Agosto 2017

Agosto 2017 (11)

Santiago,  1 de setembro  de 2017.-  O voceiro popular no Parlamento de Galicia, Pedro Puy, indicou hoxe na súa intervención na Mesa sobre “O PP fronte ao reto demográfico” na XXII Interparlamentaria que o  PP está a celebrar en Valencia , que o problema demográfico é preciso atacalo e resolvelo “como estamos facendo, non só con axudas públicas, senón tamén desde a unidade e a concienciación da súa gravidade”.

Santiago,  29 de agosto  de 2017.- O voceiro popular Pedro Puy indicou hoxe que o Pazo de Meirás, propiedade dos herdeiros do ditador “ten un vicio orixinario de adquisición e por esta orixe simbólica comprendemos que é ofensivo para as vítimas do franquismo e o razoable sería voltalo ao público pero de forma legal, e o primeiro sistema sería que a propia familia se decate de que teñen que devolver algo que lle foi regalado coma xefe do Estado”.

Santiago,  28 de agosto de 2017.- O portavoz do Grupo Popular, Pedro Puy, situóu hoxe a consolidación do crecemento económico que estamos a vivir como o gran reto no comezo do novo período de sesións. “Abordamos con tranquilidade o novo período pola estabilidade política e pola boa evolución da economía galega que entendemos que ten que ver coa boa xestión do Goberno do PP” afirmou o portavoz popular.

Cerdedo-Cotobade, 27 de agosto de 2017.- O presidente do PPdeG, Alberto Núñez Feijóo, puxo de relevo que grazas á “política á galega” practicada en Galicia e en España ambas “melloran cada día” e, ademais, “estamos crecendo”.

Durante o xa tradicional acto de arranque do curso político que dende hai máis de 10 anos o Partido Popular celebra cada ano en Galicia, Feijóo apuntou que debido ao “esforzo, talento e ambición” de galegos e españois superamos a desesperanza e “estamos crecendo” dende 2015 por enriba do 3 por cento, temos o paro por debaixo do nivel de 2008 e batemos as mellores marcas históricas de turismo.

O feito de que tanto galegos como españois teñan escollido ao Partido Popular maioritariamente débese, para Feijóo, a que “desexan que acompañemos este crecemento”. Por iso aseverou ante Mariano Rajoy que “creceremos xuntos” facilitando a inversión e axudando aos emprendedores, reducindo trámites innecesarios, impulsando infraestruturas imprescindibles como o AVE e poñendo á Adminstración ao carón dos cidadáns, non fronte a eles.

Segundo apuntou o presidente dos populares galegos, cada vez coñécese máis o noso “patrimonio cultural á galega”, a nosa “natureza á galega”ou a “gastronomía á galega”. Agora, ademais, coñécese tamén a “política á galega” que significa traballar máis do que se fala, pensar menos nos votos ca en crear emprego a longo prazo e ser leal cara ao resto dos españois.

Esta “política á galega” levou tanto a Galicia como a España –con Mariano Rajoy aos mandos- cara a saída da crise, algo que sinalou que “é xusto recoñecer”. “Din que os galegos somos indecisos, pero se hai un lugar en España onde o pobo sabe o que quere, ese é Galicia”, salientou.


GALICIA CON BARCELONA
No discurso de Feijóo non faltou unha sentida referencia aos recentes atentados de Barcelona e Cambrils. “Hoxe o meu corazón, o corazón do presidente, o corazón de todo este partido, o corazón de toda Galicia está e segue estando en Barcelona”, dixo, cidade que sufriu o que “nunca debeu suceder e non pode volver suceder”. Así, alzou a voz para esixir aos que empregan as armas para defender as súas ideas “que nos deixen vivir en paz”.

Ante esta situación para Feijóo non caben nin as equidistancias nin a ambigüidade, nin o relativismo nin a xustificación. “Aquí hai malos e bos”, ao que engadiu que hai “os que matan e os que queremos vivir en paz”.

Por iso afirmou que por enriba de partidos e ideoloxías “a política ten que estar á altura, unidos, para defender o noso modo de vida e a vida dos cidadáns”, mentres denunciou que “o que non é aceptable é que haxa políticos que queiran dividir aos seus cidadáns”. “Eu estou ao carón da alcaldesa de Podemos, do president independentista e do Presidente do Goberno de España”, engadiu, e rematou dicindo que “rompéronnos a alma pero non van romper nunca o que somos”.


GRAZAS AOS GALEGOS
Nunha carballeira de San Xusto (Cerdedo-Cotobade) ateigada de simpatizantes e afiliados populares, exactamente un ano despois de comparecer no mesmo lugar como candidato á reelección á Presidencia da Xunta, o líder do PPdeG elevou “un inmenso grazas” aos galegos “por outorgarme a honra de ser quen lles represente”.

Facendo balance dos últimos doce meses, Feijóo afirmou traballar cada día por “transformar en feitos” ese ‘grazas’ e cumprir dese xeito coa súa palabra. Así, apuntou que o PPdeG cumpriu en converter a Galicia en referente de estabilidade e responsabilidade, en afastar o “bloqueo e a parálise política” da nosa terra e en evitar “multipartitos inestables”.

Do mesmo xeito, e xa mirando cara adiante, asumiu como reto do partido para o novo curso político “reforzar os alicerces do progreso económico” e “que a recuperación se traduza en máis benestar para todos”, algo que para el so pode acadarse cunha política “útil” baseada en “feitos, solucións, diálogo e rigor”.

Por último, lembrou que o Partido Popular é “o partido que fronte ao non ao diálogo, o non ao crecemento, o non ao turismo, o non a facer e o non a todo contrapón un rotundo si”. Por isto concluíu afirmando que “en España si. En Galicia si”.

O secretario xeral dos populares galegos, Miguel Tellado, lembrou que o partido estará acompañando este domingo ao presidente nacional, Mariano Rajoy, no tradicional acto de apertura curso político. Como xa acontecera o ano pasado, este evento celebrarase na Carballeira de San Xusto, no concello pontevedrés de Cerdedo-Cotobade. Sobre isto, Tellado subliñou que é unha honra acoller un ano máis ao líder popular na súa propia casa.

Santiago, 21 de agosto de 2017.- O viceportavoz do Grupo Popular, Miguel Tellado, sinalou este luns que a actividade económica e o emprego seguirá a ser no vindeiro período de sesións unha das preocupacións fundamentais da súa formación, e vaticinou que a Lei de implantación empresarial será “un dos textos máis relevantes de toda a lexislatura”.

Santiago, 14  de agosto de 2017.- A vicevoceira do Grupo Popular Marta Rodríguez Arias instou hoxe aos grupos da oposición que aínda non o fixeron a remitir os seus representantes para proceder o antes posible á celebración da sesión constitutiva do Observatorio Galego de Dinamización Demográfica.Marta Rodríguez recordou que a Xunta modificou o Decreto que regula o Observatorio recentemente para incorporar aos grupos políticos e facelo “máis participativo e plural” e nese sentido indicou que o pasado 20 de Xullo remitiu un escrito aos Grupos Parlamentarios solicitándolles as súas proposta “e BNG e En Marea aínda non as remitiron”.

Santiago, 7  de agosto de 2017.- A viceportavoz do Grupo Popular Paula Prado del Río presentou hoxe en rolda de prensa unha iniciativa encamiñada a solicitar do Ministerio de Xustiza a creación daquelas unidades xudiciais necesarias para Galicia, así como o reforzo dos órganos xudiciais naquelas xurisdicións que precisan apoio pola carga de traballo que teñen.

Santiago, 4 de agosto 2017.- O secretario xeral do PPdeG, Miguel Tellado, asegurou que a estabilidade institucional e a responsabilidade na xestión levada a cabo polo PPdeG posibilitaron que Galicia peche o curso político con menos paro do que había en setembro de 2016 e cun comportamento da economía galega en constante melloría, o que permitirá que se revisen á alza as nosas previsións de futuro.

Santiago, 2 de agosto 2017.- O secretario xeral do PPdeG, Miguel Tellado, valorou os datos do desemprego relativos ao mes pasado nos que Galicia pechou xullo sendo a comunidade na que máis baixa o desemprego en termos absolutos e a segunda en termos relativos, e superando ao Estado no ritmo de caída en máis de 3,3 puntos. Logo de publicarse esta mañá as cifras, Tellado asegurou que “hai máis paro do que nos gustaría pero menos do que lle gustaría á oposición”.

Síguenos nas redes sociais