Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

Marián García salienta as medidas postas en marcha polo Goberno galego en mateira de igualdade

13 Abr 2018

Santiago, 11 de abril de 2018.- A portavoz de Igualdade do Grupo Popular, Marián García Míguez, salientou esta mañá no Parlamento o compromiso do Goberno galego en materia de igualdade no ámbito laboral, tal e como se pon de manifesto co impulso do I Plan de Emprego Feminino 2017-2020, que conta cun orzamento dun millón de euros.

 

 


“A aposta do Goberno galego pola igualdade é clara”, asegurou a deputada popular. Neste sentido, referiuse ao VII Plan Estratéxico Galego de Igualdade 2017-2020 que como fins a acadar contén: o fomento do emprego, do autoemprego e do emprendemento feminino; o plan de igualdade no sector público; a erradicación da segregación horizontal e vertical; o incremento da presenza da muller en ámbitos tecnolóxicos e dixitais; ou o Plan de Conciliación e Corresponsabilidade 2018-2021. “Este último documento xa está enriba da mesa e se concibe como unha nova forma de pacto social”, explicou Marián García.

 


Tal e como detallou Marián García, os datos de desemprego feminino están “en caída libre” e “a tendencia de que o paro ten rostro feminino está a mudar”. Así, no mes de marzo, 1.623 mulleres incorporáronse ao mercado laboral fronte aos 1.481 homes.

 


NIN UNHA SOA LECCIÓN SOCIALISTA EN EMPREGO

 


A deputada popular recordou tamén que o grupo socialista non está lexitimado para dar “nin unha soa leccións en materia de emprego, porque España nunca tivo tantos parados como cando o PSOE gobernaba: Vostedes destruían emprego a maior ritmo que o PP o crea”.

 


Para finalizar, García Míguez referiuse á modificación do Estatuto dos Traballadores e da Lei de Igualdade para reducir a fenda salarial, prevista polo Ministerio de Emprego.

Síguenos nas redes sociais