Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

O Grupo Popular critica que En Marea “traia ao Pleno unha proposición de lei sobre provisión de xefes de servizo no Sergas copia da normativa xa en vigor”

18 Dec 2018
Santiago, 18 de decembro de 2018.- O portavoz de Sanidade do Grupo Popular, Aurelio Núñez Centeno, criticou esta tarde no Parlamento que En Marea “traia a debate no Pleno unha proposición de lei sobre provisión de postos de xefatura e coordinación do Servizo Galego de Saúde que copia artigos enteiros de normativa xa en vigor, que incluso é moito máis detallada que a proposta de En Marea”.
 
 

 

“A actual regulación específica dos procedementos de provisión de postos de xefatura e responsabilidade do Sergas xa recollen en termos idénticos ou substancialmente similares os aspectos relativos aos principios, réxime xeral, procedemento e comisión de avaliación, convocatoria, requisitos das persoas aspirantes e avaliación do desempeño da xefatura contidos da proposición de lei de En Marea”, concretou.
 

 

 

COMISIÓN TÉCNICA ESPECIALIZADA
 
 

 

Aurelio Núñez lembrou que “toda a normativa aplicable en Galicia para a cobertura destas prazas foi desenvolvida e posteriormente modificada nos anos do Goberno bipartito: tanto o decreto 206/2005 como a súa reforma polo decreto 236/2008”. “Curiosamente, esta modificación incrementaba a porcentaxe da fase de concurso ata un 45 por cento nos concurso-oposición, cando no decreto se limitaba ao 30 por cento”, sinalou.
 

 

 

Respecto da elección dos membros das comisións de avaliación, o portavoz popular considerou “lóxico que a avaliación colexiada das persoas candidatas ás xefaturas sanitarias sexa feita por unha comisión técnica especializada nomeada polo órgano convocante, de acordo coas súas potestades de organización normativa e xurisprudencialmente recoñecidas”.
 
 


“A designación das persoas que formen parte dos tribunais de selección parte dun principio esencial: garantir a súa idoneidade para avaliar os coñecementos e aptitudes dos aspirantes en relación coas características das prazas convocadas”, sinalou.

Síguenos nas redes sociais