Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Santiago, 13 de setembro de 2019.- O Parlamento de Galicia aprobou hoxe unha proposición non de lei, logo dunha transacción entre o Grupo Popular e o Grupo Mixto, a través da que se demanda tanto á Xunta de Galicia como ao Ministerio de Fomento, as deputacións provinciais e aos concellos que avalíen alternativas que permitan reducir progresivamente o uso de herbicidas no control da vexetación das marxes das estradas da súa rede viaria para que, no caso de que sexa viable, se restrinxa a súa utilización a aquelas zonas onde sexa necesario para garantir a visibilidade da estrada e, polo tanto, de acordo a criterios de seguridade viaria.
Santiago, 13 de setembro de 2019.- O Parlamento de Galicia aprobou hoxe a proposición non de lei do Grupo Popular a través da que se solicita ao Ministerio de Fomento que axilice a licitación das obras do Enlace Orbital de Santiago de Compostela, que xa foi autorizada polo Consello de Ministros o pasado 12 de abril, ao obxecto de que a posta en servizo desta infraestrutura estratéxica para Santiago poida estar operativa para o Xacobeo 2021.
Santiago, 13 de setembro de 2019.- O portavoz de Infraestruturas do Grupo Popular, Martín Fernández Prado, demandou hoxe no Parlamento “un compromiso expreso do Goberno central de que non van aplicar novas subas extraordinarias nas peaxes da AP-9, ao tempo que poña en marcha un sistema de bonificación da peaxe para os usuarios frecuentes, de xeito que extrapole o modelo de bonificación das autopistas autonómicas ás autopistas estatais.
15, setembro, 2019. O secretario xeral do PPdeG, Miguel Tellado, destacou este domingo que o seu partido é unha “garantía de crecemento” fronte á “parálise” que leva supoñendo o Goberno central desde a moción de censura do 2018. Así, incidiu que “a Xunta traballará polos galegos ata o último día desta lexislatura, pese a que Pedro Sánchez non o fixese nin un só desde que está na Moncloa”.
13, setembro, 2019. O secretario xeral do PPdeG, Miguel Tellado, manifestou que no arranque do novo curso político atópanse novas caras na esquerda pero “a mesma falta de proxecto e de liderado de sempre e máis división que nunca”, mentres o presidente unha Xunta segue traballando e dándolle a estabilidade a Galicia, que sigue avanzando a pesar dos atrancos do Goberno de Pedro Sánchez.
Santiago, 12 de setembro de 2019.- O Parlamento de Galicia aprobou hoxe a proposición non de lei do Grupo Popular a través da que se demanda ao Goberno central que informe de calquera movemento ou cambio que se poida producir do actual modelo de xestión do caladoiro Cantábrico-Noroeste, ao mesmo tempo que se solicita que se respecte a base deste modelo, que tan bos resultados están dando para o sector pesqueiro galego.
Santiago, 12 de setembro de 2019.- O Parlamento de Galicia aprobou hoxe a proposición non de lei do Grupo Popular a través da que se solicita ao Goberno do Estado, no ámbito das súas competencias, que garanta a seguridade das frotas pesqueiras españolas en augas internacionais, especialmente ante a decisión de Reino Unido de endurecer a vixilancia nas súas augas.
Santiago, 11 de setembro de 2019.- A portavoz de Enerxía do Grupo Popular, Marta Nóvoa, criticou hoxe “o cinismo e a falta de vergoña dos socialistas galegos, capaces de apoiar hoxe no Parlamento galego unha proposición non de lei solicitando medidas urxentes para as empresas electrointensivas, en especial Alcoa, cando levan cinco meses de promesas incumpridas desde o Goberno central socialista nos que ata chegaron a dar por solucionado este problema”.
Santiago, 11 de setembro de 2019.- O Parlamento de Galicia aprobou hoxe a proposición non de lei impulsada polo Grupo Popular, coa abstención do Grupo Socialista, Grupo Común da Esquerda e BNG, a través da que se insta á Xunta a manter a súa defensa ante a UNESCO da candidatura a Patrimonio da Humanidade que abarca a totalidade do territorio do actual Parque Nacional das Illas Atlánticas de Galicia, sen excluír aos arquipélagos de Ons e Sálvora nin a illa de Cortegada.

Síguenos nas redes sociais