Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Dorado: "Seguiremos desmontando as mentiras sobre o Álvaro Cunqueiro con feitos"

27 Ene 2016
O deputado do Grupo Popular dixo que “mentres a oposición segue anclada no pasado criticando a posta en marcha dun hospital público, os profesionais sanitarios seguen prestando atención sanitaria gratuíta e de calidade neste centro”
 
“SEGUIREMOS DESMONTANDO TODAS AS MENTIRAS RESPECTO DO HOSPITAL  PÚBLICO ÁLVARO CUNQUEIRO DE VIGO CON FEITOS E INVESTIMENTOS”, AFIRMA JAVIER DORADO 
 
 
Santiago, 27 de xaneiro de 2016.- “Seguiremos desmontando todas e cada unha das súas mentiras respecto do Hospital Público Álvaro Cunqueiro de Vigo, e seguiremos a facelo con feitos e investimentos”, manifestou esta mañá no Parlamento o deputado do Grupo Popular Javier Dorado.
 
Na súa intervención no Pleno no debate dunha iniciativa de AGE sobre a xestión do Hospital Público vigués, Dorado saliento que se trata da “obra que querían e demandaban os vigueses, que se foi construíndo a pesar das zancadillas e as pedras no camiño que se atopou o actual Goberno da Xunta”.
 
ENÉSIMO ATAQUE
 
Javier Dorado considerou a iniciativa de AGE o “enésimo ataque ao Hospital Álvaro Cunqueiro”, fronte aos que o Partido Popular está a “defender a sanidade pública galega cos feitos”. Neste sentido, subliñou que o actual Goberno galego é o que máis investiu en infraestruturas sanitarias tendo cada ano menos orzamento”. 
 
O deputado popular lembrou que os grupos da oposición “comezaron dicindo que non se ía construír o Hospital Público Álvaro Cunqueiro, despois dixeron que ía ser privado, máis tarde que se quedaba pequeno, e agora veñen dicindo que está creado con material dos chinos”. “Tivemos que desmontar todas e cada unha das súas mentiras, e seguiremos a facelo con feitos e investimentos”, indicou.
 
“Mentres vostedes seguen anclados no pasado criticando a posta en marcha dun hospital público, os profesionais sanitarios seguen prestando atención sanitaria gratuíta e de calidade neste centro”, manifestou Dorado. Así, apuntou que desde a súa posta en marcha no mes de agosto, téñense realizado máis de 3.100 intervencións cirúrxicas, 10.500 hospitalizacións,  máis de 160.000 consultas e se atenderon máis de 50.000 urxencias.
 
Para rematar, Javier Dorado considerou “un bo momento para que cambien o seu modelo de oposición e facela máis útil para os galegos”, polo que amosou a necesidade de “rescatar á oposición deste Parlamento para que colabore na mellora da sanidade pública de Galicia”.
 

Síguenos nas redes sociais