Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

5, abril, 2019. O presidente do PPdeG, Alberto Núñez Feijóo, dixo que a división do voto xera máis incertezas e apela á unión no Partido Popular, o único valor seguro para España.
5, abril, 2019.O secretario xeral do PPdeG, Miguel Tellado, asegurou que o seu partido pretende gañarlle ás enquisas e ao PSOE porque é o que precisan tanto España como Galicia. “Estamos en condicións de facelo e imos poñer toda a nosa maquinaria en funcionamento ao máis alto rendemento para gañar as eleccións xerais, as municipais e as europeas”, engadiu.
4, abril, 2019. O presidente do PPdeG, Alberto Núñez Feijóo, dixo que o próximo 28 de abril está en xogo ter un goberno de España útil para Galicia que cumpra, que respecte aos galegos e que nunca se dea por satisfeito ata cumprir cos seus compromisos. Así, apuntou que, despois dos moitos esforzos dos últimos anos e de que o país saíra adiante, non se lle pode entregar o país a Pedro Sánchez e aos seus socios: “O que falta para fundir España é ter a Pedro Sánchez como presidente e a Pablo Iglesias como vicepresidente”.
Santiago, 2 de abril de 2019.- O Grupo Popular defenderá no Pleno da vindeira semana unha proposición non de lei a través da que se expresa o rexeitamento do Parlamento galego ao cambio de criterio da Avogacía do Estado, logo de allanarse dos recursos interpostos contra o acordo do Goberno do Estado respecto da prórroga concedida á empresa Ence en Pontevedra. Así mesmo, o Grupo Popular demandará que o Ministerio de Fomento remita á maior brevidade a Galicia, Asturias e Castela e León o Plan Director para o Corredor do Atlántico, de xeito que poida ser avaliado por estas comunidades autónomas.
Santiago, 1 de abril de 2019.- A viceportavoz do Grupo Popular, Paula Prado, afirmou hoxe que “Galicia ten unhas necesidades e é o Goberno galego o que ten que decidir onde investir os cartos do superávit de 2018”. “Pedro Sánchez non pode dicir onde ten que investir Galicia, máxime cando non coñece as necesidades desta comunidade porque foi a única que non visitou como Presidente do Goberno “, apuntou.
Santiago, 29 de marzo de 2019.- O Grupo Popular apoiou hoxe no Parlamento a aprobación dunha proposición non de lei a través da que se solicita que desde o Goberno do Estado ou desde o Congreso se introduza na normativa básica estatal a definición e delimitación de vivenda baleira, de xeito que se posibilite a aplicación polos concellos dos recargos que prevé a Lei reguladora de facendas locais.
Santiago, 29 de marzo de 2019.- O Parlamento de Galicia aprobou hoxe, co único voto favorable do Grupo Popular, unha proposición non de lei a través da que se demanda ao Ministerio de Fomento axilidade na execución das obras pendentes da autovía A-54 entre Santiago e Lugo, co obxectivo de que o treito Lavacolla-Arzúa poida estar finalizado no primeiro semestre de 2019 e que os tramos Arzúa-Melide e Melide-Palas de Rei se rematen no ano 2020.
Santiago, 29 de marzo de 2019.- A Comisión 2ª do Parlamento galego aprobou esta mañá o ditame do proxecto de Lei de rehabilitación e de rexeneración e renovación urbanas de Galicia, trámite previo á súa aprobación definitiva en sesión plenaria.
29, marzo, 2019. O presidente do PPdeG, Alberto Núñez Feijóo, advertiu de que os votos sen escano pola división nas urnas só favorecen a Pedro Sánchez e aos seus socios: “A maioría que preferimos un goberno presidido polo Partido Popular que por Pedro Sánchez con Podemos e cos independentistas non podemos permitirnos votos sen escano”. Así, avogou por non dispersar os esforzos e en unir o voto no PP: “O que queira un Goberno do PP que vote ao PP; o que queira un Goberno de Pedro Sánchez que vote a calquera”.

Síguenos nas redes sociais