\nSantiago, 18 de xaneiro de 2017.- O secretario xeral do PPdeG, Miguel Tellado, asegurou que o partido celebra que a pol\u00edtica que est\u00e1 levando a cabo a Xunta e as preocupaci\u00f3ns principais do goberno galego se estendan ao conxunto de Espa\u00f1a. \u201c\u00c9 unha mostra m\u00e1is de que Galicia est\u00e1 a acertar tanto no diagn\u00f3stico das necesidades dos seus cidad\u00e1ns como nas ferramentas para atender estas necesidades\u201d, afirmou.<\/p>\n
<\/p>\n
As\u00ed, Tellado salientou que a Conferencia de Presidentes Auton\u00f3micos celebrada onte permitiu que os diferentes territorios tiveran a oportunidade de ser escoitados nas s\u00faas reivindicaci\u00f3ns e necesidades, pero tam\u00e9n de escoitar as das demais comunidades. Segundo expresou, a importancia dunha cita coma esta radica en que nela se po\u00f1en enriba da mesa soluci\u00f3ns e reformas estruturais de fondo calado que serven para afrontar os desaf\u00edos que ten o noso pa\u00eds a medio e longo prazo.<\/p>\n
\nNeste sentido, celebrou que os dous temas centrais que levaba na axenda Galicia fosen tam\u00e9n os dous fundamentais da reuni\u00f3n, e que ambos se pechasen co compromiso de deixalos resoltos a finais deste mesmo ano: o financiamento auton\u00f3mico e a crise demogr\u00e1fica.<\/p>\n
\nEn canto ao primeiro, destacou que se acadase o compromiso de que o novo sistema se asente en tres principios: o custe efectivo dos servizos, para garantir a prestaci\u00f3n dos mesmos a todos os cidad\u00e1ns, \u201ccon especial atenci\u00f3n a sanidade e dependencia, \u00e1reas das que tam\u00e9n conseguimos que vaian ter unha peza separada neste debate\u201d; a multilateralidade, \u201cporque Espa\u00f1a ten moitos centros de decisi\u00f3n que deben ser escoitados en igualdade e xa vimos que a receita dos privilexios a unhas comunidades sobre outras do goberno Zapatero era mercanc\u00eda estropeada\u201d; e a estabilidade, para poder garantir os recursos e manter un modelo que facilite a planificaci\u00f3n.<\/p>\n
\nPola s\u00faa banda, en canto \u00e1 crise demogr\u00e1fica, tam\u00e9n afirmou que se debe ponderar a vontade de ter unha Estratexia Estatal este mesmo ano, na que xogar\u00e1n un papel central os estudos que Galicia ten realizado xunto con outras comunidades para abordar a cuesti\u00f3n. <\/p>\n
\nTellado lembrou que para que todo iso se poda facer real, prec\u00edsase dunha pol\u00edtica econ\u00f3mica que provoque crecemento, que favoreza a creaci\u00f3n de emprego e consolide o c\u00edrculo virtuoso no que se atopa o pa\u00eds. \u201cPor iso tam\u00e9n cremos que \u00e9 importante afondar nas reformas, continuar polo cami\u00f1o da estabilidade e insistir no que se fixo ben durante estes anos\u201d, incidiu.<\/p>\n
\nAs\u00ed mesmo, o secretario xeral do PPdeG dixo que todos os temas que se acordaron onte son positivos, destacando alg\u00fans que foron prioridade en Galicia nos \u00faltimos tempos, como a Tarxeta Social, o Bono Social ou o Pacto contra a Violencia machista.<\/p>\n
\n\u201cAgardamos que Conferencias con este esp\u00edrito construtivo e este talante te\u00f1an continuidade no tempo. Sempre nos quedaremos cun modelo no que todas as autonom\u00edas te\u00f1an voz e voto, como sucede agora, fronte aos tempos nos que s\u00f3 dous centros de decisi\u00f3n pechaban decisi\u00f3ns que nos afectaban a todos os espa\u00f1ois\u201d, recalcou. <\/p>\n
<\/p>\n
ARMONIZACI\u00d3N FISCAL
\nDurante a s\u00faa comparecencia en rolda de prensa, Tellado tam\u00e9n remarcou que Galicia foi unha Comunidade estritamente cumpridora ano tras ano, que tanto o seu goberno como os seus cidad\u00e1ns fixeron grandes esforzos ao longo da crise e que as baixadas de impostos dos \u00faltimos anos son un reco\u00f1ecemento aos galegos. \u201cO que non deberiamos permitir \u00e9 que Comunidades que incumpren o d\u00e9ficit de forma sistem\u00e1tica lle pretendan dar lecci\u00f3ns en materia fiscal a quen si cumpre\u201d, resaltou.<\/p>\n
\n\u201cEntrist\u00e9cenos que unha comunidade hist\u00f3rica sexa a que pide que as Comunidades te\u00f1an menos marxe de manobra para facer as s\u00faas propias pol\u00edticas e menos soberan\u00eda\u201d, dixo refer\u00edndose a Andaluc\u00eda, antes de lembrar que esta semana acordou de maneira ilegal reducir unilateralmente a xornada laboral dos funcionarios, algo que est\u00e1 regulado a nivel estatal.
\n <\/p>\n