Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

O PPdeG asegura que os servizos de inspección de Servizos Sociais da Xunta realizan “un rigoroso control” da residencia de maiores de Trives

07 Feb 2019
Santiago, 6 de febreiro de 2019.- A portavoz de Asuntos Sociais do Grupo Popular, Marta Rodríguez Arias, asegurou hoxe que a residencia de maiores de Trives “é obxecto dun rigoroso control por parte da inspección de Servizos Sociais da Xunta de Galicia”. En concreto, apuntou que, “como consecuencia da última inspección realizada no pasado mes de xaneiro, o persoal inspector realizou unha proposta de expediente sancionador por incumprir a ratio de persoal de atención directa aos usuarios, ademais de propoñer unha nova inspección de seguimento no prazo de tres meses”.
 
 

 

Marta Rodríguez explicou que a residencia de maiores de Trives é titularidade da Mancomunidade das Terras de Navea-Bibei e conta con 59 prazas de carácter privado, ningunha delas concertada coa Xunta de Galicia.
 
 

 

INCUMPRIMENTO E EXPEDIENTE SANCIONADOR
 
 

 

“Como resultado do constatado polo persoal inspector nas actas levantadas como consecuencia das inspeccións realizadas no centro, a residencia de maiores de Trives foi obxecto dun seguimento periódico”, manifestou a portavoz popular, quen indicou que “a última inspección realizouse o pasado mes de xaneiro”.
 

 

 

Esta inspección constatou un incumprimento da ratio de persoal de atención directa, “pero si cumpría o esixido respecto ao persoal médico e ATS ou DUE, xa que nesa data o centro contaba só con 13 persoas usuarias dependentes”, indicou.
 
 

 

Como consecuencia desta última inspección, o persoal inspector realizou unha proposta de apertura de expediente polos incumprimentos constatados, ademais de propoñer nova inspección de seguimento no prazo de tres meses.
 

Síguenos nas redes sociais