O presidente do Partido Popular de Galicia, Alberto Núñez Feijóo, clausurou este sábado o congreso local da formación en Pontevedra, no que resultou elixido Rafael Domínguez como novo presidente. Feijóo gabou o “compromiso con Pontevedra”, o “espírito emprendedor” e a “fortaleza de carácter” de Domínguez, do que subliñou que “sabe escoitar” e “ten a forza e as enerxías necesarias para afrontar este importante reto”. “Estamos a vivir un día grande para o Partido Popular, pero tamén para Pontevedra”, apuntou, para expresar que este conclave é unha oportunidade para “afrontar con certezas o futuro” e volver a ilusionar á cidade.
Santiago, 29 de xuño de 2018.- O Parlamento de Galicia aprobou hoxe, a instancias do Grupo Popular, unha proposición non de lei a través da que se demanda ao Goberno central beneficios fiscais para os afectados pola explosión de Tui, que van desde a exención do imposto da renda nas axudas percibidas; as cotas sobre o imposto de bens inmobles das vivendas, establecementos industriais ou locais de traballo; ou das taxas de Tráfico para a tramitación da baixa dos vehículos, ata a redución do imposto de actividades económicas ás industrias cuxos locais fosen danados polo accidente.
Santiago, 29 de xuño de 2018.- A viceportavoz do Grupo Popular, Paula Prado, subliñou hoxe no Parlamento que “as mulleres son un colectivo prioritario nos programas de formación e mellora da empregabilidade da Xunta e contan cun 25 por cento máis de axuda en todos os programas cos que se incentiva a contratación”. “Estas políticas de emprego do PPdeG están funcionando e mostra disto é que no último ano o desemprego feminino reduciuse en Galicia un 9 por cento e sete de cada dez mulleres ocupadas teñen un contrato indefinido”.
Santiago, 29 de xuño de 2018.- O Parlamento galego aprobou hoxe, logo dunha transacción entre o Grupo Popular e o Grupo socialista, unha proposición non de lei a través da que se insta ao Goberno galego a presentar, para o seu debate na Cámara antes do fin de 2018, o posicionamento da Xunta nos eidos identificados como prioritarios no seu documento de análise do impacto do Brexit en Galicia.
Santiago, 29 de xuño de 2018.- A portavoz de Enerxía do Grupo Popular, Marta Nóvoa, manifestou hoxe no Parlamento que “é necesario reducir o prezo da electricidade, pero producindo mellor e máis barato, ao tempo que se axuda aos máis necesitados con medidas sociais como as que leva facendo o Goberno galego desde hai anos”.
Santiago, 28 de xuño de 2018.- A deputada do Grupo Popular Cristina Romero salientou hoxe que “o mellor plan de desestacionalización do turismo na Comunidade galega é a Estratexia de Turismo de Galicia 2020, que está a funcionar cun crecemento dos turistas superior ao 3 por cento o pasado ano, cando se superaron por primeira vez os 5 millóns de turistas, cunha chegada de visitantes máis intensa fóra da tempada estival”.
Santiago, 27 de xuño de 2018.- O Grupo Popular vén de rexistrar esta tarde unha proposición non de lei, co obxectivo de que sexa debatida no vindeiro Pleno do Parlamento, a través da que insta á Xunta a remitir urxentemente á Administración Xeral do Estado o informe elaborado pola Comisión de Expertos sobre as posibilidades de incorporar ao patrimonio público o Pazo de Meirás, de xeito que se realicen as accións legais que este documento recomenda para recuperar este ben para o dominio público.
Santiago, 27 de xuño de 2018.- A deputada do Grupo Popular Encarna Amigo salientou hoxe que “a Consellería de Sanidade e o Concello de Noia están a valorar a necesidade de facer un novo centro de saúde ou reformar o existente” para mellorar a asistencia sanitaria que reciben os veciños desta localidade e da comarca.
Santiago, 27 de xuño de 2018.- A deputada do Grupo Popular Encarna Amigo afirmou hoxe no Parlamento que a Consellería de Sanidade ten previsto dotar ao centro de saúde de Navia cunha nova praza de pediatra e enfermería para asumir aos nenos que actualmente son atendidos no centro de saúde de Coruxo.

Síguenos nas redes sociais