Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

O Plan de Inclusión Dixital de Galicia 2020, dotado con 7M€, impulsará medidas no ámbito da alfabetización e da capacitación dixital e da innovación social dixital e participativa
  • O vicepresidente da Xunta afirma que o acordo aprobado hoxe polo Consello pretende seguir mellorando as cifras de acceso a internet e seguir potenciando todas as posibilidades que ofrecen a Galicia as novas tecnoloxías
  • Asegura que, no eido da alfabetización dixital, o plan busca dotar a cidadanía de coñecementos dixitais básicos
  • Di que, no ámbito da capacitación dixital, o obxectivo do plan será apoiar a madurez dixital daqueles cidadáns que xa tiveron contacto coas TIC
  • En canto á innovación social dixital e participativa, subliña que se promoverá o potencial das TIC como motor da mellora da sociedade
  • Avanza que se tecerá unha rede de alianzas dixitais coas entidades locais e a Fegamp, os colexios profesionais, as universidades, empresas, entidades do terceiro sector e os voluntarios dixitais para impulsar estas medidas
  • Trátase de darlle un novo impulso a unha rede que servirá para que Xunta, concellos e cidadáns avancen conxuntamente nun obxectivo fundamental: seguir achegando as novas tecnoloxías aos galegos e seguir impulsando a utilización responsable das novas oportunidades para aqueles que xa estean máis familiarizados
 
Santiago, 21 de abril de 2016.- O vicepresidente da Xunta, Alfonso Rueda, avanzou hoxe que a aprobación, por parte do Consello, do Plan de Inclusión Dixital de Galicia 2020, dotado con 7 millóns de euros, que impulsará medias en tres eixos: no ámbito da alfabetización dixital, da capacitación dixital e da innovación social e participativa.
 
Segundo indicou Rueda, hai dous parámetros que ofrecen unha boa visión de conxunto sobre os avances no acceso universal ás tecnoloxías: a porcentaxe de galegos que non empregan nunca internet, que pasou dun 42% en 2010 a un 25,4% en 2016; e a porcentaxe de galegos que emprega internet habitualmente, que pasou dun 48% a un 67%.
 
Nesta liña, o vicepresidente da Xunta subliñou que o acordo aprobado hoxe o que pretende é seguir mellorando estas cifras de acceso e seguir potenciando todas as posibilidades que ofrecen a Galicia as novas tecnoloxías.
 
As medidas que contempla o Plan de Inclusión Dixital Galicia 2020
Así, no eido da alfabetización dixital, o plan busca dotar a cidadanía de coñecementos dixitais básicos. Nesta liña vanse realizar, entre outras accións, xornadas sobre os riscos e o uso responsable de Internet; sesións demostradoras para achegar o uso de dispositivos móbiles aos maiores; xornadas intexeneracionais entre persoas maiores e novas; así como o reforzo e confianza da rede a través de sesións informativas a rapaces e rapazas.
 
No ámbito da capacitación dixital, o obxectivo do plan será apoiar a madurez dixital daqueles cidadáns que xa tiveron contacto coas TIC. Así, impartirase un programa formativo avanzado sobre usos cotiáns de Internet: banca electrónica, compra online, trámites coa Administración... E tamén se levarán a cabo accións formativas para a obtención da certificación galega en competencias dixitais en ofimática, e a súa adaptación ás persoas con discapacidade.
 
Do mesmo xeito, contémplase o deseño e impartición de itinerarios formativos centrados na busca de emprego, elaboración do currículo, etc, así como a realización de xornadas temáticas sobre as oportunidades de emprego que ofrece o sector TIC e demanda de novos perfís e profesións da era dixital.
 
No que atinxe ao terceiro eixo, o da innovación social dixital e participativa, promoverase o potencial das TIC como motor da mellora da sociedade. Para avanzar neste sentido: fomentarase a adquisición das habilidades necesarias para participar activamente nos procesos de innovación social dixital e elaborarase un mapa de innovación social dixital co fin de dar a coñecer as iniciativas de innovación social baseadas nas TIC.
 
O obxectivo: achegar as novas tecnoloxías aos galegos
Nesta liña, o vicepresidente da Xunta indicou que se tecerá unha rede de alianzas dixitais coas entidades locais e a Fegamp, os colexios profesionais, as universidades, empresas, entidades do terceiro sector e os voluntarios dixitais para impulsar estas medidas.
 
En definitiva, trátase de darlle un novo impulso a unha rede que servirá para que Xunta, concellos e cidadáns avancen conxuntamente nun obxectivo fundamental: seguir achegando as novas tecnoloxías aos galegos e seguir impulsando a utilización responsable das novas oportunidades para aqueles que xa estean máis familiarizados.
 
Como destacou o vicepresidente da Xunta, trátase de fomentar as novas tecnoloxías e acadar que o acceso a Internet sexa equitativo e reducir a fenda dixital, de xeito que o lugar de residencia, a idade ou o nivel de estudos non supoñan un obstáculo.

O vicepresidente do Goberno galego afirma que este investimento parte da visión do medio rural como un todo, no que cómpre potenciar tanto as explotacións agrícolas e gandeiras como as empresas agroindustriais

Rueda avanza unha nova achega de máis de 33 millóns de euros para impulsar os produtos agrarios de calidade

  • Explica que con esta achega activaranse liñas de axudas orientadas a investir en transformar e comercializar produtos agrarios; promover o sector vitivinícola noutros mercados; cubrir os gastos de funcionamento de 24 Consellos Reguladores; e axudar á incorporación dos agricultores a réximes de calidade
  • Apoiaranse tamén actividades de información e promoción realizadas por grupos de produtores no mercado interior; e financiaranse os programas de calidade desenvolvidos por consellos reguladores de denominacións de calidade agroalimentarias
  • Subliña que o sector dos produtos de calidade factura máis de 300 millóns de euros ao ano e implica a máis de 30.000 explotacións e a 900 industrias
 
Santiago, 21 de abril de 2016.- O vicepresidente do Goberno galego, Alfonso Rueda, avanzou hoxe a aprobación no Consello da Xunta dunha nova achega de 33,2 millóns de euros para impulsar os produtos agrarios de calidade.
 
Durante a rolda de prensa, Rueda explicou que en total activaranse seis liñas de axudas orientadas a investir en transformar e comercializar produtos agrarios; promover o sector vitivinícola noutros mercados; cubrir os gastos de funcionamento de 24 Consellos Reguladores; axudar á incorporación dos agricultores a réximes de calidade; apoiar actividades de información e promoción realizadas por grupos de produtores no mercado interior; e financiar os programas de calidade desenvolvidos por consellos reguladores de denominacións de calidade agroalimentarias.
 
Logo de precisar que o orzamento conxunto destas seis convocatorias crece cerca dun 29% respecto a 2015, o vicepresidente do Goberno galego afirmou que este investimento parte da visión do medio rural como un todo, no que cómpre potenciar tanto as explotacións agrícolas e gandeiras como as empresas agroindustriais. Non en van estas últimas xogan o importante papel de dar valor engadido aos produtos do agro.
 
Así mesmo, Rueda subliñou que o sector dos produtos de calidade factura máis de 300 millóns de euros ao ano e implica a máis de 30.000 explotacións e a 900 industrias.
 
O vicepresidente da Xunta afirmou que o sector agrogandeiro e agroindustrial seguirá a ser unha das máximas prioridades para o Goberno galego. E, neste sentido lembrou que para incentivar a diversificación da economía do rural, hai tres semanas a Xunta aprobou unha nova liña de axudas destinada a fomentar a creación de pequenas empresas non agrícolas no rural, á que se destinou 3,5 millóns de euros; “e reducimos tamén as cargas fiscais”.
O vicepresidente da Xunta explica que este plan durará tres anos e contará cun investimento de máis de 3,5 millóns de euros, co fin de completar a mellora das condicións dos xulgados galegos
O Consello da Xunta dá luz verde ao novo Plan de eficiencia enerxética e obras menores dos edificios xudiciais de Galicia
  • No tocante á eficiencia enerxética, sinala Rueda que o investimento achegarase aos 2,5 millóns de euros para levar a cabo actuacións de mellora da envolvente dos edificios, na instalación de sistemas de climatización eficientes e de mellora da iluminación das oficinas
  • Asegura que esta medida vai permitir reducir o consumo enerxético, e mellorar as condicións laborais dos traballadores e o medio ambiente, ao substituír combustibles convencionais pola biomasa
  • Canto ás obras menores, o vicepresidente da Xunta indica que contarán con máis dun millón de euros de investimento e está previsto levar a cabo 185 actuacións, das cales 57 terán lugar de xeito inmediato, neste mesmo ano 2016
 
Santiago, 21 de abril de 2016.- O vicepresidente da Xunta, Alfonso Rueda, informou hoxe de que o Consello deu luz verde ao novo Plan de Eficiencia Enerxética e Obras menores dos edificios xudiciais de Galicia, que durará tres anos e contará cun investimento de máis de 3,5 millóns de euros co fin de completar a mellora das condicións dos xulgados galegos.
 
Segundo engadiu Rueda, concretamente en eficiencia enerxética, o investimento achegarase aos 2,5 millóns de euros para levar a cabo actuacións de mellora da envolvente dos edificios xudiciais, na instalación de sistemas de climatización eficientes e de mellora da iluminación das oficinas. Isto vai permitir reducir o consumo enerxético, e mellorar as condicións laborais dos traballadores e o medio ambiente ao substituír combustibles convencionais pola biomasa.
 
En canto ás obras menores, o vicepresidente da Xunta indicou que contarán con máis dun millón de euros de investimento e está previsto levar a cabo 185 actuacións, das cales 57 terán lugar de xeito inmediato, neste mesmo ano 2016.
 
A aposta da Xunta por unha xustiza do século XXI 
Rueda enmarcou o plan no seo da aposta firme e decidida da Xunta por dotar os profesionais e os cidadáns dos mellores medios materiais ao seu servizo desde o punto de vista das infraestruturas xudiciais.
 
O obxectivo é lograr unha administración de Xustiza mellor dotada, moderna e máis eficaz: unha xustiza do século XXI.
 
Para logralo, Rueda destacou que o Goberno galego puxo en marcha, por unha banda, o Plan Senda de modernización da Xustiza, que conta cun investimento total de 50 millóns de euros e que na súa primeira parte permitiu renovar todos os servidores das sedes xudiciais; ampliar a capacidade do ancho de banda; dotar dunha rede de videoconferencia máis de 60 órganos de Xustiza; e implantar sistemas de gravación de vistas en todas as salas vistas de Galicia, entre outras medidas.
 
No que atinxe á segunda fase do plan, o vicepresidente da Xunta asegurou que o gran obxectivo é implantar o Expediente Xudicial Electrónico, que permitirá a tramitación completa dos procedementos a través de medios telemáticos.
 
En paralelo, xunto ao Plan Senda, Rueda tamén sinalou o Plan de Infraestruturas Xudiciais, no que a Xunta leva investido máis de 70 millóns de euros e que a finais deste ano terá rematadas ou en execución todas as grandes obras previstas, xa que en Ferrol completouse a renovación do inmoble dos xulgados; Santiago e Ourense xa contan a día de hoxe cun novo edificio xudicial; na Coruña estarán rematadas este ano as obras para converter a Fábrica de Tabacos en Cidade da Xustiza; en Pontevedra xa están adxudicadas e comezadas as obras; e en Vigo está a piques de convocarse un concurso de ideas para definir o antigo Hospital Xeral como nova Cidade da Xustiza, para a continuación licitar as obras e comezar de inmediato a actuación.

Millán Mon presenta junto a Valeriano Martínez el Plan Estratégico de Galicia 2015-2020 al Vicepresidente del Parlamento Europeo

Destaca la “oportunidad única” que para Galicia supone la nueva orientación de los Fondos Europeos dedicados, entre otras cosas, al fomento de la economía del conocimiento

Manifiesta su compromiso de seguir trabajando desde la Eurocámara para orientar las políticas de la UE al fomento de la natalidad en Galicia

Bruselas, 21 de abril de 2016.- El eurodiputado popular, Francisco Millán Mon, acompañó al conselleiro de Facenda de la Xunta de Galicia, Valeriano Martínez, en la presentación en Bruselas del Plan Estratégico de Galicia 2015-2020 al Vicepresidente del Parlamento Europeo, Ramón Luis Valcárcel. 

Millán Mon afirmó que la nueva orientación de los Fondos Europeos, dedicados al fomento de la economía del conocimiento, el apoyo a las pequeñas y medianas empresas y el desarrollo sostenible, “brinda a Galicia una oportunidad única para poder acercarse a las economías más avanzadas que no podemos desperdiciar”. 

En esta línea destacó la importancia de que sea precisamente esta comunidad “una de las primeras en aprobar un plan estratégico, perfectamente alineado con las políticas de la UE, que le permita planificar y centrar su esfuerzo y sus actuaciones en los ejes que son estratégicos desterrando la improvisación”. 

Así, informó de que entre las prioridades del Plan estratégico gallego se encuentran el impulso del crecimiento económico, la creación de empleo, una Galicia más moderna y más cohesionada social y territorialmente y la revitalización demográfica. Este último es uno de los retos más importantes a los que se enfrenta nuestra comunidad.

REVITALIZACIÓN DEMOGRÁFICA

De hecho, la demografía ocupó un lugar destacado en el encuentro que el eurodiputado Francisco Millán Mon y el Vicepresidente del Parlamento Europeo Ramón Luis Valcárcel mantuvieron con el Valeriano Martínez. 

Respecto a esto Millán Mon expresó su “compromiso” de seguir trabajando desde la Eurocámara con la finalidad de que desde el Parlamento Europeo se orienten políticas que sean aplicadas por la Comisión Europea para contribuir a hacer frente a los problemas de la baja natalidad y del envejecimiento poblacional en la comunidad gallega y, en general, en Europa.

Santiago de Compostela, 20 de abril de 2016.- O voceiro dos populares galegos, Miguel Tellado, presentou esta mañá o lema do XVI Congreso autonómico do PPdeG: “Galicia no centro”. Segundo explicou o portavoz, “esta é a mensaxe que queremos transmitir, que para o PPdeG Galicia é o importante, o noso compromiso, o noso reto diario e, por iso, temos elixido este lema para o noso Congreso”.
 
Tras presidir unha nova reunión da Comisión Organizadora do Congreso -que terá lugar os días 7 e 8 de maio na cidade de Ourense-, Tellado subliñou que o lema da continuidade ao utilizado nos conclaves provinciais, celebrados o pasado marzo, e na Ponencia política presentada en outubro do ano pasado, que tivo por nome “As persoas no centro”. 
 
Así mesmo, o voceiro comunicou que xa ratificaron a única candidatura presentada para este proceso, a de Alberto Núñez Feijóo, e que tamén acreditaron que cumpría con todos os requisito establecidos no regulamento do conclave. Nesta liña, destacou o éxito da campaña interna que o candidato está a realizar, reuníndose en distintas cidades e vilas de toda Galicia con afiliados do partido co obxectivo de mobilizalos.
 
Por outra banda, o portavoz anunciou a intención do presidente do PP nacional, Mariano Rajoy, de estar presente e participar de forma activa no conclave, sen precisar aínda o momento concreto á espera de pechar o programa. 
 
Tellado tamén informou que na tarde de hoxe reuniranse os equipos redactores dos dous manifestos que se presentarán no Congreso, “A Galicia de hoxe, o camiño percorrido” e “A Galicia do mañá, o camiño por percorrer”. Ambos servirán para facer balance, por un lado, do que se ten feito nestes 10 anos no PPdeG e nos últimos 7 anos á fronte do Goberno da Xunta; e para recoller os obxectivos de futuro, “o camiño que ten que percorrer Galicia para mirar ao horizonte do ano 2020”, engadiu o portavoz.
 
Ademais de indicar que nas próximas datas presentarán o programa  e o horario do Congreso, o voceiro tamén asegurou que os populares teñen a intención de que o conclave sexa especialmente participativo e dinámico, dando especial protagonismo ás Novas Xeracións de Galicia e ás redes sociais. Así mesmo, Tellado apuntou que están chamados a participar nesta cita en torno a 2.000 compromisarios en representación dos 100.000 afiliados que ten o PPdeG, e que nestes días serán elixidos nas distintas cidades e vilas de Galicia.
 
 
 
 
 
 


O PARLAMENTO GALEGO, A INICIATIVA DO GRUPO POPULAR, AMOSA A SÚA OPOSICIÓN ANTE O VETO EUROPEO Á FLOTA DE ARRASTRE DE FONDO



·    O acordo pide tamén que a restrición se adapte á natureza e vulnerabilidade dos espazos obxecto de aproveitamento pesqueiro e que se avance no cartografado dos fondos mariños



·    Balseiro criticou que a oposición boicotee a posibilidade dun acordo unánime que reflicte as demandas da flota e censuran sobre todo a posición de AGE, favorable ás teses prohibicionistas e obsesionada en criminalizar a actividade da flota do arrastre



Santiago, 20 de abril de 2016.- O Parlamento de Galicia vén de aprobar, co único apoio do Grupo Popular, unha proposición non de lei a través da que a Cámara galega amosa a súa oposición á pretensión da Unión Europea de vetar a actividade da flota de arrastre en profundidades superiores aos 800 metros.



O acordo incorpora, ademais, que esta prohibición xenérica se substitúa por un modelo que se adapte á realidade e vulnerabilidade dos espazos obxecto de aproveitamento pesqueiro, tendo en conta ademais que sería absurdo prohibir o arrastre nuns caladoiros nos que operan tamén flotas extracomunitarias que si fan uso destas artes e, polo tanto, que provocaría unha situación de agravio comparativo fronte á flota europea.



O acordo parlamentario reitera a necesidade de modificar a normativa comunitaria vixente sobre a xestión de pesquerías de augas profundas, de tal xeito que aposte por unha xestión sustentable nos eidos económico, ambiental e social, que sexa compatible co mantemento da capacidade da flota, da súa actividade económica e dos empregos.



Finalmente, o acordo demanda tamén afianzar, en colaboración con outros estados, os traballos de cartografado dos fondos mariños en todo o Atlántico, identificando aqueles espazos máis vulnerables a partir dos cales se acordaron medidas de protección no seo das Organizacións Rexionais de Pesca



A OPOSICIÓN BOICOTEA UN ACORDO UNÁNIME


O portavoz do Mar do Grupo Popular, Jose Manuel Balseiro, lamentou a actitude amosada polos grupos da oposición que non apoiaron esta iniciativa, boicoteando toda posibilidade de acordo unánime. Advertiu a socialistas e nacionalistas que “os profesionais non buscan liortas partidistas, senón solucións, e por iso desde o Grupo Popular propoñemos un acordo razoable e responsable que recolle as demandas da flota”.



Balseiro foi especialmente crítico coa posición defendida por Alternativa Galega de Esquerdas (AGE), que se desmarcou co seu voto en contra da iniciativa popular cun discurso de apoio ás teses prohibicionistas e de criminalización da flota de arrastre. Segundo Balseiro, “esta actitude pon de relevo a falsidade dos políticos das Mareas que din defender á flota e despois apuñalan os seus intereses”.



Por outra banda, o portavoz popular non tivo ningún problema á hora de recoñecer que “o Ministerio non estivo á altura por non opoñerse a esta norma en Europa” e indicou que “o Grupo Popular en Galicia non ten ningún problema en forzar un cambio de criterio e rexeitar este posición errada de Madrid”. Con todo, quixo lembrar que son socios dos grupos políticos da oposición (socialistas, nacionalistas e ecoloxistas) os que en Europa impulsan esta norma restritiva.

PUY AFIRMA QUE AS PREGUNTAS AO PRESIDENTE E A COMPARECENCIA DO CONSELLEIRO NO PLENO DEMOSTRAN QUE A XUNTA “NON TEN NADA QUE OCULTAR” SOBRE  O TRATAMENTO DA HEPATITE C



·    Critica que a oposición utilice esta cuestión “para facer unha emenda á totalidade dunha política que primou a atención sanitaria, a educación e o resto do gasto social”



·    O Grupo Popular defenderá na sesión plenaria o desenvolvemento dun plan estratéxico para a conserva galega e un Plan galego de atención ao ictus



Santiago, 19 de abril de 2016.- O portavoz do Grupo Popular, Pedro Puy, asegurou hoxe que as tres preguntas ao Presidente da Xunta e a comparecencia do conselleiro de Sanidade do Pleno da vindeira semana demostran que o Goberno galego “non ten nada que ocultar” sobre a situación dos pacientes sometidos a tratamento para a hepatite C. Puy afirmou que “se hai algo que non incidiu na aplicación deste tratamento aos enfermos son as cuestións orzamentarias” e considerou lamentable que “se intente vincular un escrito coa honorabilidade dunhas persoas e, desde un punto de vista político, que se utilice para facer unha emenda á totalidade dunha política que primou a atención sanitaria e a educación, así como o resto do gasto social”.



A sesión plenaria da vindeira semana inclúe un total de 28 cuestións, das que o 80 por cento son a iniciativa dos grupos da oposición. Dará comezo co debate para a súa aprobación dos proxectos de Lei do patrimonio cultural de Galicia e de economía social de Galicia.



A continuación, terá lugar a comparecencia a petición propia do conselleiro de sanidade para informar sobre a situación dos pacientes a tratamento por hepatite C crónica en Galicia, que se acumula ás solicitudes realizadas por todos os grupos da oposición. Ademais, Puy engadiu que as tres preguntas que a oposición formulará ao Presidente da Xunta tamén versarán sobre o mesmo asunto.



O portavoz popular considerou “interesante” que o Goberno compareza no Parlamento porque “non ten nada que ocultar e é bo que se saiba como funcionou a incorporación deste tratamento contra a hepatite C ao sistema público de saúde de Galicia, que está a funcionar moi ben e se está a estender a todos os pacientes, sobre todo aos que están nunha fase máis evolucionada da enfermidade”.



COLABORAR COA XUSTIZA



Puy salientou que “a Xunta está a colaborar coa Xustiza”, pero criticou “o exercicio de demagoxia” que se está a facer por parte da oposición. Neste sentido, rebateu que o sistema dilatara o subministro desta medicina aos pacientes, xa que, unha  vez solicitado polo médico e aprobado pola subcomisión clínica, “se tramitaba polo método máis rápido que hai na administración: o contrato menor, sen necesidade de ir a un concurso que tarda meses en resolverse”. “O máis rápido para subministrar o tratamento é se na área de xestión sanitaria se pide e se contrata directamente no momento que fai falta”, apuntou.



“A medicación deuse en Galicia para aqueles casos que, de acordo cos protocolos médicos aprobados para toda España, era aconsellable moito antes que se aprobara o Plan contra a hepatite C e, desde que se aprobou este plan, non só foron atendidos os pacientes con maior gravidade, senón os que menos desenvolvida teñen a enfermidade”, explicou Puy. Así, avogou por “continuar cara a supresión total do virus” e reiterou que “non hai restrición orzamentaria cando o sistema prevé o subministro a todos os enfermos”.


Pedro Puy manifestou que “estamos amosando o noso respecto máximo ás persoas afectadas pola enfermidade, sen entrar a debater con eles porque a comprensión con quen padece esta enfermidade é máxima”.



Na súa intervención, o portavoz popular defendeu a existencia no seu momento dunha subcomisión clínica para a aprobación do tratamento “para manter un criterio homoxéneo baseado en factores exclusivamente médicos”.



PROMOCIÓN DA CONSERVA E ATENCIÓN AO ICTUS



Ademais das preguntas ao Presidente e a comparecencia do conselleiro de Sanidade sobre a hepatite C, o Grupo Popular defenderá no Pleno dúas proposicións non de lei. A primeira solicita á Xunta o desenvolvemento dun plan estratéxico da conserva, que permita consolidar a Galicia na posición de liderado no mercado nacional e internacional, sen perder a implicación social e laboral desta actividade.



A segunda proposición non de lei insta á Xunta a poñer en marcha este ano un Plan galego de atención ao ictus, que ofreza unha adecuada asistencia sanitaria coa máxima seguridade, no menor tempo posible e de xeito equitativo para toda a cidadanía galega.



Por último, o Grupo Popular cuestionará ao Goberno galego sobre a repercusión que terá no sector eólico galego a última sentenza do Tribunal Supremo que confirma que foi correcta a anulación do concurso de 2008, e o balance que para a economía galega teñen as medidas da Estratexia de internacionalización da empresa galega 2020.


PEDRO PUY AVANZA O DEBATE PARA A SÚA APROBACIÓN POLO PLENO DA VINDEIRA SEMANA DOS PROXECTOS DE LEI DO PATRIMONIO CULTURAL E DE ECONOMÍA SOCIAL



·    Destacou a especial atención aos mozos da nova lei de economía social, completando as liñas de axudas existentes



Santiago, 18 de abril de 2016.- O Pleno do Parlamento da vindeira semana acollerá o debate para a súa aprobación dos proxectos de lei de patrimonio cultural de Galicia e de economía social de Galicia, segundo avanzou esta mañá o portavoz do Grupo Popular, Pedro Puy.



Respecto do proxecto de Lei do patrimonio cultural, Puy sinalou que “anova, actualiza e unifica as vellas leis do Patrimonio cultural de 1995, de Protección dos Camiños de Santiago de 1996 e de traballos de dotación artística nas obras públicas e nos Camiños de Santiago de 1991”.



APORTACIÓNS Á NOVA LEI



Así mesmo, salientou que esta nova lei conta coa participación de expertos e entidades representativas do sector, como a Academia de Belas Artes, o Colexio de Arquitectos e a Fiscalía especializada en delitos contra o patrimonio, así como o ditame do Consello da Cultura Galega. “A todo isto, sumouse na tramitación parlamentaria a incorporación ao texto lexislativo de 66 emendas da oposición e outras 16 transaccións”, indicou.



A segunda norma que se procederá ao seu debate para aprobación será o proxecto de Lei de Economía Social de Galicia, que fomenta a creación de cooperativas e outras fórmulas de asociación simplificando os trámites e habilitando liñas de financiamento específicas que complementen as que xa existen.



7.000 ENTIDADES DE ECONOMÍA SOCIAL



Puy afirmou que esta norma presta especial atención ao impulso das cooperativas xuvenís, completando as liñas de axudas existentes, ao tempo que recoñece o peso das 7.000 entidades que existen en Galicia e facilita o seu financiamento.



Entre as medidas que incorpora este proxecto de Lei, o portavoz popular sinalou a creación do Consello da Economía Social de Galicia, a través do que se impulsarán estas organizacións e a súa presenza institucional.


PEDRO PUY AVANZA QUE A XUNTA “DARÁ AS EXPLICACIÓNS OPORTUNAS SOBRE A DENUNCIA DA FISCALÍA POLA ATENCIÓN A ENFERMOS CON HEPATITE C UNHA VEZ COÑEZA O SEU CONTIDO


·    Lembrou que a Xunta gastou 77 millóns de euros o pasado ano para cubrir todas as necesidades que os médicos demandaron



·    Criticou que “o uso demagóxico por parte da oposición dun problema de saúde e dunha enfermidade grave é das peores accións que se poden facer en política”



Santiago, 18 de abril de 2016.- O portavoz do Grupo Popular, Pedro Puy, asegurou hoxe que o Goberno galego dará as explicacións oportunas sobre a denuncia da Fiscalía pola atención realizada a enfermos de hepatite C e salientou que “a Xunta fixo unha gran labor, provendo os medicamentos a todos os enfermos que o precisaban, mesmo antes de que se aplicara o pasado ano o Plan Nacional contra a hepatite C”.



Pedro Puy afirmou que a Xunta “esta a seguir todos os protocolos que garanten a prescrición destes fármacos a enfermos de hepatite C”, polo que manifestou que “non hai motivo de alarma”. Neste sentido, subliñou que desde que se aprobou o pasado ano o protocolo nacional para atención a enfermos de hepatite C, “a Xunta gastou 77 millóns de euros para cubrir todas as necesidades que os médicos demandaron, polo que calquera persoa que teña esta enfermidade está a recibir o tratamento axeitado recomendado polos médicos”.



O portavoz popular avogou por “esperar a coñecer o contido da denuncia da  Fiscalía” e amosouse “seguro de que, do mesmo xeito que a Xunta está a colaborar coa Xustiza facilitando todos os expedientes que lle requiriu, ofrecerá todas as explicacións sobre esta cuestión no Parlamento”.



O CONSELLEIRO XA INFORMOU EN XANEIRO



Puy lembrou que o conselleiro de Sanidade xa informou ao Parlamento galego o pasado 27 de xaneiro sobre este asunto a preguntas da oposición, onde lembrou que “se cumpriron todos os protocolos e se destinaron uns investimentos importantes para a sanación destas persoas”.



“É difícil que alguén compareza sen ter a información que xera esta demanda, xa que nin os presuntos implicados nin o SERGAS teñen coñecemento do contido da actuación xudicial”, manifestou.



Respecto da actitude da oposición, Puy criticou que “o uso demagóxico dun problema de saúde e dunha enfermidade grave é das peores accións que se poden facer en política”. “Ninguén está exento de ter un problema por un fallo no sistema público de saúde, pero dubidar da intencionalidade e dicir que un está actuando a sabendas para provocar a morte de alguén é algo moi grave e non é ético”, apuntou.

Santiago, 15 de abril de 2016.- O presidente de Novas Xeracións de Galicia, Diego Gago, presentou hoxe a campaña #SegueOTeuPleno, no que solicitarán aos grandes concellos a emisión online dos plenos municipais.

Para isto, os presidentes/as de NN.XX. presentarán a petición por rexistro municipal e posteriormente trasladarán a proposta a través dunha moción ou rogo nos 11 dos 22 concellos de máis de 20.000 habitantes onde actualmente non se retransmiten os plenos en directo.

Segundo Gago, “NN.XX. é consciente da exixencia e da necesidade por parte da cidadanía dunha maior transparencia no exercicio da actividade pública, polo que cremos que hoxe en día non hai xustificación económica nin técnica para non poder levalo a cabo”.

O líder xuvenil considera que “concellos coma o de Santiago, Ferrol ou Vigo teñen un suspenso en materia de Transparencia”. “Chama especialmente a atención o caso de Vigo, que é a única cidade das vinte máis poboadas de España que non permite aos cidadáns poder observar por vía telemática o que se debate nos plenos, máis cando o seu alcalde, é o presidente da FEMP”, engadiu.

Ademais, Gago recordou que o desembolso económico da emisión non é moi elevado, en referencia ao Concello de Ourense, cuxa posta en marcha da medida ten un custo de 3.000€ anuais.

FOLGA DE ESTUDANTES  

Por outra banda, o dirixente de Novas Xeracións sinalou que fixeron unha chamada a non secundar a folga contra a LOMCE xa que entenden que “nace unha vez máis politizada e persegue volver a modelos educativos que levan aos estudantes españois a estar á cola en todas as comparativas cos outros estudantes europeos da mesma idade”.

Gago afirma que o derradeiro modelo educativo socialista precisaba dun cambio urxente, e que hai que darlle tempo á LOMCE para demostrar se aporta ou non unha mellora con respecto ao actual. 

Asemade, lamenta que non nacera cun maior consenso e recoñece que é fundamental a equiparación dos custos dos graos e postgraos en referencia á incorporación do 3+2. 

CHAVE INTERNA

O dirixente xuvenil dos populares galegos deu por sentado que NN.XX. terá un papel relevante nas políticas e  nas decisións que se levarán a cabo na nova etapa de Alberto Núñez Feijoo ao fronte do PPdeG. Así, trasladaralle as súas inquedanzas e propostas nun encontro previo ao XVI Congreso.

Ademais, puxo en valor que a mocidades do PP culminarán a súa renovación perante aos comicios autonómicos coa celebración dos tres congresos provinciais pendentes, que lle permitirán seguir sendo a primeira organización político xuvenil e aspirar a axudar a canalizar o voto mozo.


Página 9 de 22

Síguenos nas redes sociais