{"id":52946,"date":"2018-09-19T11:07:12","date_gmt":"2018-09-19T09:07:12","guid":{"rendered":"https:\/\/ppdegalicia.com\/tellado-di-que-as-irregularidades-administrativas-de-ferreiro-provocan-que-estea-cada-vez-mais-abocado-a-sua-propia-dimision\/"},"modified":"2018-09-19T11:07:12","modified_gmt":"2018-09-19T09:07:12","slug":"tellado-di-que-as-irregularidades-administrativas-de-ferreiro-provocan-que-estea-cada-vez-mais-abocado-a-sua-propia-dimision","status":"publish","type":"post","link":"https:\/\/ppdegalicia.com\/es\/tellado-di-que-as-irregularidades-administrativas-de-ferreiro-provocan-que-estea-cada-vez-mais-abocado-a-sua-propia-dimision\/","title":{"rendered":"Tellado di que as irregularidades administrativas de Ferreiro provocan que estea cada vez m\u00e1is abocado \u00e1 s\u00faa propia dimisi\u00f3n"},"content":{"rendered":"

19, setembro, 2018. <\/span>O secretario xeral do PPdeG, Miguel Tellado, apuntou que, como semella que Xulio Ferreiro non vai cesar a ning\u00fan concelleiro, \u201ccada minuto que pasa parece m\u00e1is abocado \u00e1 s\u00faa propia dimisi\u00f3n\u00bb, logo do esc\u00e1ndalo das irregularidades administrativas na compra dos pisos a un membro fundador da Marea Atl\u00e1ntica.<\/p>\n

<\/p>\n

 <\/p>\n

As\u00ed, lembrou que o rexedor da Coru\u00f1a cumpriu a primeira parte do que lle ped\u00edan os populares a semana pasada, que era que se desculpase ante todos os coru\u00f1eses; pero que non cumpriu a segunda, que era asumir as responsabilidades que se derivan do caso e non deixalas recaer sobre os funcionarios municipais, \u201cque son os menos culpables da conduta do alcalde\u201d.<\/p>\n

 <\/p>\n

\u201cFomos moi claros: Ferreiro deb\u00eda cesar aos dous concelleiros responsables deste esc\u00e1ndalo ou irse el \u00e1 s\u00faa casa\u201d, remarcou insistindo en que se o rexedor non cesa a ning\u00fan, est\u00e1 cada vez m\u00e1is preto da s\u00faa propia dimisi\u00f3n.<\/p>\n

 <\/p>\n

\u201cXulio Ferreiro chega tarde neste esc\u00e1ndalo\u201d, subli\u00f1ou o n\u00famero dous dos populares galegos, que indicou que foi primeiro o PP e despois o resto da oposici\u00f3n os que o advertiron de estar cometendo unha morea de irregularidades. \u201cNegaron todo, insult\u00e1ronnos e d\u00e9ronlle 145.000 euros a un fundador da Marea da Coru\u00f1a e asesor de Ada Colau, a sabendas de que os pisos non cumpr\u00edan as esixencias\u201d, lamentou Tellado.<\/p>\n

 <\/p>\n

Por todo isto, aseverou que no caso dos pisos \u201cxa non podemos falar de erro administrativo, sen\u00f3n dunha decisi\u00f3n pol\u00edtica irregular que se tomou con plena consciencia\u201d.<\/p>\n

 <\/p>\n

O QUE MERECEN VIGO E SANTIAGO<\/strong><\/p>\n

Ademais, Miguel Tellado tam\u00e9n se referiu \u00e1s presentaci\u00f3ns dos candidatos do PP en Vigo e en Santiago que ter\u00e1n lugar esta semana, as\u00ed como o Congreso Local de Ferrol.<\/p>\n

 <\/p>\n

No tocante a Vigo, asegurou que os populares consideran que este Concello non precisa a un alcalde que quere tapar a s\u00faa ineficacia en temas coma a auga ou o accidente do Marisqui\u00f1o con luces de Nadal, que leva anos instalado na mentira, no insulto e na soberbia; e que cada vez que sae nun medio nacional \u00e9 por un problema derivado da s\u00faa mala xesti\u00f3n ou porque fai \u201cun rid\u00edculo planetario\u201d. <\/p>\n

 <\/p>\n

\u201cCremos que Vigo merece unha alcaldesa seria e con experiencia de xesti\u00f3n contrastada; que co\u00f1ece amplamente as necesidades reais da cidade, porque ten un proxecto que vai m\u00e1is al\u00e1 de po\u00f1er cada ano o dobre de luces de Nadal c\u00f3 ano anterior; e preocupada pola econom\u00eda, pola seguridade e pola calidade da auga. E iso hoxe s\u00f3 o pode encarnar Elena Mu\u00f1oz\u201d, manifestou.<\/p>\n

 <\/p>\n

No que respecta a Santiago, Tellado sinalou que o rival do PP nesta cidade \u00e9 un alcalde que leva uns meses nos que a s\u00faa \u00fanica preocupaci\u00f3n pol\u00edtica \u00e9 derrocar a Lu\u00eds Villares, polo que os compostel\u00e1ns o ano que v\u00e9n ter\u00e1n que decidir entre \u201cun candidato que quere renunciar a selo para intentar coller algo de protagonismo na pol\u00edtica auton\u00f3mica, que \u00e9 Marti\u00f1o Noriega; e un candidato que renunciou a ser conselleiro para ser alcalde, que \u00e9 Agust\u00edn Hern\u00e1ndez\u201d.<\/p>\n

 <\/p>\n

Tras destacar que o tempo que Hern\u00e1ndez foi rexedor do Concello estivo volcado en corpo e alma para facer avanzar a cidade, reco\u00f1eceu que a elecci\u00f3n deber\u00eda ser moi sinxela e que traballar\u00e1n arreo para convencer aos veci\u00f1os de que eles tam\u00e9n a vexan as\u00ed.<\/p>\n