Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Santiago, 22 de maio de 2018. A viceportavoz do Grupo Popular, Paula Prado, salientou hoxe no Pleno do Parlamento que o actual Goberno galego “foi quen de situarse ao lado dos concellos e, a pesar da baixada de recadación na Comunidade autónoma, incrementou o Fondo de Cooperación Local en 6 millóns de euros respecto a 2008”.
Santiago, 22 de maio de 2018. O Parlamento de Galicia aprobou hoxe, logo dunha transacción entre o Grupo Popular e o Grupo Socialista, unha proposición non de lei a través da que se insta á Xunta a abordar, antes do remate de 2018, coas deputacións e concellos os criterios de aplicación do artigo 137 do Regulamento xeral de estradas de Galicia.
Santiago, 22 de maio de 2018. O viceportavoz do Grupo Popular no Parlamento galego, Miguel Tellado, subliñou este martes no Parlamento que a saúde dos traballadores galegos é unha cuestión “absolutamente prioritaria” tanto para o Goberno galego, coma para a maioría na Cámara que o sustenta. Neste sentido, lembrou que o Orzamento do Instituto de Seguridade e Saúde Laboral de Galicia (ISSGA) incrementouse no último exercicio un 3 por cento e prevese que siga aumentando de cara aos vindeiros.
Santiago, 16 de maio de 2018. O Parlamento galego aprobou  hoxe, logo dunha transacción entre o Grupo Popular e o BNG, unha proposición non de lei a través da que se demanda ao Goberno central que implante, á maior brevidade posible, algunha medida de vantaxe fiscal para as persoas con enfermidade celíaca e erros innatos do metabolismo. En concreto, a iniciativa propón rebaixar o IVE actual a todos os alimentos e produtos dietéticos destinados a estas persoas, pero tamén valorar calquera das alternativas expostas no estudo elaborado pola institución do Defensor del Pueblo.
Santiago, 16 de maio de 2018. O Parlamento de Galicia aprobou hoxe, logo dunha transacción entre o Grupo Popular e o Grupo Socialista, unha proposición non de lei a través da que se insta á Xunta a realizar un estudio dos costes reais do exercicio das competencias delegadas nas federacións deportivas galegas, que permita adecuar a financiación destes costes á súa realidade, valorando na medida do posible establecer marcos plurianuais de financiamento que faciliten a confección de orzamentos reais ás federacións deportivas.
Santiago, 22 de maio de 2018. O portavoz do Grupo Popular, Pedro Puy, considerou hoxe no Parlamento que “sería un erro a desaparición da marca Banco Popular-Pastor, pero a decisión final debe tomala o seu propietario: o Banco Santander”.
Santiago, 16 de maio de 2018. O Grupo Popular defenderá no Pleno desta semana unha proposición non de lei para que a Xunta impulse medidas e accións de recoñecemento para aquelas empresas que colaboran e participan no desenvolvemento da FP. Así mesmo, demandará avanzar na realización dunha nova variante no concello de Ribeira.
Santiago, 21 de maio de 2018. O portavoz do Grupo Popular, Pedro Puy, trasladou hoxe á familia, amigos e veciños de Outes o pesar deste grupo parlamentario polo pasamento do deputado Carlos López Crespo.
Santiago, 11 de maio de 2018. O Parlamento galego aprobou hoxe por unanimidade, a instancias do Grupo Popular, unha proposición non de lei a través da que se demanda que a Xunta de Galicia intensifique os labores de vixilancia contra o furtivismo na pesca e o marisqueo a través de inspeccións en puntos de venda e en establecementos de hostalería, especialmente nos eidos da comercialización e da restauración e coincidindo con datas festivas nas cales os produtos acadan maior prezo no mercado.

Síguenos nas redes sociais