Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Santiago, 23 de xuño de 2017.- A deputada do Grupo Popular Soraya Salorio salientou hoxe no Parlamento que “a Consellería do Mar leva desde 2012 traballando para minimizar o impacto do parásito Marteilia conchillia no berberecho e mellorar a produción do bivalvo a través de proxectos de investigación e axudas directas para paliar as perdas produtivas causadas pola diminución das poboacións de berberecho”.
Santiago, 23 de xuño de 2017.- O Parlamento de Galicia aprobou hoxe, a instancias do Grupo Popular, unha proposición non de lei a través da que se insta á Xunta a promover contactos co marco decisorio en Bruxelas, da man do sector, para que se poida exercer como unha única voz e de xeito organizado nos momentos previos á toma de decisións que afecta á pesca.
Santiago, 23 de xuño de 2017.- O Parlamento de Galicia aprobou esta mañá a proposición non de lei impulsada polo Grupo Popular a través da que se insta á Xunta para que manteña o seu apoio á estratexia Crecemento Azul desenvolvida pola Autoridade Portuaria de Vigo para acadar os obxectivos deste ambicioso proxecto pioneiro baseado no crecemento sustentable dos sectores marítimo-pesqueiros e portuario. A deputada popular Teresa Egerique considerou “absolutamente necesario apoiar iniciativas que, con fondos europeos e co apoio de todos os axentes económicos e sociais, supoñan mellorar a competitividade, modernidade e crecemento do porto”.
Santiago, 22 de xuño de 2017.- O portavoz de Montes do Grupo Popular, Silvestre José Balseiros, criticou hoxe que o BNG “enrede solicitando datos no Parlamento que xa están publicados na plataforma de contratos públicos da Xunta de Galicia a disposición de todos os cidadáns”. “Apostamos polo cumprimento da Lei de contratos do sector público e da Lei de transparencia e bo goberno, como ben sendo habitual e norma inquebrantable do Goberno da Xunta”, asegurou.
Santiago, 22 de xuño de 2017.- O portavoz do Medio Rural do  Grupo Popular, José González Pérez, acusou hoxe a En Marea e BNG de “defender a erradicación do eucalipto en Galicia” ao pedir a súa inscrición no Catálogo de Especies Exóticas e Invasoras do Estado español. “Non estamos a favor do monocultivo do eucalipto, senón dunha xestión ordenada desta especie”, reiterou.
Santiago, 22 de xuño de 2017.- O deputado do Grupo Popular Daniel Vega Pérez defendeu esta mañá no Parlamento “o traballo que realizan todos o persoal e funcionarios da Xunta que atenden as oficinas agrarias” e sinalou que os gandeiros e agricultores galegos poden solicitar as axudas ben a través de internet ou co asesoramento e colaboración do persoal destas oficinas.
Santiago, 21 de xuño de 2017.- O Parlamento de Galicia aprobou hoxe unha proposición non de lei, a instancias do Grupo Popular e transaccionada do Grupo Socialista, a través da que solicita unha mellora do marco normativo que regula o delito de usurpación de inmobles, en concreto unha modificación do Código Penal, a potenciación dos xuízos rápidos como procedementos modelo para os delitos de ocupación de inmobles ou a adopción de medidas cautelares para o desaloxo de inmobles dende o comezo da instrución sumarial.
Santiago, 21 de xuño de 2017.- O deputado do Grupo Popular Alberto Pazos Couñago recoñeceu esta mañá no Parlamento que a Seguridade Social “atravesa unha situación difícil” e concretou que “só a recuperación do emprego revertirá a situación deficitaria e garantirá o sostibilidade do sistema público de pensións”.
Santiago, 21 de xuño de 2017.- O Parlamento de Galicia aprobou hoxe por unanimidade, logo dunha transacción entre o  Grupo Popular e o BNG, unha proposición non de lei a través da que se demanda ao Goberno de España que realice as xestións oportunas ante a Unión Europea para que, na revisión do Regulamento do mecanismo Conectar Europa que se realizará no ano 2018, Galicia, as comunidades do norte de España e a Rexión Norte de Portugal queden conectadas ao Corredor Atlántico, configurando unha verdadeira rede de mercadorías por ferrocarril que desde a fachada atlántica da península comunique co resto de Europa.

Síguenos nas redes sociais