{"id":52692,"date":"2018-04-06T11:53:33","date_gmt":"2018-04-06T09:53:33","guid":{"rendered":"https:\/\/ppdegalicia.com\/tellado-indica-que-en-marea-activou-o-seu-propio-cronometro-que-desembocara-na-marcha-de-villares-ou-na-de-quinteiro\/"},"modified":"2018-04-06T11:53:33","modified_gmt":"2018-04-06T09:53:33","slug":"tellado-indica-que-en-marea-activou-o-seu-propio-cronometro-que-desembocara-na-marcha-de-villares-ou-na-de-quinteiro","status":"publish","type":"post","link":"https:\/\/ppdegalicia.com\/es\/tellado-indica-que-en-marea-activou-o-seu-propio-cronometro-que-desembocara-na-marcha-de-villares-ou-na-de-quinteiro\/","title":{"rendered":"Tellado indica que En Marea activou o seu propio cron\u00f3metro que desembocar\u00e1 na marcha de Villares ou na de Quinteiro"},"content":{"rendered":"

Santiago, 6 de abril de 2018<\/strong>.- O secretario xeral dos populares galegos, Miguel Tellado, avanzou que este fin de semana ser\u00e1 o da primeira baixa no grupo das Mareas de Podemos: \u201cou marcha Paula Quinteiro ou marcha Luis Villares\u201d. As\u00ed, o ultimatum lanzado polo portavoz parlamentario de En Marea, no que entend\u00eda que esta semana deber\u00eda quedar resolta a crise provocada pola participaci\u00f3n de Quinteiro nun altercado coa Polic\u00eda de Santiago, fai incompatible a s\u00faa convivencia coa deputada da s\u00faa formaci\u00f3n.<\/p>\n

<\/p>\n

 <\/p>\n

Como reco\u00f1eceu Tellado, o portavoz parlamentario de En Marea activou un cron\u00f3metro cunha conta atr\u00e1s que finaliza este domingo, \u201cxa sexa pola sa\u00edda ao grupo mixto de Paula Quinteiro, e quen sabe con ela se dalg\u00fan dos seus compa\u00f1eiros de Podemos; ou pola dimisi\u00f3n de Luis Villares, que supo\u00f1emos que en alg\u00fan sitio ter\u00e1 o l\u00edmite da humillaci\u00f3n p\u00fablica que \u00e9 capaz de tolerar dos seus propios compa\u00f1eiros\u201d. Deste xeito, o tic-tac de Pablo Iglesias apl\u00edcase tanto \u00e1 deputada como ao voceiro da, ata agora, primeira forza da oposici\u00f3n.<\/p>\n

 <\/p>\n

Para o secretario xeral, o que queda claro das \u00faltimas semanas \u00e9 que tralas petici\u00f3ns de dimisi\u00f3n cruzadas que se est\u00e1n facendo no seo das Mareas de Podemos e a posta en co\u00f1ecemento dos xulgados do altercado e o diverso material audiovisual xa co\u00f1ecido ou por co\u00f1ecer relativo a aquela xornada, \u201ctemos a sensaci\u00f3n de que Villares estar\u00eda encantado de que hoxe n\u00f3s ped\u00edsemos a dimisi\u00f3n de Paula Quinteiro, iIgual que temos a sensaci\u00f3n de que Marti\u00f1o Noriega e outros 12 deputados das Mareas estar\u00edan encantados de que ped\u00edsemos a dimisi\u00f3n de Villares\u201d.<\/p>\n

 <\/p>\n

Malia isto, Tellado manifestou que son as Mareas as que deben decidir de que xeito queren deixar de liderar a oposici\u00f3n en Galicia e de que xeito depuran as responsabilidades dun episodio que lles afectou non s\u00f3 a eles, sen\u00f3n a todo o Parlamento de Galicia como instituci\u00f3n.<\/p>\n

 <\/strong><\/p>\n

\u201cCONTIGO CRECE ESPA\u00d1A\u201d<\/strong><\/p>\n

Sobre a celebraci\u00f3n en Sevilla da Convenci\u00f3n Nacional do Partido Popular, que leva o nome de \u201cContigo crece Espa\u00f1a\u201d, afirmou que o evento \u201cservir\u00e1 para darlle un novo impulso ao partido de cara aos meses cruciais que temos por diante coas elecci\u00f3ns municipais do vindeiro ano\u201d.<\/p>\n

 <\/p>\n

Ademais, salientou a ampla delegaci\u00f3n galega que acudir\u00e1, tanto entre os asistentes convidados como entre os po\u00f1entes, entre os que destacan Alberto N\u00fa\u00f1ez Feij\u00f3o, Edelmira Barreira, Antonio Rodr\u00edguez Miranda, Adri\u00e1n Pardo, Diego Gago, as\u00ed como Mariano Rajoy e Ana Pastor. Nese senso, Tellado admitiu que \u201cGalicia farase escoitar neste evento en temas tan importantes como o seu modelo de xesti\u00f3n auton\u00f3mica e a nosa visi\u00f3n sobre o novo modelo de financiamento, a natalidade e a conciliaci\u00f3n, a emigraci\u00f3n e o trato aos residentes no exterior ou as pol\u00edticas de Xuventude\u201d.<\/p>\n

 <\/p>\n

MOCI\u00d3N DE CENSURA EN SOBRADO<\/strong><\/p>\n

Durante a s\u00faa comparecencia en rolda de prensa, o n\u00famero dous do PPdeG tam\u00e9n se referiu \u00e1 moci\u00f3n de censura que se est\u00e1 a xestar no Concello de Sobrado dos Monxes, na que o Partido Socialista volver\u00e1 \u00e1 Alcald\u00eda tras un escuro Pacto cun tr\u00e1nsfuga que formaba parte da candidatura do Partido Popular.<\/p>\n

 <\/p>\n

\u201cDesde o Partido Popular de Galicia desautorizamos por completo esta manobra, e emprazamos a Gonzalo Caballero e a Valent\u00edn Formoso a que fagan o propio\u201d, apuntou engadindo que \u201cse a rexeneraci\u00f3n democr\u00e1tica que promulgaba o novo secretario xeral dos socialistas galegos \u00e9 a de gobernar grazas \u00e1 acci\u00f3n dun tr\u00e1nsfuga das nosas listas, poucas lecci\u00f3ns vai poder dar de aqu\u00ed en diante de cara a futuros pactos de goberno\u201d.<\/p>\n