{"id":52982,"date":"2018-09-28T12:05:44","date_gmt":"2018-09-28T10:05:44","guid":{"rendered":"https:\/\/ppdegalicia.com\/tellado-asegura-que-as-mareas-de-podemos-so-serviron-para-instalar-o-amiguismo-nas-institucions\/"},"modified":"2018-09-28T12:05:44","modified_gmt":"2018-09-28T10:05:44","slug":"tellado-asegura-que-as-mareas-de-podemos-so-serviron-para-instalar-o-amiguismo-nas-institucions","status":"publish","type":"post","link":"https:\/\/ppdegalicia.com\/es\/tellado-asegura-que-as-mareas-de-podemos-so-serviron-para-instalar-o-amiguismo-nas-institucions\/","title":{"rendered":"Tellado asegura que as Mareas de Podemos s\u00f3 serviron para instalar o amiguismo nas instituci\u00f3ns"},"content":{"rendered":"

28, setembro, 2018. <\/span>O secretario xeral do PPdeG, Miguel Tellado, afirmou esta ma\u00f1\u00e1 que a Marea de Xulio Ferreiro \u201co \u00fanico que fixo en tres anos foi instalar o amiguismo no Pazo de Mar\u00eda Pita, ata deixar \u00e1 cidade nunha situaci\u00f3n completamente insostible\u201d.<\/p>\n

<\/p>\n

 <\/p>\n

As\u00ed se expresaba nunha comparecencia en rolda de prensa, onde lembraba que as \u00fanicas noticias das Mareas de Podemos na Coru\u00f1a nas \u00faltimas semanas foron a anulaci\u00f3n da compra dos pisos a un fundador da Marea, porque non cumpr\u00edan as condici\u00f3ns; e a anulaci\u00f3n do concurso para a celebraci\u00f3n dunha feira gastron\u00f3mica, porque parec\u00eda presuntamente ama\u00f1ado.<\/p>\n

 <\/p>\n

\u201c\u00c9 moi habitual en pol\u00edtica falar de que un goberno municipal d\u00e1 s\u00edntomas de esgotamento, pero no caso do Concello da Coru\u00f1a, con Xulio Ferreiro \u00e1 cabeza, podemos dicir que se atopa dando os \u00faltimos estertores de vida\u201d, asegurou.<\/p>\n

 <\/p>\n

Por este motivo, o n\u00famero dous do PPdeG fixo fincap\u00e9 na importancia da candidatura do Partido Popular \u00e1 Alcald\u00eda deste Concello. De feito, recordou que precisamente hoxe Beatriz Mato se presenta como candidata na Coru\u00f1a, cunha candidatura que \u00e9 \u201cfroito da s\u00faa capacidade de xesti\u00f3n, demostrada durante case unha d\u00e9cada na Xunta; da s\u00faa xenerosidade co partido, pedindo estar no lugar que entende que pode ser m\u00e1is \u00fatil; e da s\u00faa responsabilidade coa cidade, que vive unha situaci\u00f3n moi delicada logo de tres anos de desgoberno das Mareas de Podemos\u201d.<\/p>\n

 <\/strong><\/p>\n

ESTABILIDADE FRONTE ESC\u00c1NDALOS<\/strong><\/p>\n

Por outra banda, o secretario xeral tam\u00e9n valorou as primeiras xornadas do novo Goberno galego que onte se reuniu por primeira vez, o que -segundo destacou- \u201cdemostra que, igual que trala vitoria electoral de 2016, Galicia non se parou nin un s\u00f3 minuto\u201d.<\/p>\n

 <\/p>\n

\u201cDesde o Partido Popular de Galicia estamos convencidos de que este cambio supor\u00e1 un novo impulso para a acci\u00f3n do Goberno\u201d, que, como indicou, encara a segunda metade da lexislatura co af\u00e1n de afrontar e mellorar o presente e a xesti\u00f3n diaria, coa estabilidade institucional do primeiro d\u00eda.<\/p>\n

 <\/p>\n

Desde xeito, Tellado contrapuxo a situaci\u00f3n de estabilidade de Galicia coa crise constante que vive o Goberno de Pedro S\u00e1nchez, xa que mentres da Xunta de Galicia marchan dous conselleiros \u201cexcepcionais por xenerosidade e compromiso co seu partido e coas s\u00faas cidades\u201d, do Goberno de Espa\u00f1a marchan ministros \u201cafogados polos seus esc\u00e1ndalos persoais\u201d. <\/p>\n

 <\/p>\n

\u201cS\u00e1nchez comezou a semana cun novo agravio a Galicia e ao resto de Comunidades aut\u00f3nomas, pactando financiar con 1.400 mill\u00f3ns de euros a Catalu\u00f1a, de xeito que nos vai facer pagar unha vez m\u00e1is a todos os espa\u00f1ois o apoio dos independentistas \u00e1 moci\u00f3n de censura; e vaina rematar con dous ministros na sala de espera para ser os seguintes en dimitir\u201d, subli\u00f1ou ao tempo que engad\u00eda que \u201cagora podemos entender por que nomeou a 17, porque se cesa a un ao mes non vai chegar ning\u00fan a 2020\u201d.<\/p>\n

 <\/p>\n

\u201cTralas mentiras demostradas da ministra Delgado e as declaraci\u00f3ns de 2015 de Pedro S\u00e1nchez anunciando que cesar\u00eda a calquera que fixese o que fixo Pedro Duque moito me temo que nin todas as viaxes en Falcon lle van valer para escapar dos seus problemas, nin toda a coci\u00f1a do CIS lle vai servir para maquillar o desastre do seu paso pola Moncloa\u201d, aseverou.<\/p>\n

 <\/p>\n

UN PSdeG ANESTESIADO<\/strong><\/p>\n

Na mesma li\u00f1a, Tellado lamentou tam\u00e9n que, ante todos os agravios do Executivo nacional con Galicia, o PSdeG permaneza anestesiado sendo incapaz de defender os intereses da nosa Comunidade.<\/p>\n

 <\/p>\n

Tal e como manifestou, Javier Losada act\u00faa como un anestesista para que os socialistas galegos queden calados cando o Goberno de S\u00e1nchez anuncia que quere retrasar a chegada do AVE a Galicia, cando recortan 200 mill\u00f3ns que pertencen aos galegos da recadaci\u00f3n do IVE, cando po\u00f1en en perigo os contratos do noso naval con Arabia, cando cambian de opini\u00f3n con respecto ao Pazo de Meir\u00e1s e cando deciden financiar a d\u00e9beda do Porto de Valencia pero non a dos portos galegos.<\/p>\n

 <\/p>\n

Igualmente, tam\u00e9n avogou porque o secretario xeral do PSdeG, Gonzalo Caballero, opte por facer unha oposici\u00f3n construtiva para tentar chegar a acordos que beneficien aos cidad\u00e1ns e deixe de lado a s\u00faa actitude combativa, xa que, do contrario, o Partido Socialista de Galicia seguir\u00e1 abocado a competir por ser a formaci\u00f3n \u201cm\u00e1is marxinal\u201d do Parlamento galego xunto co BNG.<\/p>\n