Santiago, 3 de outubro de 2018.- O deputado do Grupo Popular Alberto Pazos lembrou hoxe, no debate no Parlamento galego dunha iniciativa socialista, que a Lei do Consello de Contas xa contempla a posibilidade de denuncia confidencial de calquera persoa respecto dun suposto caso de corrupción, ao tempo que existe un protocolo para a prevención, detección, actuación e resolución de situacións de acoso laboral e outras discriminacións no traballo na administración da Comunidade galega ás persoas que realicen estas denuncias.
Santiago, 1 de outubro de 2018.- O portavoz do Grupo Popular, Pedro Puy, asegurou hoxe que o Goberno galego “está facendo unha xestión perfectamente defendible e explicable, da que se poden render contas” no Debate sobre o Estado da Autonomía que se celebrará a vindeira semana. Neste sentido, indicou que “afrontaremos este debate coa man tendida á oposición para aprobar novas propostas que sexan boas para a cidadanía galega”.
O presidente do PPdeG, Alberto Núñez Feijóo, dixo esta tarde que Beatriz Mato, de quen destacou o seu  ímpeto, forza de vontade, experiencia e ideas, “é a mellor candidata posible para que o concello da Coruña volva poñerse a andar”. Neste senso, salientou que son moitos os coruñeses que, ao ver a cidade parada, piden máis ca nunca que A Coruña “sexa imparable”: “Os coruñeses piden unha Coruña imparable e, por iso, presentamos a candidata que mellor pode garantilo”.
28, setembro, 2018. O secretario xeral do PPdeG, Miguel Tellado, afirmou esta mañá que a Marea de Xulio Ferreiro “o único que fixo en tres anos foi instalar o amiguismo no Pazo de María Pita, ata deixar á cidade nunha situación completamente insostible”.
Santiago, 28 de setembro de 2018.- O Grupo Popular apoiou hoxe no Parlamento galego a aprobación dunha proposición non de lei a través da que se solicita á Xunta que elabore un informe acerca do impacto futuro da automatización no mercado laboral que permita deseñar un plan de adaptación, co obxecto de garantir o emprego de calidade.
Santiago, 27 de setembro de 2018.- O Parlamento de Galicia aprobou hoxe unha proposición non de lei a través da que se demanda á Xunta potenciar a creación de contidos de formación en lingua galega que faciliten o seu estudo e coñecemento para persoas de toda a xeografía galega e a todas aquelas persoas interesadas non residentes en Galicia.
Santiago, 27 de setembro de 2018.- O Parlamento de Galicia aprobou hoxe, a instancias do Grupo Popular, unha proposición non de lei a través da que se demanda ao Concello de A Coruña que realice canto antes as adaptacións urbanísticas necesarias da súa competencia para o desenvolvemento da futura estación intermodal, así como que remita á maior brevidade a proposta de convenio marco específico entre Xunta, Concello e Adif que estableza o reparto de responsabilidades de cada unha das partes neste proxecto.
Santiago, 27 de setembro de 2018.- A viceportavoz do Grupo Popular, Paula Prado, manifestou hoxe no Parlamento que “os representantes das Mareas de Podemos e do PSOE no goberno municipal de Teo teñen nas súas mans a posibilidade de impedir definitivamente a instalación de calquera planta de residuos neste concello aprobando o plan xeral de ordenación municipal”, e lamentou que “desde que o alcalde e a concelleira de Urbanismo anunciaron a súa revisión en febreiro de 2016, levamos tres anos perdidos porque non fixeron nada”.
Santiago, 26 de setembro de 2018.- O Parlamento de Galicia aprobou hoxe, coa abstención de PSOE e En Marea, unha proposición non de lei a través da que se demanda ao Goberno central que as futuras obras que se realicen na AP-9 non repercutan nunha suba de peaxes, así como que se manteñan todos os compromisos xa acadados con anterioridade entre a Xunta e o anterior Goberno do Estado no marco da Comisión Mixta de seguimento da xestión da autoestrada.

Síguenos nas redes sociais