Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

O Grupo Popular demanda a creación de novos puntos de encontro familiar en Galicia e a mellora dos 7 existentes

11 Xul 2019

Santiago, 11 de xullo de 2019.- A portavoz de Asuntos Sociais do Grupo Popular, Marta Rodríguez Arias, demandou no Parlamento que a Xunta continúe coa mellora dos sete puntos de encontro familiar existentes en Galicia e impulse a creación de novos puntos que faciliten a todas as persoas, independentemente do seu lugar de residencia, o acceso a estes servizos con facilidade, prestando especial atención á situación que vive o rural.

 

 

Marta Rodríguez explicou que “neste momento os sete puntos de encontro familiar de titularidade da Xunta están situados en centros públicos configurando unha rede cos mesmos servizos e unificando as súas características”.

 

Na actualidade, a Xunta está analizando o incremento do número de puntos de encontro familiar para ampliar a cobertura, atendendo as características de dispersión da poboación galega e dos núcleos rurais. “Deste xeito, estase xestionando a posta en marcha dun novo punto de encontro na provincia de A Coruña e outro na provincia de Pontevedra, cuxas localizacións serán as máis axeitadas para atender as necesidades das persoas usuarias”, indicou.

Síguenos nas redes sociais