Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Santiago, 7 de febreiro de 2017.- O portavoz de Educación do Grupo Popular, César Fernández, criticou hoxe á oposición de pretender “fuxir do consenso acadado no pasado Pleno do 25 de xaneiro sobre a política do Goberno galego en relación coa violencia de xénero en persoas menores de idade”. Neste sentido, lamentou o “apetito insaciable de confrontación por parte dalgúns grupos políticos convertendo en motivo de liorta aquilo que nos une e no que precisamente deberíamos dar exemplo enviando á sociedade unha mensaxe clara de unión”.
Santiago, 7 de febreiro de 2017.- O portavoz do Medio Rural do Grupo Popular, José González, avogou hoxe porque os produtores de leite “teñan unhas estruturas asociativas amplas e operativas, que sexan quen de desenvolver a súa función negociadora de todo o leite producido polos seus socios e posicionarse cunha maior forza fronte aos primeiros compradores”.
Santiago, 8 de febreiro de 2017.- O deputado do Grupo Popular Alberto Pazos criticou hoxe aos socialistas galegos que presenten unha proposición non de lei pedindo melloras nas infraestruturas xudiciais da provincia de Pontevedra “cando acabamos de celebrar o debate dos orzamentos para 2017 e non presentaron emenda algunha para afrontar as tan imprescindibles obras”.
Santiago, 8 de febreiro de 2017.- O Parlamento de Galicia aprobou hoxe unha proposición non de lei a través da que se insta ao Concello de Ponte Caldelas a adoptar as medidas necesarias para evitar o peche do Centro de Información á Muller deste municipio. A viceportavoz do Grupo Popular, Paula Prado, afirmou que o peche deste CIM “non ten ningunha xustificación e cada día que pasa as accións do alcalde o poñen máis de manifesto”.
Santiago, 8 de febreiro de 2017.- O Grupo Popular apoiou hoxe no Parlamento, logo dunha transacción realizada co BNG, instar á Xunta a que complete de xeito inmediato a retirada e tratamento por xestores autorizados dos pneumáticos usados acumulados en depósitos e vertedoiros incontrolados, así como que reforce os medios de apoio aos concellos galegos na urxencia da recuperación ambiental dos puntos de vertido incontrolado.
Santiago, 8 de febreiro de 2017.- O Parlamento de Galicia aprobou hoxe, a iniciativa do Grupo Popular, unha proposición non de lei a través da que se insta á Xunta a iniciar, unha vez entre en vigor o regulamento europeo polo que se definen as características dos buques de pesca, un proceso de diálogo de cara á adecuación dos coeficientes redutores da idade de xubilación ás características da actividade marítimo-pesqueira en Galicia, toda vez que os cambios substanciais na realidade operativa de embarcacións e prácticas de marisqueo demanda esta posibilidade de cambio.
Santiago, 8 de febreiro de 2017.- O Grupo Popular apoiou hoxe a aprobación no Parlamento de Galicia dunha proposición non de lei a través da que se esixe ao Goberno central a inmediata reclamación ao Goberno de Noruega da devolución das taxas cobradas irregularmente aos mariñeiros galegos neste país. O portavoz de Mar, Carlos López Crespo, afirmou que o Goberno galego e o Partido Popular “non van deixar abandonado a este colectivo de mariñeiros e seguiremos traballando para que consigan a xubilación que se merecen”.
Santiago, 7 de febreiro de 2017.- O Grupo Popular apoiou a aprobación hoxe no Parlamento, logo dunha transacción levada a cabo co Grupo Socialista, dunha moción a través da que se fixan os principios que deben guiar a Galicia na negociación do sistema autonómico en ámbitos como a equidade e a solidariedade plena do sistema, a estabilidade na prestación de servizos, a autonomía financeira, a lealdade institucional e a coordinación coa Administración central, e a sostibilidade dos servizos públicos.
Santiago, 7 de febreiro de 2017.- O Parlamento galego aprobou hoxe a Lei de medidas fiscais e administrativas que acompaña aos orzamentos da Xunta para 2017, “un instrumento eficaz xa que introduce algunhas modificacións lexislativas que resultan necesarias para cumprir a lexislación básica estatal, sentenzas ou mesmo para facer efectivos determinados acordos coas empregadas e empregados públicos”, sinalou a viceportavoz do Grupo Popular, Paula Prado.

Síguenos nas redes sociais