- (+34) 981 552 480
- Av. de Fernando de Casas Novoa, Edificio CNL Portal A - Bajo - 15707 Santiago de Compostela
- info@ppdegalicia.com
Setembro 2023 (32)
26
Set
O Parlamento reitera a solicitude ao Goberno de España para que aprobe un marco de subministro eléctrico competitivo, estable e predicible
O Parlamento de Galicia aprobou hoxe a proposición non de lei do Grupo Popular, co voto en contra do PSdeG, a través da que se pide ao Goberno de España que aprobe, con carácter inmediato, un marco de subministración eléctrica competitiva, estable e predicible para a gran industria consumidora de enerxía.
26
Set
O Parlamento galego pide que o itinerario noroeste do Corredor Atlántico se inclúa no órgano xestor da rede ferroviaria europea de mercadorías
O Parlamento de Galicia aprobou hoxe por unanimidade a proposición non de lei transaccionada entre o Grupo Popular e o BNG a través da que se solicita ao Goberno de España e ás autoridades europeas que adopten as medidas oportunas diante das autoridades europeas co obxecto de que o itinerario noroeste do Corredor Atlántico, no que figura expresamente Galicia, non sexa excluído do mapa deseñado para a posta en marcha do órgano xestor da futura rede ferroviaria europea de mercadorías.
26
Set
O Grupo Popular propón a BNG e PSdeG a creación dunha Comisión de estudo sobre a posible modificación do himno de Galicia
O portavoz do Grupo Popular, Alberto Pazos, ofreceu hoxe a BNG e PSdeG a creación no Parlamento de Galicia dunha Comisión non permanente especial de Estudo sobre a posible modificación do himno de Galicia. “A pesar de que polo número de deputados poderíamos constituíla nós de xeito individualmente, consideramos que unha cuestión desta importancia para todos os galegos debe partir da unanimidade de todos os grupos que forman parte deste Parlamento”, manifestou.
26
Set
O Grupo Popular critica a “manipulación e a mentira feita sigla” de BNG e PSdeG cando falan de orzamentos en materia sanitaria
O portavoz do Grupo Popular, Alberto Pazos, criticou hoxe no Parlamento de Galicia a “manipulación e a mentira feita sigla” de BNG e PSdeG cando falan de orzamentos en materia sanitaria. Neste sentido, cuestiounou “como é posible que acusen de recortar en persoal a quen dedica 134 millóns de euros máis cada ano a contratar persoal? Ou como é posible que acusen de conivencia coa industria farmacéutica a quen reduciu en 54 millóns de euros ao ano o gasto farmacéutico”.
26
Set
O Grupo Popular defende o traballo dos servizos de inspección da Xunta, comprometidos na mellora dos centros de maiores e discapacidade
A viceportavoz do Grupo Popular, Raquel Arias, defendeu hoxe o traballo dos servizos de inspección da Xunta, “comprometidos na mellora do funcionamento dos centros de maiores e discapacidade”. “Un equipo de inspectores que revisa e avalía a situación dos centros, indica como mellorar e, cando é necesario, impón sancións”, asegurou.
22
Set
O Parlamento galego pide que a Xunta incremente nos orzamentos de 2024 a partida para o Plan de pastos de Galicia e as achegas destinadas ás agrupacións de defensa sanitaria gandeiras
O Parlamento de Galicia aprobou hoxe a proposición non de lei do Grupo Popular a través da que se solicita á Xunta que incremente nos orzamentos de 2024 a partida económica destinada ao Plan de Pastos de Galicia, co fin de continuar coa súa extensión; e as achegas destinadas ao funcionamento e traballo das agrupacións de defensa sanitaria gandeiras (ADGS).
22
Set
O PPdeG reivindica aos seus 27 deputados e senadores como a mellor garantía de que a voz de Galicia se vai oír e ter en conta nas Cortes Xerais
O PPdeG reivindicou hoxe aos seus 27 deputados e senadores como a mellor garantía de que a voz de Galicia se vai oír e ter en conta nas Cortes Xerais e, neste sentido, desde a formación amósanse convencidos de que estes homes e mulleres devolverán con creces a confianza que a maioría dos galegos depositaron neles.
21
Set
O Parlamento galego pide á Xunta que manteña a tramitación garantista e respectuosa co medio ambiente dos proxectos mineiros
21 de setembro de 2023. O Parlamento de Galicia aprobou hoxe a proposición non de lei do Grupo Popular a través da que se insta á Xunta a manter unha tramitación garantista e respectuosa co medio ambiente dos proxectos mineiros na Comunidade galega, de xeito que todas as iniciativas, especialmente as relativas a materias primas fundamentais ou minerais críticos segundo os plans e programas europeos, cumpran cos requisitos exixidos tanto na normativa estatal como na autonómica.
21
Set
O Parlamento de Galicia pide á Xunta rematar este ano a dixitalización de todas as salas de vistas dos xulgados galegos
O Parlamento de Galicia aprobou hoxe por unanimidade a proposición non de lei do Grupo Popular a través da que se insta á Xunta a rematar a dixitalización de todas as salas de vistas dos xulgados galegos no presente ano 2023.
20
Set
O Parlamento galego pide ao Goberno central e Adif que estableza datas concretas e certeiras para a construción da parte ferroviaria da estación intermodal de Ourense
20 de setembro de 2023. O Parlamento de Galicia aprobou hoxe por unanimidade a proposición non de lei do Grupo Popular a través da que se pide ao Goberno de España e a Adif que estableza datas concretas e certeiras respecto á construción da parte ferroviaria da estación intermodal de Ourense e que cumpra co convenio asinado co Concello e coa Xunta de Galicia no que se comprometía a remodelar a estación de tren, a favorecer a integración do ferrocarril na cidade e garantir a permeabilidade dos diferentes medios de transporte de viaxeiros.
More...
20
Set
Paula Prado sobre o bono deportivo de 120€ anunciado por Rueda: “Unha vez máis, as familias terán ao seu carón ao Goberno galego para afrontar gastos que son imprescindibles neste curso”
A secretaria xeral do PPdeG, Paula Prado, puxo hoxe en valor a “novidosa” medida anunciada esta semana polo presidente Alfonso Rueda de implantar un bono de 120 euros para rapaces e rapazas federados de entre 6 e 16 anos. Unha achega que chegará a máis de 130.000 fogares e que “vai axudar ás familias a que os máis pequenos da casa se mentalicen en levar a cabo unha vida saudable e tamén incentivará as compras no comercio galego”.
19
Set
O Parlamento galego solicita continuar impulsando iniciativas para incentivar o consumo de produtos do mar
19 de setembro de 2023. O Parlamento de Galicia aprobou hoxe por unanimidade a proposición non de lei do Grupo Popular a través da que insta á Xunta a continuar impulsando iniciativas dirixidas a incentivar o consumo de produtos do mar, ben a través de campañas de promoción dirixidas a todos os segmentos da poboación ou con axudas á cadea mar-industria, nomeadamente un PERTE específico para facilitar a adaptación dos produtos ás demandas da cidadanía e ás novas necesidades do mercado.
19
Set
O Grupo Popular demandará no Pleno a inclusión do itinerario noroeste do Corredor Atlántico no órgano xestor da rede europea de mercadorías
19 de setembro de 2023. O Grupo Popular demandará no Pleno do Parlamento galego da vindeira semana que o Goberno de España adopte as medidas oportunas ante as autoridades europeas para que o itinerario noroeste do Corredor Atlántico non sexa excluído do órgano xestor da futura rede europea de mercadorías. Así mesmo, insistirá ao Goberno central para que aprobe, con carácter inmediato, un marco de subministración eléctrica competitiva, estable e predicible para a gran industria consumidora de enerxía.
19
Set
O PPdeG pedirá de novo no Parlamento de Galicia explicacións e dimisións pola Lei do ‘só si é si’
A secretaria xeral do PPdeG, Paula Prado, anunciou hoxe que a súa formación presentará unha nova iniciativa no Parlamento de Galicia para pedir explicacións e dimisións pola “nefasta e desastrosa” Lei do ‘só si é si’, aprobada polo Goberno central do PSOE e Podemos, que cualificou como “o maior retroceso nos dereitos das mulleres en toda a historia da democracia española”.
