{"id":53822,"date":"2017-11-16T12:47:32","date_gmt":"2017-11-16T10:47:32","guid":{"rendered":"https:\/\/ppdegalicia.com\/o-ppdeg-realizara-unha-entrega-de-carnes-na-que-reunira-a-mais-de-200-novos-afiliados\/"},"modified":"2017-11-16T12:47:32","modified_gmt":"2017-11-16T10:47:32","slug":"o-ppdeg-realizara-unha-entrega-de-carnes-na-que-reunira-a-mais-de-200-novos-afiliados","status":"publish","type":"post","link":"https:\/\/ppdegalicia.com\/es\/o-ppdeg-realizara-unha-entrega-de-carnes-na-que-reunira-a-mais-de-200-novos-afiliados\/","title":{"rendered":"O PPdeG realizar\u00e1 unha entrega de carn\u00e9s na que reunir\u00e1 a m\u00e1is de 200 novos afiliados"},"content":{"rendered":"

Santiago, 16 de novembro de 2017.-<\/strong> O secretario xeral do PPdeG, Miguel Tellado, anunciou que a vindeira semana, o s\u00e1bado d\u00eda 25, o partido celebrar\u00e1 unha entrega de carn\u00e9s na que reunir\u00e1 a todos aqueles que nos \u00faltimos meses se quixeron unir a esta gran organizaci\u00f3n, tendo confirmada xa a asistencia duns 180 novos afiliados.<\/p>\n

<\/p>\n

 <\/p>\n

Tal e como avanzou, neste evento, o presidente Alberto N\u00fa\u00f1ez Feij\u00f3o, os presidentes provinciais e outros cargos ser\u00e1n os que realicen a entrega, tendo \u201ca oportunidade de darlle persoalmente, cara a cara, as grazas a todos e cada un dos que queiran participar\u201d. Nese senso, destacou que unha mostra de que o proxecto do PPdeG est\u00e1 m\u00e1is vivo que nunca \u00e9 que nos \u00faltimos catro meses recibiron 600 novas afiliaci\u00f3ns, cun perfil do afiliado variado que comprende todas as idades.<\/p>\n

 <\/p>\n

As\u00ed mesmo, Tellado remarcou que \u201cdesde o Partido Popular de Galicia cremos que esta vai ser unha gran festa para a nosa organizaci\u00f3n, tanto polas dimensi\u00f3ns do acto como pola alegr\u00eda que nos produce; cremos que somos a \u00fanica formaci\u00f3n que hoxe en Galicia pode permitirse xuntar a varios centos de novos afiliados para celebrar a nosa unidade e a ilusi\u00f3n compartida de sermos parte dun mesmo proxecto pol\u00edtico; e  cremos que, mentres sigamos tendo novos afiliados as\u00ed de ilusionados, seguiremos sendo o Partido que m\u00e1is se parece a Galicia por moito tempo\u201d.<\/p>\n

 <\/p>\n

O PARTIDO M\u00c1IS IMPORTANTE DE GALICIA<\/strong><\/p>\n

Na s\u00faa intervenci\u00f3n, Tellado sinalou que cando os populares din que son o partido m\u00e1is importante da Comunidade, non o fan como unha loanza aos seus l\u00edderes, aos seus cadros ou aos seus cargos electos nas instituci\u00f3ns. \u201cO Partido Popular de Galicia \u00e9 o m\u00e1is importante da nosa Comunidade porque as\u00ed o queren os galegos e galegas, que cada vez que se abren as urnas conf\u00edan en n\u00f3s para sermos a forza m\u00e1is votada\u201d, subli\u00f1ou.<\/p>\n

 <\/p>\n

Segundo indicou o n\u00famero dous dos populares galegos, \u201ca verdadeira forza do noso partido reside na cantidade de persoas que optan por n\u00f3s para que melloremos as instituci\u00f3ns e contribuamos a mellorar a calidade de vida dos nosos veci\u00f1os\u201d. Pola s\u00faa parte, engadiu que os populares, \u201cnon sabemos, entender a pol\u00edtica sen o contacto coa r\u00faa, coa xente, por iso sabemos que a nosa principal fortaleza reside en que en cada recuncho de Galicia hai persoas que est\u00e1n dispostas a enarborar publicamente a bandeira do Partido Popular\u201d.<\/p>\n

 <\/p>\n

\u201cEses son os nosos afiliados, que d\u00eda a d\u00eda contrib\u00faen co seu traballo, o seu esforzo e mesmo con recursos propios para facer que a nosa organizaci\u00f3n siga medrando\u201d, manifestou Tellado, quen reco\u00f1eceu que, como secretario xeral, \u201c\u00e9 un orgullo saber que cada d\u00eda temos novas solicitudes de afiliaci\u00f3n ao noso partido, que chegan a trav\u00e9s das nosas sedes locais e provinciais\u201d.<\/p>\n

 <\/p>\n

Por ese motivo, insistiu en que desde a sede auton\u00f3mica da s\u00faa formaci\u00f3n consideran que \u00e9 o momento de facerlle unha homenaxe aos seus afiliados, entreg\u00e1ndolles por unhas horas unha parte do protagonismo que consideran que merecen.<\/p>\n