Santiago, 11 de xullo de 2017.- A deputada do Grupo Popular Marta Rodríguez-Vispo avogou hoxe no Parlamento por manter “o consenso que conseguimos coa Lei pola igualdade de trato e a non discriminación de lesbianas, gays, transexuais, bisexuais e intersexuais de Galicia, e continuar desenvolvendo esta norma para seguir avanzando todos xuntos na mesma dirección”. Neste sentido, apuntou que as proposicións de lei defendidas pola oposición sobre a identidade de xénero “non contan co consenso de todas os colectivos, pois algunhas das entidades transexuais non se senten identificadas e se desmarcan totalmente desta proposta”.<\/p>\n
<\/p>\n
Rodríguez-Vispo iniciou a súa intervención no Pleno “deixando patente o compromiso expreso do PPdeG na defensa da igualdade de dereitos de todas as persoas, calquera que sexa a súa orientación ou identidade sexual, e o noso rexeitamento e explícita condena de calquera forma de discriminación, acoso ou trato desigual que veña motivado polas preferencias sexuais de cadaquén”.<\/p>\n
<\/p>\n
“Ambas cuestións, a defensa da liberdade e a igualdade das persoas, e o noso compromiso con todas elas, quedou plasmado na Lei 2\/2014 do 14 de abril pola igualdade de trato e a non discriminación de lesbianas, gays, transexuais, bisexuais e intersexuais en Galicia, que se aprobou neste Parlamento acadando un gran consenso entre as forzas políticas e convertendo a Galicia na primeira comunidade autónoma que lexislou sobre esta materia una lei que defende a igualdade e non discriminación do colectivo de transexuais en Galicia”, sinalou.<\/p>\n
<\/p>\n
LOGRO COLECTIVO<\/p>\n
A deputada popular destacou que esta lei “foi un logro colectivo das asociacións, plataformas e fundacións LGBTI galegas, das institucións que participaron na súa elaboración e da sociedade no seu conxunto”, polo que afirmou que “en Galicia xa dispoñemos dunha lei para desenvolver plans de acción e estratexias para cumprir os dereitos das persoas trans”.<\/p>\n
<\/p>\n
Marta Rodríguez-Vispo manifestou que logo dunha análise do texto legal que propoñen os grupos da oposición sobre a identidade de xénero “revélase que incorpora propostas que xa se están a desenvolver”. En concreto, citou o protocolo educativo para garantir a igualdade, a non discriminación e a liberdade de identidade de xénero, “que se fixo dialogando coas asociacións e contou directamente coa colaboración das partes directamente implicadas, como foi neste caso a Asociacións de familias con menores trans (Arelas)”.<\/p>\n
<\/p>\n
“Respecto dos plans e contidos educativos que propoñen no texto lexislativo, a Consellería de Educación xa incluíu estes criterios no deseño curricular de primaria e secundaria, ao tempo que se favoreceu a visibilización das persoas trans no propio calendario escolar”, concretou.<\/p>\n
<\/p>\n
Así mesmo, a deputada popular asegurou que o Goberno galego “pretendeu concienciar e sensibilizar a toda a sociedade, especialmente aos rapaces e rapazas, en conceptos como a pluralidade, a diferenza e o respecto á diversidade sexual, tendo presente que as nenas e os nenos galegos son o futuro e ensinarlles a ver con normalidade as persoas trans garantirá que a sociedade galega actúe con normalidade e sexa máis integradora nos próximos anos”.<\/p>\n
<\/p>\n
UNIDADE PIONEIRA<\/p>\n
Entre as medidas adoptadas no ámbito sanitario, Marta Rodríguez-Vispo recordou que o Consello da Xunta xa aprobou a pasada semana a creación dunha unidade pioneira de apoio e acompañamento a persoas transexuais, co obxectivo de despatoloxizar a transexualidade e introducir unha política sanitaria no trato destas persoas, cunha mirada transpositiva que garanta o respecto á identidade de xénero e o acceso ao sistema sanitario de acordo co nome sentido”.<\/p>\n
<\/p>\n
“Trátase dunha unidade de uso facultativo e non obrigatorio por parte dos usuarios, xa que cada persoa transexual pode ser atendida polo seu pediatra ou médico de atención primaria no seu centro médico ou hospital de referencia, atendendo ao criterio dunha atención de máxima proximidade”, apuntou.<\/p>\n
<\/p>\n
Por último, Rodríguez-Vispo destacou que en 2016 se asinaron os primeiros convenios de colaboración con catro asociacións de persoas LGBTI para o fomento de actividades de promoción e defensa dos seus dereitos e intereses. “Tanto desde este grupo parlamentario como desde o Goberno galego queremos falar con todas as entidades, pero se algunha destas asociacións se quere arrogar a representatividade de todas, en iso non estamos de acordo”, indicou.<\/p>\n","protected":false},"excerpt":{"rendered":"
Santiago, 11 de xullo de 2017.- A deputada do Grupo Popular Marta Rodríguez-Vispo avogou hoxe no Parlamento por manter “o consenso que conseguimos coa Lei pola igualdade de trato e a non discriminación de lesbianas, gays, transexuais, bisexuais e intersexuais de Galicia, e continuar desenvolvendo esta norma para seguir avanzando todos xuntos na mesma dirección”. […]<\/p>\n","protected":false},"author":37,"featured_media":0,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[1],"tags":[],"class_list":["post-53650","post","type-post","status-publish","format-standard","hentry","category-pp-de-galicia"],"acf":[],"yoast_head":"\n