{"id":52952,"date":"2018-09-20T12:08:09","date_gmt":"2018-09-20T10:08:09","guid":{"rendered":"https:\/\/ppdegalicia.com\/tellado-asegura-que-o-pp-quere-rescatar-ames-do-desgoberno-e-da-fragmentacion-para-devolverlle-estabilidade-e-crecemento\/"},"modified":"2018-09-20T12:08:09","modified_gmt":"2018-09-20T10:08:09","slug":"tellado-asegura-que-o-pp-quere-rescatar-ames-do-desgoberno-e-da-fragmentacion-para-devolverlle-estabilidade-e-crecemento","status":"publish","type":"post","link":"https:\/\/ppdegalicia.com\/es\/tellado-asegura-que-o-pp-quere-rescatar-ames-do-desgoberno-e-da-fragmentacion-para-devolverlle-estabilidade-e-crecemento\/","title":{"rendered":"Tellado asegura que o PP quere rescatar Ames do desgoberno e da fragmentaci\u00f3n para devolverlle estabilidade e crecemento"},"content":{"rendered":"

O<\/span> secretario xeral do PPdeG, Miguel Tellado, asegurou que hoxe os populares po\u00f1en \u201ca primeira pedra para rescatar Ames do desgoberno e da fragmentaci\u00f3n e para devolver ao Concello a unha situaci\u00f3n de estabilidade institucional, de crecemento econ\u00f3mico e de preocupaci\u00f3n polos servizos sociais da cidade\u201d.<\/p>\n

<\/p>\n

As\u00ed se expresaba nunha rolda de prensa celebrada esta ma\u00f1\u00e1 en Ames onde se oficializou o acordo polo que a formaci\u00f3n Pacto por Ames quedar\u00e1 integrada nas filas dos populares neste municipio.<\/p>\n

 <\/p>\n

O secretario xeral manifestou que, malia que xa hai meses que comezou este cami\u00f1o, agora os populares dan resposta a unha demanda da cidadan\u00eda deste Concello porque \u201choxe non \u00e9 un gran d\u00eda para o PP sen\u00f3n que \u00e9 un gran d\u00eda para Ames\u201d, ao que engadiu ademais que esta \u00e9 unha xornada de \u201cunidade, de reforzo da nosa estrutura e de ilusi\u00f3n de cara ao futuro que temos por diante\u201d.<\/p>\n

 <\/p>\n

\u201cN\u00f3s sempre dicimos que neste partido non sobra ningu\u00e9n, sen\u00f3n que falta moita xente\u201d, lembrou Tellado, quen incidiu en que s\u00f3 desde a apertura, a xenerosidade, a integraci\u00f3n e a capacidade de sumar se consegue ofrecer un proxecto que consiga representar \u00e1 maior\u00eda da cidadan\u00eda.<\/p>\n

 <\/p>\n

Nese senso, apuntou que o Partido Popular quere ser un proxecto de maior\u00edas, centrado, e con vocaci\u00f3n de goberno en todos os concellos de Galicia. \u201cSomos a \u00fanica garant\u00eda de estabilidade pol\u00edtica en Galicia e, se houbo un exemplo de inestabilidade pol\u00edtica nesta provincia desde 2015, ese foi o Concello de Ames\u201d, subli\u00f1ou.<\/p>\n

 <\/p>\n

O PROXECTO DE FUTURO \u00c9 O DO PP<\/strong><\/p>\n

 <\/p>\n

As\u00ed mesmo, o n\u00famero dous dos populares galegos reco\u00f1eceu que \u201co importante \u00e9 que sexamos capaces de actuar para axudar \u00e1 cidadan\u00eda de Ames\u00bb, destacando que hoxe os populares son m\u00e1is \u00fatiles e est\u00e1n m\u00e1is cerca de ser unha alternativa real nesta vila coru\u00f1esa.<\/p>\n

 <\/p>\n

Pola contra, remarcou que os veci\u00f1os deste Concello non van atopar un proxecto de futuro nun Partido Socialista \u201cque non foi quen de facer nada en catro anos\u201d, nin \u201cnunhas Mareas que levan meses cuxa \u00fanica preocupaci\u00f3n son as s\u00faas loitas internas\u201d.<\/p>\n