, é evidente que canto máis cerca sexa este debate dunhas posibles eleccións xerais máis interferencias haberá”, afirmou.


O razoable tendo en conta a incerteza a nivel do congreso e a configuraci´no do Goberno de Esapaña o razoalbe é alonxalo dunhas eventuais eleccio´ns ou de que se produza unha coalización para a formación do gboerno.

Síguenos nas redes sociais