{"id":53437,"date":"2017-03-16T13:18:39","date_gmt":"2017-03-16T11:18:39","guid":{"rendered":"https:\/\/ppdegalicia.com\/tellado-afirma-que-o-concello-de-ferrol-esta-secuestrado-por-unha-minoria-absoluta\/"},"modified":"2017-03-16T13:18:39","modified_gmt":"2017-03-16T11:18:39","slug":"tellado-afirma-que-o-concello-de-ferrol-esta-secuestrado-por-unha-minoria-absoluta","status":"publish","type":"post","link":"https:\/\/ppdegalicia.com\/es\/tellado-afirma-que-o-concello-de-ferrol-esta-secuestrado-por-unha-minoria-absoluta\/","title":{"rendered":"Tellado afirma que o Concello de Ferrol est\u00e1 \u201csecuestrado por unha minor\u00eda absoluta\u201d"},"content":{"rendered":"

Ferrol, 16 de marzo de 2017.- <\/strong>O secretario xeral do PPdeG, Miguel Tellado, continuou este xoves en Ferrol coa rolda de reuni\u00f3ns que est\u00e1 a celebrar con agrupaci\u00f3ns locais do partido coa vontade de  \u201cco\u00f1ecer de primeira man as necesidades de cada lugar, identificar problemas com\u00fans para dar soluci\u00f3ns com\u00fans, e aproveitar as sinerxias\u201d. As\u00ed, valorou que o \u201cO PP \u00e9 o \u00fanico partido que, respectando as caracter\u00edsticas de cada lugar, pode manter un discurso \u00fanico en todos eles, e celebrar encontros como este\u201d.<\/p>\n

<\/p>\n

No caso concreto de Ferrol, o secretario xeral lembrou que \u201chai dous anos, Ferrol ti\u00f1a un rumbo claro, unha folla de ruta e un proxecto de cidade reco\u00f1ecible\u201d. En contraposici\u00f3n, valorou que na actualidade \u00e9 \u201cun concello secuestrado por unha minor\u00eda absoluta\u201d, xa que os populistas te\u00f1en case a metade de ed\u00eds que o PP. As\u00ed mesmo, ilustrou o seu argumento coa total ausencia de inversi\u00f3ns municipais e o peor comportamento dos datos do paro que no conxunto de Galicia.<\/p>\n

 <\/p>\n

Do mesmo xeito, reprochoulle ao alcalde que \u201cas Mareas present\u00e1ronse como nova pol\u00edtica, \u00e1 vangarda da transparencia e rexeneraci\u00f3n, e a maior  achega \u00e1 rexeneraci\u00f3n que fixo Jorge Su\u00e1rez foi a de gobernar con d\u00faas tr\u00e1nsfugas, unha das peores expresi\u00f3ns da vella pol\u00edtica\u201d.<\/p>\n

 <\/p>\n

As\u00ed, Tellado lembrou a necesidade de \u201cfortalecer proxectos que conecten coa maior\u00eda\u201d. \u201cOs ferrol\u00e1ns hoxe xa sabemos que, malia que no Concello hai m\u00e1is partidos, s\u00f3 hai d\u00faas alternativas: rigor ou populismo; estabilidade ou caos; responsabilidade ou espect\u00e1culo\u201d, recalcou, para conclu\u00edr subli\u00f1ando que \u201ccada d\u00eda que pasa, estamos m\u00e1is preto de que o goberno das Mareas e das tr\u00e1nsfugas sexan un mal recordo do pasado\u201d.<\/p>\n

 <\/p>\n

Igualmente, Tellado lamentou que os gobernos populistas \u201cvan cami\u00f1o de queimar a metade do seu mandato, e en ningunha das  cidades podemos nomear un s\u00f3 proxecto que leve o seu selo\u201d. Neste mesmo sentido, apuntou que est\u00e1n a perder a oportunidade para aproveitar os \u201cventos de cola\u201d do crecemento econ\u00f3mico a nivel estatal e auton\u00f3mico. \u201cA \u00fanica pegada que est\u00e1n deixando \u00e9 a da par\u00e1lise, a mala xesti\u00f3n e o sectarismo\u201d subli\u00f1ou.<\/p>\n

 <\/p>\n

MESES DE PAR\u00c1LISE<\/strong><\/p>\n

Pola s\u00faa parte, a portavoz do grupo municipal do Partido Popular, Martina Aneiros Barros, destacou que, fronte a outras formaci\u00f3ns, o Partido Popular na situaci\u00f3n de caos que vive o concello de Ferrol amosa a s\u00faa unidade de acci\u00f3n para facer fronte \u00e1 par\u00e1lise do goberno da Marea.<\/p>\n

 <\/p>\n

Dende o PP ve\u00f1en denunciando xa hai meses a mala xesti\u00f3n e o sectarismo diario da actividade municipal do goberno de Jorge Su\u00e1rez. Un claro exemplo foi o vivido co saneamento: \u201cun ano leva paralizado este tema debido \u00e1 nefasta xesti\u00f3n do Se\u00f1or Su\u00e1rez e da s\u00faa actuaci\u00f3n chapuceira, priorizando os intereses pol\u00edticos por riba dos intereses dos veci\u00f1os\u201d, dixo.<\/p>\n

 <\/p>\n

Onte mesmo co\u00f1ec\u00edase a renuncia de dous membros do Consello de administraci\u00f3n de EMAFESA, os representantes do PSOE, polo que \u201choxe instamos a Jorge Su\u00e1rez a que restableza con car\u00e1cter inminente a representaci\u00f3n no consello de EMAFESA, \u00e9 urxente e prioritario regularizar e subsanar esta situaci\u00f3n\u201d, sinalou Aneiros.<\/p>\n

 <\/p>\n

Ademais, a popular recordou que hoxe ter\u00eda que convocarse un pleno que supostamente se vai celebrar o pr\u00f3ximo martes, pero da que a\u00ednda non se ten convocatoria algunha, \u201cun pleno fantasma con puntos fantasma. A confusi\u00f3n vai aumentando d\u00eda a d\u00eda\u201d.<\/p>\n