Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

Santiago, 6 de febreiro de 2019.- A portavoz de Asuntos Sociais do Grupo Popular, Marta Rodríguez Arias, asegurou hoxe que a residencia de maiores de Trives “é obxecto dun rigoroso control por parte da inspección de Servizos Sociais da Xunta de Galicia”. En concreto, apuntou que, “como consecuencia da última inspección realizada no pasado mes de xaneiro, o persoal inspector realizou unha proposta de expediente sancionador por incumprir a ratio de persoal de atención directa aos usuarios, ademais de propoñer unha nova inspección de seguimento no prazo de tres meses”.
02, febreiro, 2019. O presidente dos populares galegos, Alberto Núñez Feijóo, reivindicou o PPdeG como o partido que máis se parece a Galicia, fronte ás demais formacións que demostran que Galicia non lles importa nada.
1, febreiro, 2019.  O secretario xeral dos populares galegos, Miguel Tellado, avanzou que o PPdeG reunirá a preto de 2.000 afiliados e simpatizantes na presentación da práctica totalidade dos seus candidatos ás vindeiras Eleccións Municipais de maio.
Santiago, 30 de xaneiro de 2019.- O Parlamento Galego aprobou este mércores unha iniciativa do Grupo Popular na que se suma á Xunta na demanda ante o Goberno Central dun marco enerxético estable para a industria electrointensiva galega.
Santiago, 30 de xaneiro de 2019.- O Parlamento de Galicia aprobou hoxe unha proposición non de lei a través da que se insta á Xunta de Galicia para que se dirixa ás administracións competentes para que fagan pública toda a documentación pertinente, así como os informes en virtude dos cales se deu a autorización para a celebración do festival do Marisquiño en Vigo o pasado día 12 de agosto en Vigo, a fin de que se garanta a transparencia das actuacións das administracións dentro das súas respectivas competencias e favorecer o esclarecemento do ocorrido neste terrible accidente.
Santiago, 30 de xaneiro de 2019.- O deputado do Grupo Popular Alberto Pazos defendeu hoxe no Parlamento que “Mos ten dereito a crecer e foi capaz de ofrecerlle ao Celta o que en Vigo se lle negaba reiteradamente”, en relación ao proxecto de cidade deportiva prevista neste concello pontevedrés. Deste xeito, sinalou que “se os grupos da oposición tiveran un mínimo de sentido ético da actividade política non estarían alarmando, manipulando e enganando aos veciños de Mos”.
Santiago, 30 de xaneiro de 2019.- A portavoz de Emigración do Grupo Popular, Raquel Arias, defendeu hoxe no Parlamento que a Xunta “continúe respaldando aos socios do Centro Galego de Bos Aires para acadar a mellor solución aos problemas que están a sufrir a entidade, intensificando o contacto coas autoridades arxentinas competencias en materia sanitaria, social ou cultural, asegurando a asistencia sanitaria aos socios; e ofrecendo toda a colaboración para garantir a protección do patrimonio cultural, artístico e bibliográfico desta entidade, incluída a habitación de Castelao.
Santiago, 30 de xaneiro de 2019.-  A deputada do Grupo Popular Encarna Amigo defendeu hoxe no Parlamento que a Xunta continúe e axilice o proceso de negociación cos traballadores do servizo de urxencias do Hospital de Santiago de xeito que permita chegar a un pronto acordo e poñer fin á folga neste servizo.
A portavoz de Enerxía do Grupo Popular, Marta Nóvoa, subliñou hoxe o traballo de asesoramento e información que desenvolve a Xunta de Galicia sobre as tarifas eléctricas existentes, polo que avogou por “darlle contido ás entidades que temos creadas e non en xerar máis administración e burocracia” como pretende En Marea.

Síguenos nas redes sociais