Santiago, 30 de outubro de 2018.- A Comisión de Investigación sobre a sanidade pública galega aprobou hoxe o seu plan de traballo, no que se inclúen 26 comparecencias e a solicitude de 21 documentos. O portavoz de Sanidade do Grupo Popular, Aurelio Núñez, criticou que os grupos da oposición rexeitaran a negociación do plan de traballo, privando deste xeito que a comisión contara coa participación de 20 comparecentes propostos nos seus plans de traballo e que desde o PPdeG ofrecemos incorporar”.
Santiago, 31 de outubro de 2018.- A Comisión de Investigación sobre o accidente do Festival do Marisquiño en Vigo aprobou hoxe, sen votos en contra, o seu plan de traballo, que incorpora un total de 32 comparecencias, das que 26 figuraban nas propostas da oposición; e 28 solicitudes de documentación, das que 17 estaban nos plans de traballo da oposición.
Santiago, 30 de outubro de 2018.- O Parlamento de Galicia aprobou hoxe, logo dunha transacción entre o Grupo Popular e o Grupo Socialista, unha proposición non de lei a través da que se insta á Xunta a que, antes de que remate o presente ano 2018, asine un convenio coa Deputación de Pontevedra e os concellos de Portas, Caldas de Reis e Vilagarcía de Arousa no que se recollan os compromisos de todas as partes e un calendario de execución para a creación da primeira vía verde ferroviaria, que discorrerá entre Vilagarcía e Portas.
Santiago, 30 de outubro de 2018.- O deputado do Grupo Popular Jacobo Moreira demandou hoxe no Parlamento que a Xunta licite e execute as obras do novo emisario submarino e a mellora da actual estación depuradora de Praceres, ao tempo que require aos concellos de Pontevedra, Marín e Poio o arranxo das deficiencias existentes nas súas redes de sumidoiros que repercuten negativamente na eficiencia da depuradora de Praceres ao producirse infiltracións de auga de mar.
Santiago, 30 de outubro de 2018.- O Parlamento de Galicia aprobou hoxe a proposición non de lei do Grupo Popular a través da que se solicita ás deputacións provinciais de A Coruña e Pontevedra que acometan as actuacións necesarias para garantir o bo estado da ponte de Catoira.
Santiago, 30 de outubro de 2018.- O Grupo Popular defenderá no Pleno da vindeira semana que o Goberno central concrete o prazo e fórmula elixidos para a supresión da peaxe de Redondela na AP-9 e se designe definitivamente ao Instituto Tecnolóxico para o control do medio mariño en Galicia (Intecmar) como laboratorio nacional de referencia para biotoxinas e control e clasificación das zonas de produción de bivalvos.
28, outubro, 2018. O presidente dos populares galegos, Alberto Núñez Feijóo, dixo que o PPdeG é o único partido que ten un proxecto para Lugo e que mostra diso son os orzamentos do Goberno autonómico para esta provincia: “Nunca houbo tanto orzamento en Lugo como agora”. “A Xunta –engadiu- investirá máis de 4.000 euros por cada lucense, moito máis do que se destinaba a esta provincia no 2009”.
27, outubro, 2018.O presidente do PPdeG, Alberto Núñez Feijóo,asegurou que os populares queren un proxecto de cidade para servir aos veciños de Pontevedra e non para defender a causa nacionalista, como fai o BNG cos votos dos cidadáns. “Nós empregamos a confianza dos pontevedreses para facer máis Pontevedra, para facer máis Galicia e para facer máis España”, engadiu durante a presentación do candidato Rafa Domínguez.
Santiago, 29 de outubro de 2018.- O portavoz do Grupo Popular, Pedro Puy, amosou hoxe a disposición do PPdeG para, unha vez analizados polo miúdo os plans de traballo presentados polos grupos da oposición das comisións de investigación sobre a sanidade pública e o accidente do Marisquiño en Vigo, “conseguir que haxa un acordo para que estean os comparecentes e a documentación que poidan contribuír mellor á finalidade para a que foron constituídas ambas comisións”.

Síguenos nas redes sociais