Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Feijóo pide non esquecer o domingo por que e por quen volvemos ter que votar e avoga por unirse nas urnas para superalo

08 Nov 2019

8, novembro, 2019. O presidente do PPdeG, Alberto Núñez Feijóo, pediu non olvidar este domingo por que e por quen volvemos ter que votar outra vez, avogando por unirse nas urnas concentrando o apoio no PP para superalo e que o luns as cousas comecen a cambiar.

Nun mitin celebrado na Coruña, o líder dos populares apuntou que o Executivo socialista foi incapaz de gobernar, segue sen ter uns orzamentos e que, ademais, tampouco quixo formar Goberno pensando que os cidadáns o premiarían por bloquear España tres veces. “Primeiro gobernou sen gañar; cando despois gañou, creu que tiña maioría absoluta e, ao final, todos os españois saímos perdendo”, apostilou.

 

Feijóo engadiu que o 10 de novembro debemos recordar a inestabilidade á que o Partido Socialista levou a España, o paro e a inacción ante a desaceleración, a ambigüidade e a equidistancia ante os extremistas que ten como socios e volverá buscar para asociarse, o continuo menosprezo a Galicia nin tampouco aos traballadores de Alcoa, de Endesa, do sector forestal, da automoción ou do naval, por quen pediu o voto: “Que nin a estratexia do PSOE nin a campaña faga que nos esquezamos, non esquezamos que se volvemos votar divididos, volverá gañar e repetir todo isto”.

 

VOTAR AO PP O PRÓXIMO DOMINGO

Como salientou o presidente, “podemos e temos que lograr o vindeiro domingo máis deputados e máis senadores que Pedro Sánchez”, sinalando que é preciso que non se volva a beneficiar da división e que non funcione a súa estratexia de dar protagonismo a outras formacións para fomentar a división. “Non caiamos na súa trampa”, insistiu.

 

Nese senso, avogou por votar unidos para que todos os votos sumen e por partidos que realmente poden lograr escanos, asegurando que en Galicia só o PP pode conseguilos para chegar a ter un Goberno alternativo ao de Sánchez e os seus socios. Como recordou, nas pasadas Xerais de abril, máis de 100.000 votos a Ciudadanos e preto de 90.000 a Vox foron “papeletas desperdiciadas”. E sinalou que hai dirixentes de Vox que están enfadados co PPdeG, algo, dixo, que aos populares galegos non lle importa, xa que o que lle preocupa ao PPdeG é “a xente que vai votar porque compartimos o mesmo obxectivo. “Se votamos unidos, Pedro Sánchez irase o domingo á súa casa”. 

 

UN GOBERNO QUE RESPECTE A GALICIA

Feijóo, que pediu o voto para un Goberno que respecte a nosa Comunidade, “porque Galicia é leal con Estado”. Neste punto, advertiu que “cando os independentistas teñen a chave do Goberno da nación, á nación non lle irá ben”. “Queremos -continuou- un Executivo que lle pida a Torra que cumpra coa lei”. Do mesmo xeito, apuntou que, “se a maioría dos españois queren que goberne Pedro Sánchez, aceptarémolo, pero se, pola contra, non é así, unamos o voto no Partido Popular”.

 

Por outra banda, o líder dos populares galegos salientou que a política non consiste en “quitarse ti par poñerme eu”, ao tempo que indicou que España non pode seguir con “esta irresponsabilidade”: “Se votamos unidos non nos imos arrepentir e se non o facemos, padeceremos catro anos máis de Pedro Sánchez”. Para Feijóo, sería “un erro histórico” que continuase no Goberno de España e indicou que se os dirixentes doutros partidos fosen responsables teríamos unha única papeleta para combater a Pedro Sánchez desde o centro-dereita.

 

Para rematar, remarcou que escoitar a Pedro Sánchez dicir que goberne a lista máis votade cáusalle á xente estupor e gargalladas.

Síguenos nas redes sociais