{"id":52989,"date":"2018-10-05T11:36:54","date_gmt":"2018-10-05T09:36:54","guid":{"rendered":"https:\/\/ppdegalicia.com\/tellado-o-debate-de-politica-xeral-contrapora-un-goberno-con-balance-e-propostas-cunha-oposicion-prisioneira-das-suas-liortas-internas\/"},"modified":"2018-10-05T11:36:54","modified_gmt":"2018-10-05T09:36:54","slug":"tellado-o-debate-de-politica-xeral-contrapora-un-goberno-con-balance-e-propostas-cunha-oposicion-prisioneira-das-suas-liortas-internas","status":"publish","type":"post","link":"https:\/\/ppdegalicia.com\/es\/tellado-o-debate-de-politica-xeral-contrapora-un-goberno-con-balance-e-propostas-cunha-oposicion-prisioneira-das-suas-liortas-internas\/","title":{"rendered":"Tellado: \u201cO Debate de pol\u00edtica xeral contrapor\u00e1 un Goberno con balance e propostas cunha oposici\u00f3n prisioneira das s\u00faas liortas internas\u201d"},"content":{"rendered":"

5, outubro, 2018. <\/span> O secretario xeral do PPdeG, Miguel Tellado, reflexionou sobre a situaci\u00f3n na que chega Galicia ao Debate do Estado da Autonom\u00eda que se celebrar\u00e1 a vindeira semana, contrapo\u00f1endo d\u00faas \u201crealidades innegables\u201d: a existencia dun Goberno consolidado e respaldado cunha maior\u00eda parlamentaria excepcional, que comparece ante C\u00e1mara cun balance do feito e cunha bater\u00eda de propostas sobre o que queda por facer; e unha oposici\u00f3n dividida \u201cincapaz de artellar sequera un discurso que resulte remotamente coherente entre as tres e prisioneira dos seus conflitos internos\u201d.<\/p>\n

<\/p>\n

 <\/p>\n

De igual xeito, subli\u00f1ou que mentres aqu\u00ed contamos cun Goberno estable e s\u00f3lido, o Executivo nacional at\u00f3pase nunha posici\u00f3n de extrema debilidade, prisioneiro dos seus socios de moci\u00f3n de censura; e que mentres na nosa Comunidade teremos un debate normal e cun desenvolvemento habitual, o Debate de pol\u00edtica xeral catal\u00e1n foi un esperpento m\u00e1is do independentismo, que non \u00e9 capaz de po\u00f1erse de acordo nin para unhas propostas de resoluci\u00f3n. Ao mesmo tempo, lamentou que o discurso na esquerda galega, especialmente no socialismo, vaia volver renunciar a defender os intereses de Galicia para ser unha sucursal de Ferraz na nosa Comunidade.<\/p>\n

 <\/p>\n

FERROL MERECE AO MELLOR ALCALDE DA S\u00daA HISTORIA<\/strong><\/p>\n

Por outra banda, Tellado, afirmou que \u201cFerrol merece que o mellor alcalde da s\u00faa historia recente substit\u00faa ao peor rexedor que tivo a cidade\u201d, logo de lembrar que precisamente esta tarde celebrarase a presentaci\u00f3n oficial de Jos\u00e9 Manuel Rey como aspirante do PP \u00e1 Alcald\u00eda desta urbe, un posto que \u201cnunca debeu perder\u201d.<\/p>\n

 <\/p>\n

O n\u00famero dous dos populares galegos aseverou que o Concello de Ferrol, con Jorge S\u00faarez \u00e1 cabeza, foi durante estes \u00faltimos anos todo o que non debe ser a pol\u00edtica xa que chegou como froito dun pacto de perdedores, que apenas tardou un ano en romperse; mant\u00edvose grazas a dous casos de transfuguismo; e aguantou todo o mandato sen facer absolutamente nada pola cidade, porque todos os concelleiros estiveron m\u00e1is preocupados das liortas internas dos seus partidos ca da xesti\u00f3n diaria.<\/p>\n

 <\/p>\n

As\u00ed mesmo, apuntou que a d\u00fabida nunca foi se a Marea de Ferrol \u00eda aguantar ou rachar, se non se en 2019 vai haber d\u00faas ou tres Mareas de Podemos diferentes. Por todo isto, o secretario xeral manifestou que Ferrol foi a zona cero do populismo en Galicia e non merece selo catro anos m\u00e1is.<\/p>\n

 <\/p>\n

\u201cO que merece Ferrol \u00e9 un alcalde con experiencia de xesti\u00f3n, e que renunciou a ser conselleiro para volver a loitar por unha cidade que o ilusiona; que pelexe polos servizos sociais, pola demograf\u00eda ou polas infraestruturas b\u00e1sicas da cidade; e que te\u00f1a claro que a prioridade \u00e9 o emprego e a creaci\u00f3n de oportunidades de futuro na cidade e na comarca\u201d, remarcou.<\/p>\n

 <\/p>\n

O NOVO ESC\u00c1NDALO DA MAREA ATL\u00c1NTICA<\/strong><\/p>\n

Por \u00faltimo, o secretario xeral tam\u00e9n se referiu \u00e1 denuncia da Fiscal\u00eda da Coru\u00f1a contra a Marea Atl\u00e1ntica por suposta prevaricaci\u00f3n na cesi\u00f3n do antigo c\u00e1rcere. Como sinalou, unha vez m\u00e1is, o PP comezou denunciando as evidentes irregularidades deste proceso; os populares recibiron, de novo, insultos das Mareas; e, como de costume, o tempo demostrou que ti\u00f1an raz\u00f3n e que Xulio Ferreiro ten unha \u201crede clientelar\u201d na que na Coru\u00f1a \u00e9 imposible facer nada a menos que se sexa asinante ou amigo da Marea.<\/p>\n

 <\/p>\n

Ademais, recordou que nas tres \u00faltimas semanas este Concello s\u00f3 xerou tres noticias: a anulaci\u00f3n da compra dos pisos a un fundador das Marea Atl\u00e1ntica porque hai indicios de ama\u00f1o no concurso, a anulaci\u00f3n dunha feira porque tam\u00e9n hai indicios de ama\u00f1o no concurso, e a denuncia da Fiscal\u00eda pola cesi\u00f3n do c\u00e1rcere porque hai ata oito indicios de ama\u00f1o.<\/p>\n

 <\/p>\n

\u201cA ritmo de un esc\u00e1ndalo por semana, e nos que cada vez lle toca a un concelleiro diferente, a \u00fanica explicaci\u00f3n posible a todas estas pol\u00e9micas \u00e9 que o se\u00f1or Ferreiro estea a competir con Pedro S\u00e1nchez para ver que goberno se desintegra antes\u201d, sentenciou. <\/p>\n