Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Santiago, 18 de xaneiro de 2018.- O Parlamento de Galicia aprobou hoxe por unanimidade, logo dunha emenda presentada polo Grupo Popular, unha proposición non de lei a través da que se reitera ao Goberno central que faga as modificacións lexislativas necesarias para eliminar os privilexios fiscais dos que goza a empresa AUDASA respecto da autoestrada AP-9, suprimindo a bonificación do 95 por cento do IBI e apoiando aos concellos polos que transcorre esta vía nas accións que podan levar a cabo para reclamar á empresa concesionaria o pago íntegro deste imposto.
Madrid, 18 de xaneiro de 2018.- O viceportavoz do Grupo Popular, Miguel Tellado, participa xunto con deputados da Comisión 6ª na viaxe organizada polo Parlamento galego á Feira Internacional de Turismo (Fitur), que se celebra esta semana en Madrid.
Santiago, 17 de xaneiro de 2018.- O portavoz de Sanidade do Grupo Popular, Aurelio Núñez Centeno, asegurou hoxe no Parlamento que “o problema fundamental da saturación dos servizos de urxencias nos hospitais é a drenaxe dos enfermos cara as plantas hospitalarias”.
Santiago, 17 de xaneiro de 2018.- A deputada do Grupo Popular Soraya Salorio salientou hoxe no Parlamento que “a sinistralidade laboral reduciuse en máis dun 50 por cento nos últimos oito anos, conseguindo que o 98 por cento dos accidentes sexan leves”.
Santiago, 17 de xaneiro de 2018.- A deputada do Grupo Popular Marián García Míguez salientou hoxe no Parlamento que a taxa de desemprego dos menores de 25 anos reduciuse nun 10 por cento nos últimos dous anos. “Estes datos positivos anímannos a seguir traballando neste eido e o propio Presidente da Xunta xa ten anunciado un novo Plan de Emprego Xuvenil 2018-2020, cun investimento superior aos 50 millóns de euros”, apuntou.
Santiago, 16 de xaneiro de 2018.- O Grupo Popular defenderá no Pleno da vindeira semana que a dotación dun novo centro de saúde para o barrio da Falperra en A Coruña, nun espazo adecuado cedido polo Concello no actual edificio do Mercado de Santa Lucía. Así mesmo, demandará que a Xunta siga desenvolvendo accións para por en común con outras rexións e flotas pesqueiras as experiencias e coñecementos obtidos en torno á problemática dos descartes da pesca.
Santiago, 15 de xaneiro de 2018.- O Grupo Popular vén de rexistrar unha proposición non de lei a través da que se solicita o apoio do Parlamento galego á figura da prisión permanente revisable incorporada ao ordenamento xurídico español pola Lei Orgánica 1/2015 que se modifica o Código Penal. O portavoz popular, Pedro Puy, manifestou que “as persoas que cometan determinados crimes de especial importancia non deben volver á sociedade ata que estean rehabilitadas”.
Santiago, 14 de xaneiro de 2018.- O portavoz do Grupo Popular, Pedro Puy, fixou hoxe como retos para a presente lexislatura “consolidar o crecemento económico e contribuír a seguir mellorando o Estado do Benestar”.
Santiago, 12 de xaneiro de 2018.- O secretario xeral dos populares galegos, Miguel Tellado, celebrou esta mañá que “Galicia cre no Turismo e os turistas cren en Galicia”, poñendo en valor as actuacións dun Goberno que respecta a un sector que supón arredor do 12% do emprego da Comunidade e un 11% do PIB.

Síguenos nas redes sociais