Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

O Grupo Popular asegura que o Plan Hidrolóxico impide novas centrais hidroeléctricas nos ríos galegos

21 Mar 2019
Santiago, 21 de marzo de 2019.- A portavoz de Enerxía do Grupo Popular, Marta Nóvoa, asegurou hoxe que “o Plan Hidrolóxico vixente establece que non poderán ser autorizados novos elementos transversais nos ríos, o que leva consigo que toda solicitude que supoña implantación dun novo obstáculo nos ríos debe ser denegada, permitíndose unicamente a repotenciación das centrais hidroeléctricas existentes”.
 
 

 

No debate dunha proposición non de lei de En Marea para desenvolver aproveitamentos de mini e micro hidráulica por toda Galicia, Marta Nóvoa explicou que esta proposta “nin cumpre co medio ambiente, nin coa lei vixente sobre o plan hidrolóxico, nin lle sairía rendible en custes aos posibles beneficiarios, que xa abandonaron anteriores concesións por escasa produtividade”.
 
 

 

 “Actualmente, para as concas de Galicia Costa, o Plan Hidrolóxico impide o outorgamento de novas concesións que supoñan a implantación de novos obstáculos transversais no leito ou calquera outro elemento que comprometa o mantemento da continuidade lonxitudinal fluvial”, concretou.
 
 

 

NOVAS CONCESIÓNS ADMINISTRATIVAS
 
 

 

O portavoz popular explicou que a recuperación e nova posta en funcionamento das instalacións que viron extinguida a súa concesión, na meirande parte dos casos por caducidade pola interrupción permanente da explotación durante tres anos consecutivos por causas imputables ao titular concesional, “tería que realizarse a través do outorgamento dunha nova concesión administrativa”.
 
 


“Este outorgamento non se produciría automaticamente, senón que estaría suxeito a un procedemento administrativo limitado tanto polo principio da libre competencia como por unha serie de condicionantes e postulados técnicos, sometidos a un férreo control por parte da Administración”, indicou.

Síguenos nas redes sociais