Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Santiago, 3 de outubro de 2017.- O Grupo Popular apoiou esta tarde no Parlamento solicitar ao Ministerio de Fomento a reconversión en vía verde para uso peonil e ciclista dos treitos da antiga vía férrea Pontevedra-Arcade e Chapela-Vigo que estean actualmente en desuso.
Santiago, 3 de outubro de 2017.- O deputado do Grupo Popular Jacobo Moreira salientou hoxe no Parlamento que “as bonificacións implantadas polo Goberno galego nas autoestradas A Coruña-Carballo e Puxeiros-Val Miñor permitan aos seus usuarios gozar dunhas das tarifas máis baixas de España”. “Este Goberno galego foi o primeiro e o único que aplicou bonificacións na peaxe aos usuarios destas dúas autoestradas, que permitiron aforros que superaron os 3,3 millóns de euros”.
Santiago, 3 de outubro de 2017.- O Grupo Popular apoiou esta tarde a aprobación no Parlamento dunha proposición non de lei a través da que se demanda ao Goberno central o incremento de frecuencias e horarios do eixo atlántico ferroviario A Coruña-Vigo, atendendo as demandas e as necesidades dos cidadáns.
Santiago, 3 de outubro de 2017.- O Parlamento de Galicia aprobou hoxe, a instancia do Grupo Popular, unha proposición non de lei a través da que se insta á Xunta a mellorar o trazado da rede autonómica de estradas no eixo Palas de Rei-Friol-Begonte.
Santiago, 3 de outubro de 2017.- O portavoz de Infraestruturas do Grupo Popular, Martín Fernandez Prado, criticou esta tarde no Parlamento que “os grupos da oposición estean a protagonizar unha batalla entre eles intranscendente por capitanear a demanda da transferencia da AP-9 a Galicia, cando a verdade é que desde o Goberno galego e o PPdeG seguimos reclamando este traspaso e estudando as posibles novas medidas legais que se poidan adoptar para conseguilo”.
Santiago, 3 de outubro de 2017.- O Grupo Popular apoiou esta mañá no Parlamento galego a aprobación dunha proposición non de lei a través da que se insta á Xunta a negociar co Arcebispado de Santiago, no marco da comisión mixta Xunta-Igrexa Católica, a retirada das inscricións franquistas que aínda permanecen nas fachadas das igrexas no máis breve prazo de tempo posible.
Santiago, 3 de outubro de 2017.- O portavoz de Novas Tecnoloxías do Grupo Popular, Moisés Blanco, avogou esta  mañá no Parlamento por “agardar ao que se recolla no regulamento europeo, o que se acorde no grupo de traballo constituído no Senado ou a futura Lei orgánica de protección de datos de carácter persoal para adoptar na Comunidade galegas as decisións oportunas respecto da herdanza dixital e a regulación dun rexistro de vontades dixitais”.
Santiago, 5 de outubro de 2017.- O viceportavoz do Grupo Popular, Miguel Tellado, presentou esta mañá as 40 propostas de resolución rexistradas por este grupo parlamentario no Debate sobre o Estado da Autonomía, nas que se incide na defensa da Constitución e da democracia en España, ao tempo que se demanda a reforma da Lei electoral, a retirada da simboloxía franquista, a chegada do AVE a Galicia en 2019, a transferencia da AP-9 ou a tramitación da modificación da Lei de Saúde.
Santiago, 4 de outubro de 2017.- O portavoz do Grupo Popular, Pedro Puy, afirmou hoxe no Debate sobre o Estado da Autonomía que “o obxectivo do Goberno galego para o futuro é reforzar e consolidar o crecemento económico que xera emprego e mellorar o sistema de benestar que entre todos construímos”. Así mesmo, ofreceu diálogo aos grupos da oposición, “pero sen renunciar aos grandes principios que cimentan toda orde social democrática e equitativa: igualdade, equidade, liberdade e solidariedade”.

Síguenos nas redes sociais