ETHEL VÁZQUEZ MOURELLE

Naceu en Santiago de Compostela en 1972. É enxeñeira técnica superior de Camiños, Canles e Portos pola Universidade da Coruña.

Tras terminar os estudos superiores, en 1996 comezou a súa traxectoria profesional na empresa privada, ata que en 2003 incorpórase ao organismo autónomo Augas de Galicia.

Ethel Vázquez asume a presidencia de Augas de Galicia e da Empresa Pública de Obras e Servizos Hidráulicos (EPOSH) da Xunta de Galicia en abril de 2009, cargo, que exerceu ata ser nomeada directora xeral de Infraestruturas en setembro de 2010. En abril de 2011 asume a presidencia da Sociedade Pública de Investimentos de Galicia.

En xaneiro de 2012 foi nomeada Directora da Axencia Galega de Infraestruturas.

Desde 2014 a 2015 foi conselleira de Medio Ambiente, Territorio e Infraestruturas.

Desde outubro de 2015 ata setembro de 2018 foi conselleira de Infraestruturas e Vivenda.

Desde setembro de 2018 é conselleira de Infraestruturas e Mobilidade.