{"id":52479,"date":"2019-01-11T12:29:14","date_gmt":"2019-01-11T10:29:14","guid":{"rendered":"https:\/\/ppdegalicia.com\/tellado-as-liortas-internas-das-mareas-de-podemos-vanlle-custar-cartos-a-todos-os-galegos\/"},"modified":"2019-01-11T12:29:14","modified_gmt":"2019-01-11T10:29:14","slug":"tellado-as-liortas-internas-das-mareas-de-podemos-vanlle-custar-cartos-a-todos-os-galegos","status":"publish","type":"post","link":"https:\/\/ppdegalicia.com\/es\/tellado-as-liortas-internas-das-mareas-de-podemos-vanlle-custar-cartos-a-todos-os-galegos\/","title":{"rendered":"Tellado: \u201cAs liortas internas das Mareas de Podemos vanlle custar cartos a todos os galegos\u201d"},"content":{"rendered":"

11, xaneiro, 2019. <\/span> O secretario xeral do PPdeG, Miguel Tellado, asegurou que os populares est\u00e1n convencidos de que haber\u00e1 Grupo Mixto na C\u00e1mara galega, \u201cpero hai que ver quen son os que o conforman: se Podemos, se os de Villares ou os de Anova\u201d. \u201cAs liortas internas das Mareas de Podemos vanlle custar cartos a todos os galegos, porque a mera constituci\u00f3n do Grupo sup\u00f3n un importante gasto extra para as arcas do Parlamento\u201d, engadiu.<\/p>\n

<\/p>\n

 <\/p>\n

As\u00ed mesmo, indicou que moitos galegos que votaron no seu d\u00eda \u00e1s Mareas de Podemos, tanto nos Concellos como nas auton\u00f3micas, hoxe deben sentirse moi decepcionados co que ven, comprobando que lle est\u00e1n pagando o soldo a uns representantes p\u00fablicos que non fan nin unha soa proposta para mellorar Galicia, sen\u00f3n para que se dediquen a conspirar uns contra outros.<\/p>\n

 <\/p>\n

Nese senso, recordou que, no 2012, o Bloque rachou despois dunhas elecci\u00f3ns internas nas que perderon os aliados de Beiras e a xente que hoxe est\u00e1 en Anova; e, m\u00e1is tarde, en 2014, AGE rompeu por personalismos e polas liortas internas. \u201cEn 2019, vemos como a historia est\u00e1 condenada a repetirse e a inc\u00f3gnita xa non \u00e9 se as Mareas de Podemos van romper, sen\u00f3n cando e por onde o van facer\u201d, subli\u00f1ou.<\/p>\n

 <\/p>\n

SOLUCIONAR OS PROBLEMAS DOS CIDAD\u00c1NS<\/strong><\/p>\n

Como reco\u00f1eceu, nunha situaci\u00f3n moi distinta \u00e1 da oposici\u00f3n at\u00f3panse os populares galegos, que ma\u00f1\u00e1 celebrar\u00e1n en Santiago un encontro cos seus candidatos nas sete cidades, que \u201cdemostrar\u00e1n que son os mellores representantes deste proxecto com\u00fan, centrado e rigoroso que \u00e9 o PPdeG, un partido preocupado polo emprego e o crecemento econ\u00f3mico, pola xesti\u00f3n eficiente dos recursos, pola calidade dos servizos p\u00fablicos, e que entende que a pol\u00edtica ten a s\u00faa raz\u00f3n de ser en solucionar os problemas dos cidad\u00e1ns, non en ocupar o tempo nos problemas internos de cada formaci\u00f3n\u201d.<\/p>\n

 <\/p>\n

\u201cQuen se achegue ma\u00f1\u00e1 ao encontro poder\u00e1 ver sete candidatos e unha \u00fanica marca, a do PPdeG, reco\u00f1ecible, coas s\u00faas virtudes e os seus defectos, pero aos que s\u00f3 lles preocupa traballar polas s\u00faas cidades\u201d, insistiu o secretario xeral ao tempo que aseveraba que, \u201cse as Mareas de Podemos fosen capaces de organizar un evento coma este, poderiamos ver ata 14 candidatos, con 14 marcas diferentes, con persoas que non son capaces de sentarse \u00e1 mesma mesa, insult\u00e1ndose entre eles; e ningu\u00e9n saber\u00eda dicir que \u00e9 exactamente o que propo\u00f1en para as s\u00faas cidades\u201d.<\/p>\n

 <\/strong><\/p>\n

A PASIVIDADE DO GOBERNO CON ALCOA<\/strong><\/p>\n

Por outra banda, Tellado lamentou a situaci\u00f3n de incerteza que vive Alcoa, xa que nin o Goberno de Espa\u00f1a foi capaz de desenvolver un estatuto do consumidor electrointensivo que xere certeza sobre o prezo da electricidade, o que permitir\u00eda \u00e1 industria ser competitiva; nin a compa\u00f1\u00eda retirou o ERE, sen\u00f3n que parece disposta a concretalo e facelo efectivo.<\/p>\n

 <\/p>\n

\u201cNon queremos o peche de Alcoa, e moito menos que detr\u00e1s de Alcoa poida haber m\u00e1is casos de peche de empresas galegas a causa da pasividade do Goberno de S\u00e1nchez\u201d, sinalando que a inacci\u00f3n do Goberno nacional e a falta dun marco el\u00e9ctrico estable tam\u00e9n afecta a outras industrias como Ferroatl\u00e1ntica e se pode estender ao resto da industria electrointensiva de Galicia e aos 5.000 empregos asociados.<\/p>\n

 <\/p>\n

Ademais, contrapuxo a actitude do Executivo central coa do auton\u00f3mico, que mantivo o seu compromiso de velar pola unidade de acci\u00f3n, continuando ao lado dos traballadores para defender a continuidade da actividade industrial e os postos de traballo. Igualmente, manifestou que Galicia foi a primeira en po\u00f1er sobre a mesa propostas consensuadas con esta industria que xa foron remitidas ao Goberno -definir a figura do consumidor electrointensivo, deducir nun 90% os peaxes de acceso na parte relativa ao custo do transporte e establecer mecanismos de compensaci\u00f3n por emisi\u00f3n de CO2 de car\u00e1cter trimestral- e que a curto prazo deber\u00edan aplicarse con car\u00e1cter retroactivo desde o pasado 1 de xaneiro.<\/p>\n