Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

Feijóo advirte que nas Municipais se elixe un modelo de goberno multipartito ou un goberno que goberne

13 Mai 2019

13, maio, 2019. O presidente do PPdeG, Alberto Núñez Feijóo, dixo que nas Eleccións Municipais elíxense dous modelos de xestión: un goberno multipartito ou un goberno que goberne. Por iso, avogou por “votar de forma conxunta” e directamente aos candidatos do PPdeG, para así ter alcaldes e alcaldesas que xestionen mellor os concellos e cos que os veciños se sintan máis identificados.

Avogou por non desperdiciar as Eleccións Municipais e unir o voto moderado no Partido Popular para evitar que moitos veciños teñan un alcalde que non queiran, como aconteceu nas Xerais que, tras dividir o voto do centro e da dereita en tres partidos, hoxe millóns de españois teñen un presidente do Goberno con tan só acadou o 28% dos votos.

 

Por iso, indicou que aqueles que non queiran que os candidatos do PSOE, das Mareas de Podemos e nacionalistas sexan alcaldes “voten á única alternativa dun goberno unido”, para ter así alcaldes e alcaldesas fortes, con equipos sólidos e políticas útiles para os veciños. Neste mesmo senso, Feijóo avogou por, en lugar de votar a diferentes partidos e restar concelleiros e posibilidades, xuntar as forzas e votar ao PP.

 

Do mesmo xeito, recalcou a importancia de votar unidos nas Eleccións Europeas, xa que é onde se deciden asuntos de interese para Galicia e España, como son as políticas relativas ao sector primario.

 

DALIA GARCÍA, ESFORZO E DEDICACIÓN A MELIDE

Durante una mitin en Melide, o presidente dos populares galegos destacou o traballo que Dalia García Couso demostra como alcaldesa. Así, sinalou que Melide avanzou nos últimos anos con mellores servizos públicos, como o centro de saúde, a escola infantil, as obras de saneamento e os investimentos no sector industrial e agrario.

 

Referiuse ao obstáculo que supón o Goberno socialista na autovía Santiago-Lugo. E é que, tal e como sinalou, non é de recibo que estean parados os tramos cando o Goberno de Mariano Rajoy deixounos licitados: “Dez meses de Goberno de Pedro Sánchez e a autovía non avanza”. 

Síguenos nas redes sociais