{"id":52897,"date":"2018-08-03T11:35:10","date_gmt":"2018-08-03T09:35:10","guid":{"rendered":"https:\/\/ppdegalicia.com\/tellado-nin-toda-a-cocina-do-cis-vai-ser-suficiente-para-branquear-un-dos-maiores-recortes-da-historia-da-autonomia\/"},"modified":"2018-08-03T11:35:10","modified_gmt":"2018-08-03T09:35:10","slug":"tellado-nin-toda-a-cocina-do-cis-vai-ser-suficiente-para-branquear-un-dos-maiores-recortes-da-historia-da-autonomia","status":"publish","type":"post","link":"https:\/\/ppdegalicia.com\/es\/tellado-nin-toda-a-cocina-do-cis-vai-ser-suficiente-para-branquear-un-dos-maiores-recortes-da-historia-da-autonomia\/","title":{"rendered":"Tellado: \u201cNin toda a coci\u00f1a do CIS vai ser suficiente para branquear un dos maiores recortes da historia da autonom\u00eda\u201d"},"content":{"rendered":"

3, agosto, 2018.<\/span>O secretario xeral do PPdeG, Miguel Tellado, asegurou que \u201cnin toda a coci\u00f1a do CIS vai ser suficiente para branquear un dos maiores recortes da historia da autonom\u00eda nin a un goberno disposto a humillar a Galicia d\u00eda si e d\u00eda tam\u00e9n\u201d, logo de co\u00f1ecerse que o Executivo de Pedro S\u00e1nchez pretende que a nosa Comunidade conte para os Orzamentos do vindeiro ano con 200 mill\u00f3ns menos que o ano pasado procedentes do sistema de financiamento auton\u00f3mico e as liquidaci\u00f3ns do IVE.<\/p>\n

<\/p>\n

 <\/p>\n

\u201cDesde o PPdeG s\u00f3 podemos dicir que esta decisi\u00f3n do Goberno socialista \u00e9 absolutamente inaceptable, absolutamente inexplicable, e absolutamente indecente en termos pol\u00edticos\u201d, manifestou engadindo que Galicia leva, desde que comezou a crise econ\u00f3mica, \u201cxestionando as s\u00faas contas con rigor, seriedade, e de acordo coas esixencias do Goberno central\u201d polo que non hai ningunha raz\u00f3n l\u00f3xica para esta decisi\u00f3n pol\u00edtica nun contexto de recuperaci\u00f3n econ\u00f3mica e de crecemento dos orzamentos.<\/p>\n

 <\/p>\n

Como reco\u00f1eceu, os mesmos que criticaron durante anos ao PP por ser serios e recortar o gasto en \u00e9pocas de crise, hoxe son os que sacan a tesoira para recortar en tempos de crecemento econ\u00f3mico, \u201cdemostrando as\u00ed unha vez m\u00e1is que as pol\u00edticas socialistas son totalmente incompatibles coa l\u00f3xica econ\u00f3mica\u201d. \u201cNin nos peores momentos de axuste nos gobernos de Zapatero ou Rajoy se propuxo un recorte a Galicia destas dimensi\u00f3ns, dixo.<\/p>\n

 <\/p>\n

Logo de subli\u00f1ar que \u201cos galegos non est\u00e1n dispostos a pagar a factura da letra pequena dos pactos do se\u00f1or S\u00e1nchez\u201d, apuntou que desde o PPdeG, s\u00f3 se lles ocorren d\u00faas explicaci\u00f3ns posibles a este \u201crecortazo\u201d de S\u00e1nchez e que non son incompatibles entre si: que os socialistas queren castigar a Galicia, como xa amagaron facer co AVE e como xa fixeron tantas veces na nosa historia, por ser un territorio no que electoralmente non lles vai ben; e porque \u201cPedro S\u00e1nchez necesita moitos recursos para pagar os favores que lle fixeron os seus socios de moci\u00f3n de censura: Podemos, os independentistas catal\u00e1ns e os herdeiros de Batasuna\u201d.<\/strong><\/p>\n

 <\/p>\n

Ademais, Tellado tam\u00e9n lamentou a posici\u00f3n do Delegado do Goberno nesta cuesti\u00f3n, xa que cando Javier Losada tivo que escoller entre os intereses de Galicia ou os intereses do PSOE, escolleu po\u00f1erse de parte do Partido Socialista.<\/p>\n

 <\/p>\n

REUNI\u00d3N ENTRE PABLO CASADO E PEDRO S\u00c1NCHEZ<\/strong><\/p>\n

Sobre a primeira reuni\u00f3n celebrada onte entre o novo l\u00edder nacional do PP, Pablo Casado, e o presidente do Goberno, Tellado destacou que \u201cmalia que hoxe en Espa\u00f1a vivamos na anomal\u00eda de ser gobernados por quen perdeu as elecci\u00f3ns, n\u00f3s debemos saudar o talante construtivo co que Casado acudiu a este encontro, e a s\u00faa vontade de facer un traballo de oposici\u00f3n firme pero responsable, que defende sempre os intereses do noso pa\u00eds, que \u00e9 o sinal de identidade do noso partido\u201d.<\/p>\n

 <\/p>\n

O secretario xeral lembrou que Casado levou unha axenda importante de pactos que lle ofreceu ao xefe do Executivo en materia de pol\u00edtica econ\u00f3mica,  de seguridade e loita contra o terrorismo, e de educaci\u00f3n; ademais de presentarlle a s\u00faa idea de proposici\u00f3n de Lei para que se reforme o noso sistema electoral de cara a que nas elecci\u00f3ns municipais se favoreza o goberno da lista m\u00e1is votada.<\/p>\n

 <\/p>\n

\u201cDesde Galicia hai anos que avogamos porque se dean pasos na direcci\u00f3n de favorecer ao goberno da lista m\u00e1is votada, porque entendemos que \u00e9 m\u00e1is xusto coa vontade dos veci\u00f1os; \u00e9 m\u00e1is axeitado para dar estabilidade \u00e1s instituci\u00f3ns; e non \u00e9 unha reforma partidista, porque non beneficia a priori a ningunha formaci\u00f3n, sen\u00f3n a todos aqueles que obte\u00f1an o respaldo da veci\u00f1anza\u201d, salientou mentres sinalaba que agardan que os demais partidos se sumen a esta proposta no tr\u00e1mite parlamentario.<\/p>\n